BON 6
6
Nyi Kvn go Xuqnam
1Hoq apoho hwdlo buungv vigo swwrab yin, Gwrik agam goonbo Juhudi tulu ngvla Aramaik agam goonbo Juhudi tulug pengko ho sup ak pumin sunum. Gwrik agam goonbo tulungv bulug xwwmiam aal looxiam dvs twws hork ho kvvmw banv horpinl hormwq gvdwk hvl supnum. 2Hoqgab xuqnam wyw leq vnyiv buu pvtw twpwngam goqkum banv benum, “Ngulv Pwnbo puiyam begaql yvmab nyi tulungam ya dvs twws horkar yvnam si alma. 3Hoqgab, vbw-bor tulu nulug pengko hoqgv Dvrwqbo Yal rooxo bo nyi loqla nyijwq-nyegam cengnbo nyi loq kvn go xuqto, hoo ngulv bulam soq bon nyis sam nyim dvb jitayin. 4Ho ngul acam si swgwnam mam la ho Pwnbog puiyam hingxw cwrw gvdwl beg gvdwl yvtayin.” 5Hoqgab nyi pvtwngv xuqnam tulug benam mam jubtin gabtin panhvb tvlwqnum; hoqgab bulv mwwjw jaqn bo hoo Dvrwqbo Yal hul rooxo bo Istepen nvk hvl benam, nyi ak la Pilip, Prokorus, Nikanor, Timon, Permenas hoo Antiok hoqgv Nyob-luusaq hoqgv Juhudi dormo naanbo Nikolausnvn xuqnum. 6Hoo bulv hoq nyi tulungam xuqnam nyi tulug dookub boa jitwl bulv bulug aoho alaqngv idaqtvl swgwnum.
7Hoqgab Pwnbog puiyv hvraqb goopor yaiyal yuudul doonum. Ho Jerusalemho buungv meeg-meeg koi yaiya go goopornum; ho nyubv kam vigo mwwjwnum.
Istepennvn Nootul Leenam
8Istepen ngvk hvl, nyi ak, Pwnbov lvqc cimanam mam cinam, ator alwb swrdorxeqb nyimanam mam nyi tulug agaho nyil doonum. 9Hvbmabde nyi jaqgin mwam tamanum. Bulv Sirenwg hoqgv la Alekjendar gvda hoqgv tolin kunum Juhudi nyiv. Bulv la ho Silisiya hoqgv la ho Asiya hoqgv Juhudi nyiv Istepen lvgab yolu beyaq minsul berabnum. 10Hvbmabde, Istepen Yal hulv mwam belaqdvb jigam gab bulv mwam beya nyomanum. 11Hoqgab bulv nyi ata go kam jitwl bemnum, “Ngulv mwam Mojes la Pwnboam bepaq-taiyaql benam mam tatwn!” 12Soq sib bebnv, bulv nyi tulungam la ho nyiixangam la pvvb tomswr boam hang biluql apnum. Bulv Istepen dookub haabnv mwam nootul leenv Dookumb bool wgnum. 13Ho bulv nyi ata go mwwg pagoqkam xaalyob suptvl bem dvb boanum. Bulv benum, “Soq nyi ak si looxiam ngulug dvrwqbo xumk nammam hoo Mojesg Pvvbam ceebio baql bel yvnum. 14Ho ngulv mwam Najaretwg Jisu xumk nammam sapia tainvk hoo Mojesg swwca hoqgv ngulug nyicw-mwcwb nyil wgnam mam mvdar tainvk hvl benam mam ngulv tapa kun!” 15Hoo dookum hoq nyi doonbo tulungv Istepennvn vnyiqkv rogab lalal kaal doonum hoo mwwg nyuqm mam ao gumtw akgonwg nyuqm hvb nyidub kaapanum.
Currently Selected:
BON 6: NISS
Highlight
Share
Copy
Want to have your highlights saved across all your devices? Sign up or sign in
Nyishi, DVRWQ PVVB @ Bible society of India 2016
