LOBMUNG 99
99
Kaitor se Bugra Kotor
1 #
Lam 25.22. Subraiyung se bugra;
bororok kwlwibra thung!
Bo cherubni kwcharo achukjak;
o ha ninang thung!
2Subraiyung Siyono kotor;
bo bebak bororokni slái kuchugo.
3Bórok nini kotorma tei kirimasingcha mungno lob thung.
Bo wng kha kwthar!
4Phan gwnang Bugra, bujsói hamjaknaisa,
nwng baksa khe bujsói khlaimano songcha kha;
nwng’-no Jakobni thani bujsói tei kaham khlai kha.
5Subraiyung Kaitorno kuchuk lobsa di;
bini yakungo khulum di.
Bo wng kha kwthar!
6Ochairokni bisingo Musi bai Aron phiya bono ringnairokni bere Samuelbo khoroksa.
Bórok Subraiyungno ring kha hakhe bo bórokni ringmano khna kha.
7 #
Lam 33.9. Chumuini thongla-o tongwi bo bórokno kók sa kha;
bórok bini kókrok narwk kha tei
bini dagimarokbo tẃi kha.
8O Subraiyung chini Kaitor, nwng bórok bai kók sa kha,
nwng bórokni bagwi nakarnai Kaitor wng kha,
hai phano nwng bórokni samung cha yani yagul su kha.
9Chini Kaitor Subraiyungno lobsa di tei bini hathái kwtharo khulum di;
tamni hwn ba chini Subraiyung Kaitor wng kha kwthar.
Currently Selected:
LOBMUNG 99: KOKBSI
Highlight
Share
Copy
Want to have your highlights saved across all your devices? Sign up or sign in
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
