CHABANGCHAM 11

Babylon ga Ting-rabo

1Karaigara, kadihpiri pakhiangna hai chakhuan khat ronna thiujiu chalad khat ronna thiu bamniu-e. 2Sichiu paliuniu Tingbanglam lungron tad bambo tingga Babylon ajiangramga paliu wanglung sude. 3Paliu khat-khat khuga dinsude, “Wanglo, aliu chagam-niangtu kamkhe.” Sichiujiu paliuniu chaky thiura chagam-niangtu kam sude, khatdi siga taiman raleng tatutam kam sude. 4Paliuniu din-e, “Tuhoira aliuniu namdi khat thiu lujiu tingpuk khangtangra ting-ra sukhe, sichiujiu aliu zan tadjiu bamra khatdi aliu lung marami makra kamkhe.”

5Siga maidung siniu thiukhang bambo namdi nai ting-rabo situ phuira Rapiu kiude, 6sichiujiu paniu din-e, “Tuhoira haimaidung mathiuse khat thiu bambo-e, khatdi paliu khuan khat, lad khat ronna dinbambo-e; haise paliuniu kamrabose kamsugap bambo-e. Pasaira paliuniu kam kanibo hinase kamlumi rabo-e! 7Aliu kiulujiu paliu khuan, paliu lad hai kam tabuat mikhe, sichiusai paliu khat-khat lad sitami rabo-e. 8Sichiujiu Rapiu niu paliutu kadihpiri pabam hinaga kam marakhai mide, sichiujiu paliu namdise thiuta mide. 9Namdi situ Babylon#11.9: Babylon: Hebrew ladga “kam tabuat khaibo” chiubo-e chiujiu ku-e, palamra Rapiu niu maidung hina ladse kam tabuat khai mibo-e. Sigasu paniu paliutu kadihpiri pabam hinaga kam marakhai mibo-e.

Shem Kaikikdung

(1 Char 1.24-27)

10Haimaidungse Shem kaikikdung-e. Tadui nailubo sai tingkum niaga, Shem niu tingkum 100 miboga, piumai nah khat, Arpachshad tu lung-e. 11Sibosai pah takum 500 lung lanjiu kakibo nahdung lung lan-e.

12Arpakhshad niu takum 35 miboga, piumai nah khat, Shelah tu lung-e; 13sibosai pah takum 403 lung lanjiu kakibo nahdung lung lan-e.

14Shelah niu takum 30 miboga, piumai nah khat, Eber tu lung-e; 15sibosai pah takum 403 lung lanjiu kakibo nahdung lung lan-e.

16Eber niu takum 34 miboga, piumai nah khat, Peleg tu lung-e; 17sibosai pah takum 430 lung lanjiu, kakibo nahdung lung lan-e.

18Peleg niu takum 30 miboga, piumai nah khat, Reu tu lung-e; 19sibosai pah takum 209 lung lanjiu, kakibo nahdung lung lan-e.

20Reu niu takum 32 miboga, piumai nah khat, Serug tu lung-e; 21sibosai pah takum 207 lung lanjiu, kakibo nahdung lung lan-e.

22Serug niu takum 30 miboga, piumai nah khat, Nahor tu lung-e; 23sibosai pah takum 200 lung lanjiu, kakibo nahdung lung lan-e.

24Nahor niu takum 29 miboga, piumai nah khat, Terah tu lung-e; 25sibosai pah takum 119 lung lanjiu, kakibo nahdung lung lan-e.

26Terah niu takum 70 khangtang miboga, pahai Abram, Nahor khatdi Haran piu thiu-e.

Terah Kaikikdung

27Haibo maidungse Abram, Nahor khatdi Haran piu, Terah kaikikdung-e. Haran hai Lot piu-e, 28chiudi Haran hai pakiluang Babylon gu Ur gasu papiu ringbam khaga shai mide. 29Abram niu Sarai tu panao leng lu-e, khatdi Nahor niu Haran nahpui Milkah tu panao leng lu-e, pahai Iskah piu-e. 30Sarai hai panah lungmakbo nahkampui-e.

31Terah niu panah Abram, Haran nahpiu, patah Lot, khatdi Abram nao, pamupui Sarai tu puilujiu Babylon gu Ur namdi gasu Canaan kadih lam tadsude. Paliuniu Haran kadihga wangtang lujiu siga lungsude. 32Siga Terah niu tingkum 205 tangmiboga shai mide.

Currently Selected:

CHABANGCHAM 11: LIANBSI

Highlight

Copy