MATHAIA 10

Kôilôm sômleiinikahei

(Mk.3:13-19; Lk.6:12-16)

1Jisuan a kôilôm Sômleiinikahei#10:1 Isua kôilôm sômleiinikahei bîk isîrnan hingkan riziak a nit. khah a koi a, ramrilihei ûmisua theina ritha neh damnona tinrêng neh natna tinrêng indam theina ritha a pêk a.#TS.1:13.

2Tirtôn Sômleiinikahei riming chu hihei hih a nit: A masa takah Simona (Petera an iti) neh a unaipa Andria; Zebedaia naipa Jakoba neh a unaipa Johana; 3Filipa neh Bartholomaia; Thoma neh siadôltu Mathaia; Alfaia naipa Jakoba neh Thadaia;#10:3 Mss ṭhenkatah chu ‘Lebbaia, Thadaia an iti’ iti a nit. 4Kanan mi Simona neh ân mantu Juda Iskariota#10:4 ‘Iskariot mi’ iti thei a nit. hei an nit.

Sômleiinikahei sin rang

(Mk.6:7-13; Lk.9:1-6)

5Kha Sômleiinikahei khah Jisuan a tir suak a, an ziangah hingkan he a be a; “Jentailhei ramah neh Samari mihei khuah chu fe no rei. 6Israel nam, bera rimanghei ziangah nin fe rang a nit.#Mat.15:24. 7Fe unla, ‘Rivân Ram chu a nâi tâk,’ itin thu va sîr rei.#Lk.10:4-12. 8Dam inohei indam unla, mithihei kâiithoi unla, iphârhei inrithiang unla, ramrilihei ûmisua rei. Â tlongin nin mu a, â tlong ngirin peh rei. 9Nin choliah rângkachak manih, tangkarua sum manih, sumsen tangka manih chôi no rei. 10Inzinna rangin cholite manih, zako bop manih, pheikok bop manih, irol bop manih khom chôi no rei. Sinithotu chu ai nanghei khah imûn rup a nit. #1 Kor.9:14; 1 Tim.5:18.

11“Khua liana manih, khua chîna manih, nin lûtin nangni thlun nuam rang mi zong unla, kha khua nin mâk nôk mâkah chu kha inah khan om mai rei. 12Insung nin lûtin chu ‘Thlangamna nin chungah om riseh,’ ti rei. 13Kha ina mihei khan nangni an lei lômin chu nin thlangamna chibai #10:13 Chibai ri-ûnna la chu ‘Salom’ iti a nit, ‘Nin ziangah thlangamna om riseh,’ tina. khah an chungah tlung riseh; khanniseh, nangni an lei lôm non chu nin chibai ṭong khah nin chungah kîr nôk riseh. 14Khante, tak in khomin, tak khua khomin nangni an iham noa, nin ṭong an ringai non chu marak unla, nin kea vâivut khah ithing itla rei.#TS.13:51. 15Thu dik nangni ke ril, Roirêl Nikhuan chu kha khuahei tuang rang nêkan chu Sodom neh Gomora khuahei tuang rang chu a zâi om ual a ti.#Mat.11:24; Lk.10:4-12.

Nuamlona hong itlung rang

(Mk.13:9-13; Lk.21:12-17)

16“Ringai rei, inia lâia bera om angkan nangni kî tir a nit hih. Irûl angkana vârin, vaṭhu angkana lungrivuaiin om rei. 17Khanniseh, ridîn rei; nangni man an ta, roirêl munah nangni ṭhui an ta, inkhôm inheiah nangni an ihêm rang a nit. #Mk.13:9-13; Lk.12:11,12; 21:12-19; Joh.16:2. 18Keima sikin roirêltuhei neh rênghei makungah, anmani neh Jentailhei Thurchi Ṭha nin isîr pêk theina rangin la ngîr nin ti. 19Nin chungthu ngaitua ranga nangni an ṭhui tikin nin ti rang neh nin ṭong rang dân ingaituan nin ilung inbuai no rei; nin ti rang chu a zoro takah khan inria nîng nin ti. 20Ṭong nin ti ranghei khah nangmani ṭong ni khâi no nia, nangmania om nin Pa Rithla khan ai ṭong rang a nit.

