JOHANA 14
14
Jisua, Pa ziang fena lampui
1Jisuan, “Nin ilung dûk tong no riseh, Pathian iam#14:1 ‘Pathian nin iam,’ itih thei a nit. unla, kei khom ne iam rei. 2Ki Pa inah omna itam takkah a om, om no sela chu nangni ki îril rang tâk a nit; nin ta rangin mun isiam kî fe rang a nit. 3Khante, nin ta rangin mun ki hang siam zoiin chu zuang kîr nôk ki ta, ki ziangah nangni ṭhui ki ti, ki omnaah nangni khom nin om theina rangin. 4Ki fena rang lampui khom nin riat,” a ti a.
5Thoman a ziangah, “Pumapa, ni fena rang khah reh mang ung e; khasikin, ingkan im a lampui kin riat thei ranga?” a ti a.
6Jisuan a sâm a, “Keimah hi lampui neh thutak neh ringna chu ki nit; keimaa fe no chu tute Pa ziang tlung ngai mak. 7Keimah nin ne iriat ni sela chu, Ki Pa khom nin iriat rang tâk a nit; atûn chu amah nin riat tâk a, imuh khom nin mu tâk,” a ti a.
8Filipan a ziangah, “Pumapa, Pa khah nen mun la, kin ta rangin ân rup,” a ti a.#Joh.12:45.
9Jisuan a ziangah, “Filip, hi ten hih nin ziangah ki om a, khan khoma ni ne lai riat ino mani? Tukhom ne mu chu Pa mu a nit. Ingkan im, ‘Pa khah keimani nen mu roh,’ nî ti hi? 10Keimah Paah ki om a, Pa keimaah a om iti nî iam ino mani? Nin zianga thu ki îsîrhei hih keima iphuatot ni mak e. Pa, keimaa om mai khan ama sin ai tho kêng ai nit. 11Keimah Paah ki om a, Pa keimaah a om kî ti-ah hin ne iam rei. Anitnole ki sintho sik iluah hin ne iam rei.#Joh.10:38. 12Thudik tak nangni ke ril, tukhom ne iam kan chu ki sintho hih la sin a ti; a nit, hi nêka roinpui ual khom la sin a ti, Pa ziangah ki fe rang sikin. 13Khante, ker minga îkhom nin ini chu nangni sin pêk mai ki ti, Pa chu Naipa sika chôiinrisânga a om theina rangin. 14Nangmanin ker minga îkhom nin ne#14:14 Mss ṭhenkatah ‘Ne’ rithûlin ‘Pa’ iti a nit. Richâng 14 pumpui hi Mss ṭhenkatah chu kop mak e. nin chu amakhah sin mai ki ti.
Rithla Rithiang inkung
15“Nangmanin lung nin ne thlungin chu, ki thupêkhei zôm nin ti.#14:15 Mss ṭhenkatah ‘Zôm rei,’ iti a nit.#Joh.15:10; 1 Joh.5:3; 2 Joh.6. 16Khanchu, keiman Pa ziangah ngên ki ta, aman Thlangamtu #14:16 ‘Ompuitu, Ṭangpuitu’ itih thei a nit. dang nangni pêng a ti; kumkhuaka nin zianga om rangin. 17Ani khah Rithla diktak, Pathian thutak inlangtu a nit. Rammualin amah a mu thei no sik neh a riat theino sikin ai dong thei ino a nit. Khanniseh, nangmanin chu nin ziangah a om mai sik neh nangmaniah a om mai sikin nin iriat a nit.
18“Faran nangni marak no ning e, nin ziangah zuang kîr nôk ki ti. 19Itôiteka nungah chu rammualin ne mu khâi no nih; khanniseh, nangmanin chu ne mûng nin ta, keimah ki ring sikin nangni khom ring nin ti. 20Kha nikhuaah khan chu keimah Paa kî om a, nangmani keimah-a nin iom a, keimah nangmania kî om hih reh tâng nin ti.
21“Tukhom ki thupêkhei ihama zômtu chu lung ne thlungtu a nit. Tukhom lung ne thlungtu chu ki Pa khomin lungthlung a ti; kei khomin lungthlung ki ta, a ziangah inlâr mai ngai ki ti,” a ti a.
22Khante, Juda (Juda Iskariota nino) khan a ziangah, “Pumapa, kin ziangah chu inlâr ni ta, rammual ziangah chu ni înlâr ino rang khah îtho sik im?” a ti a.#TS.10:40,41.
23Jisuan a sâm a, “Mîn lung a ne thlungin chu ki thu zôm a ti. Ki Pa khomin ani khah lungthlung a ta, Ki Pa neh a ziangah zuang kin ta, a ziangah om mai kin ti. 24Tukhom lung ne thlung inotu khan chu ki thu zôm ngai mak e. Khante, inriseina thu nin iriat hih keima thu ni mak a, Pa, ne tirtu thu a nit.
25“Nin ziangah ki la om sungah hin hi thu hih nangni ki îril a nit. 26Thlangamtu, Rithla Rithiang, ker minga Pan a zuk tir rang khan tinrêng nangni inrisei a ta, nin zianga ki lei îsîr tâkhei rêng rêng khah iremai rangin nangni siam a ti.
27“Thlangamna nangni ki mâk pêk, keima thlangamna nangni kî pêk a nit. Rammualin ai pêk angkana nino nangni kî pêk a nit. Nin lungril dûk tong no sela, iṭi khom ṭi no rei.#Joh.16:33; Fil.4:7; Kol.3:5. 28‘Nangni kî mak rang a nit; nikhomseh, nin ziangah zuang kîr nôk ki ti,’ kî ti khah nin riat tâk a. Lung nin ne thlungin chu Pa zianga ki fe rang hih lôm nin ti; Pa chu keima nêkan ai roinpui ual a nit. 29Amakhah a hong tlung tikah nin iam theina rangin atûn a hong tlung maah hin nangni ki lei îril a nit. 30Nin ziangah thu isîr tam thei khâi no ning e; hi rammual rêng hih ai hong thiai tâk a nit. Ki chungah richam chu îte nei mak e. 31Nikhomsela, keiman Pa lung ki thlung a, Pan thu a ne pêk lam angkah takin kî sin ngai a nit iti rammualin a riat ai nang a nit.#Joh.12:31.
“Tho thoi unla, hin taka rithokin lei suak ta rei u.
Currently Selected:
JOHANA 14: BIATBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More
