MATHAIA 1

Jisua Krista chibulhei

(Lk.3:23-38)

1Hihei hih Abrahama richi, Davida richia Jisua Krista richibulhei chu an nit:

2Abrahaman Isaka a nei a; Isakan Jakoba a nei a; Jakoban Juda neh a unaihei a nei a.#Riph.21:3; 25:26; 29:35. 3Judan Tamari ata Pereza neh Zera a nei a; Perezan Hezrona a nei a; Hezronan Arama a nei a. #Riph.38:25-27. #Ruth.4:18-22; 1 Rich.2:12-15. 4Araman Aminadaba a nei a; Aminadaban Nasona a nei a; Nasonan Salmona a nei a. 5Salmonan Rahabi ata Boaza a nei a; Boazan Ruthi ata Obeda a nei a; Obedan Jesaia a nei a.

6Jesaian rêng Davida a nei a; Davidan Uria nupui ata Solomona a nei a.#2 Sam.12:24. 7Solomonan Rehoboama a nei a; Rehoboaman Abija a nei a; Abijan Asa a nei a. #1 Rich.3:10-14. 8Asan Jehosafata a nei a; Jehosafatan Jorama a nei a, Joraman Uzia a nei a. 9Uzian Jothama a nei a; Jothaman Ahaza a nei a; Ahazan Hezekia a nei a. 10Hezekian Manasea a nei a; Manasean Amosa a nei a; Amosan Josia a nei a.#2 Rêng.20:21. 11Babilon tiang suaka an ṭhui lâi vêlah khan Josian Jekonia neh a unaihei a nei a.#2 Rêng.24:14-15; 2 Rich.36:10; Jer.27:20.

12Khante, Babilon tiang suaka an ṭhui nungin Jekonian Sealtiela a nei a; Sealtielan Zerubabela a nei a.#1 Rich.3:17; Neh.12:1. 13Zerubabelan Abiuda a nei a; Abiudan Eliakima a nei a; Eliakiman Azora a nei a. 14Azoran Zadoka a nei a; Zadokan Akima a nei a; Akiman Eliuda a nei a. 15Eliudan Eleazara a nei a; Eleazaran Mathana a nei a; Mathanan Jakoba a nei a. 16Jakoban Josefa, Mari pasal khah a nei a; kha Mari #1:16 Mss ṭhenkatah ‘Nungâk rithiang’ iti a kop. a khan Jisua, Mesia an iti hih a zuang isuak a nit.

17Khaangkan, Abrahama rithokin Davida tenan rikhûk sômleiilikah a nit a; Davida rithokin Babilon tiang suaka an ṭhui tenan rikhûk sômleiilikah a nit a; khantaka rithoka Mesia suak tenan rikhûk sômleiilikah a nit.

Jisua suak thu

(Lk.2:1-7)

18Jisua Krista zuang suak tlia chu hingka hin a nit. A nu Mari khah Josefa neh an rihual a, an lar nei man, Rithla Rithiangin nai ân vong a.#Lk.1:27. 19A pasal rang Josefa khah mi fel tak a nit a, vântlâng riata mualphoi isak nuam mak a, inrûkkan imah zâi a tum a.#Dn nik.24:1. 20Kha thu khah a ngaitua lâiin armangin Pumapa vântirtôn khatkah a ziangah a zuang inlâr a, a ziangah, “Josef, Davida naipa, Mari hih nupuia nei ṭi no roh; a nai vong hih Rithla Rithianga rithok kêng ai nit. 21Naipa nei a ta, arming Jisua ni sak rang a nit; ani khan a mihei an sual ata ai saninring rang a nit,” a ti a.#Lk.2:21.

22-23Pumapan zânthla bâia, “Nungâk rithiang khatkah nai vong a ta, naipa nei a ta, arming Imanuela sak an ti,” itia a lei îsîr khah a hong tlung idik theina rangin khahei murdi khah a hong iom a nit. (Imanuela chu, “Ei ziangah Pathian a om,” itina a nit).#Isa.7:14.

24Khanchu, Josefa khah a thoi a, Pumapa vântirtônin a ti pêk lam angkan Mari khah a nei tâk a. 25Khanniseh, a nai vong khah a nei mâkah chu pôl mak e. Khante, Josefa khan arming chu Jisua a sak tâk a.

Currently Selected:

MATHAIA 1: BIATBSI

Highlight

Copy