21“Inzirpui khomin ân zirpui ithat rangin lan man a ta, pa khomin a naihei lan man a ta, naihei khomin an nu neh pahei doi an ta, that an ti.#Mk.13:12; Lk.21:16. 22Keima sikin mi tinin nangni la nel an ti. Nikhomseh, tukhom a mong idêna tuang idiar chu inringin om a ti.#Mat.24:9-13; Mk.13:13; Lk.21:17. 23Khua khatkatah an nuam nangni an lon chu kho dangah ro rei. Thu dik nangni ke ril, Miriam Naipa a zuang man Israel rama khuahei murdiah nin sin tho zoi no tin u.

24“Riseilâi khah ân riseitu nêkan lian ual mak a, suak khom a pu nêkan lian ual mak e.#Lk.6:40; Joh.13:16; 15:20. 25Khasikin, riseilâi khah ân riseitu angkana a hong iom neh, suak khom a pu angkana a hong iom khah an ilung a tluk rang a nit. Inchongpu lua Belzebula an tin teh, a inmihei vâng chu ingkah dôra riming isian im an ikoi rang na!#Mat.9:34; 12:24; Mk.3:22; Lk.11:15; 2 Rêng.1:2.

Tûm iṭi rua

(Lk.12:2-7)

26“Khasikin, miriamhei khah ṭi no rei. Ilang iloi ranga rithup îte omak a, reh loi ranga iip khom îte omak e. #Mk.4:22; Lk.8:17. 27Izînga nangni ki iril hih, sûn khovârah isîr unla, ikuar kunga nin iriat hih inchungsîpa dingin tlângisam rei.

28“Taksa thata rithla that thei inohei khah ṭi no unla; Pathian, dûkmuna taksa neh rithla inrimang theitu khah ṭi rei.#Heb.10:11. 29Vasak inikah tangka khatkan nin irchôk thei ni mak im a? Nikhomsela, an lâia khatka lua nin Pa thu ni non rinênga ṭul no nih. 30Nangni chu nin samzâi tena khom hih itep riai kêng ai nit. 31Khasikin, ṭi no rei, vasak itam takka nêkan nin ilut ual a nit.#Mat.12:12. #Mk.8:38; Lk.9:26; 2 Tim.2:12; Thup.3:5.

Krista thlop neh iphial

(Lk.12:8-9)

32“Tutu vântlâng riata ne thlop chu kei khomin ki Pa rivâna mi makungah thlop ki ti. 33Khannisela, tutu vântlâng riata ne phial chu ki Pa rivâna mi makungah phial ki ti.#2 Tim.2:12.

Ringeina ni loiin khandai inlêng rang

(Lk.12:51-53; 14:26-27)

34“Rammualah hin ringeina inlêng ranga zuangin ne tûng no rei. Ringeina inlêng ranga zuang ni mang a, khandai inlêng ranga zuang kêng kî nit. 35Naipahei an pahei indoi rang, nainuhei an nuhei indoi rang, imoihei an tarpihei indoi ranga zuang kêng kî nit.#Mik.7:6; Mk.13:12. 36Mahni râl iliantak chu a insungmihei ngêt nîng an ti.

37“Tutu keima nêka a nu manih, a pa manih, lungithlung ual chu ki kôilôm inih tlâk ni mak e; tutu keima nêka a nainu manih, a naipa manih, lungithlung ual khom ki kôilôm inih tlâk ni mak e. 38Tutu mahni kros riputa ne zui ino chu ki kôilôm inih tlâk ni mak e.#Mat.16:24; Mk.8:34; Lk.9:23. 39Tutu mahni ringna inzôk itum kan chu ichân an ta; khanniseh, keima sika a ringna chân kan chu inrihuam an ti. #Mat.16:25; Mk.8:35; Lk.9:24; 17:33; Joh.12:25.

Loman imu rang

(Mk.9:41)

40“Tutu nangni lôm chu keima ne lôm an nit; tutu ne lôm chu ne tirtu lôm an nit.#Lk.10:16; Mk.9:37; Joh.13:20. 41Tutu zânthla khah zânthla a nitna sika lei ilôm chu zânthla loman dong an ti. Tutu mi fel khah mi fel a nitna sika lôm chu mi fel loman dong an ti. 42Thu dik nangni ke ril, tutu ki kôilômhei lâia â chîntak khom hih, ki kôilôm a nitna sika tuisik kilâtkah khom in-in chu loman ichân tlak no nih,” a ti a.

Currently Selected:

MATHAIA 10: BIATBSI

Highlight

Copy