JOHANA 1

Ringna Thu

1A tîrin Thu a om, Thu khah Pathian ziangah a om a, Thu khah Pathian a nit. #Riph.1:1. 2A tîr ata Thu khah Pathian zianga om a nit. 3Thiltinrêng ama manga siam a nit; Thil siam rêng rêng amah ṭang loia siam îte zel omak.#1 Kor.8:6; Kol.1:15,16; Heb.1:2. 4Amah-ah khan ringna a om a,#1:4 ‘Thil siamhei khan amah-ah ringna an nei a,’ iti thei a nit. kha ringna khah miriamhei invârtu a nit. 5Ivâr khah izîngah a zuang vâr a, izîngin amakhah lei idan thei mak e.#1:5 ‘Reh mak e; man phâk mak e,’ iti thei khom a nit.

6Pathian mi tir khatkah a om a, arming chu Johana a nit.#Mat.3:1; Mk.1:4; Lk.3:1,2. 7Ani khah ivâr thurchi mihei inreh ranga zuang a nit; mi murdîn ama sika an iam theina rangin. 8Ani khah ivâr chu ni mak a, ivâr thu mihei inreh ranga zuang a nit. 9Kha vâr khah ivâr dik tak chu a nit; rammuala zuanga, miriam murdi elinvârtu chu a nit.

10Thu khah rammualah a om a, Pathianin ama mangin rammual hi ai siam a nit a, nikhomseh, rammualin ani khah reh mak e. 11Amah a mihei ziang ngêiah a zuang a, ama mihein lei iham mak a. 12Khannisela, mi ṭhenkan chu an lei iham a, amah an iam a, an ziangah Pathian nai nitna a pêk a.#Gal.3:26. 13Kha mihei kha #1:13 Mss ṭhenkatah ‘Kha mi khah’ iti a nit, Jisua â khinna rangin. chu thisena inzir ni mak a, taksa nuamlama inzir khom ni mak a, ipa nuamlama inzir khom ni ual mak a, Pathian ata inzir an nit.

14Khante, Thu khah taksa zuang ichangin lungkhamna neh thutaka sipin ei lâiah a zuang om tâk a. A roinpuina ei mu, Pathian Nai neisun roinpuina khah.#Gal.4:4; Fil.2:7; 1 Tim.3:16; Heb.2:14; 1 Joh.4:2.

15Johanan a chungrichân thu â sîr a, “‘Ke nunga zuang rangpu chu keima nêka roinpui ual a nit, ken zir ma piala om tâk a nit,’ kî ti khah hi mi hih a nit,” itin â khêk a.

16A lungkham rikipa rithokin lungkhamna ei dong chit, lungkham chunga lungkham nôkna.#Rom.5:21; Efes.1:23; Kol.1:19; 2:9. 17Dân chu Mosia manga ipe a nit a, lungkhamna neh thutak chu Krista sika zuang itlung a nit. 18Tutên Pathian la mu ngai mak e. A Naipa neisun, Pa ṭângchunga om ngêi khan a thurchi a înriat tâk a nit.#Fes.33:20; Joh.6:46; 1 Joh.4:12.

Baptistu Johana thucha

(Mat.3:1-12; Mk.1:1-8; Lk.3:1-18)

19Khante, Jerusalema Judahei khan Johana khah, “Tûm nî nit?” itia ridon rangin thiampuhei neh Levia richihei an tir a.

20Johana khan thup viat loiin, “Keimah chu Mesia khah ni mang e,” itin ifel takkan a lei inpuang a.

21“Khate tûm nî nit? Elija nî nit mani?” itin an ridon nôk a.

Ani khan, “Ni mang e,” a ti a.

“Zânthla nî nit mani? an ti a.

“Ni mang e” itin a sâm nôk a.#Dn nik.18:15,18; Mal.4:5.

22Anni khan, “Kha nonteh tûm nî nit. Ne tirhei kin sâm theina rangin ne ril roh. Ni thurchi im isîr rang nî nei?” an ti a.

23Johana khan zânthla Isaia ṭong imangin a sâm a:

“Keimah hih, ‘Pumapa lampui siam rei,’ itia,

Ramchâra khêktu khah ki nit,” a ti a.#Isa.40:3 (LXX).

24Kha mihei khah Farisaihei hong itir an nit. 25Anni khan Johana an ridon nôk a, “Mesiah ni nit noa, Elija manih, zânthla manih khom ni nit nonteh, inkan im mi ni baptis ngai tlia?” an ti a.

26Johana khan a sâm a, “Keiman chu tuiin ki baptis a; khanniseh, nin lâiah hin mi khatkah, nin iriat ngai ino a îding ṭian a nit. 27Ani khah ke nungah a zuang a; khanniseh, kei chu a pheikok rui isût rang khomin inrup mang e,” a ti a.

28Khahei khah Johanan a baptisna ngai mun Jordan râl nisua tianga Bethani khuaa tlung a nit.#Joh.3:26; 10:40.

Pathian Berate

29Khante, atûkah chu Johana khan Jisua a zianga hong ipun a mu a, “En ta u, Pathian Berate, rammual sual ipêl rangtu soh. #Isa.53:7; Joel.1:36; TS.8:32; 1 Pet.1:19; Thup.5:6; 1 Joh.3:5. 30Hi mi chungrichân hih a nit, ‘Mi ke nunga zuang rang, keima nêka roinpui ual, keimah ken zir ma khoma om tâk,’ kî ti kha. 31Ani khah tûm ai nit rang reh mang a; nikhomseh, Israelhein amah an riat theina ranga keimah hi tuia baptisma inchang rangin kî zuang a nit,” a ti a.

32Khante, Johanan hi thurchi hih â sîr a, “Rithla khah vaṭhu angkan rivâna rithoka zuang iṭum a, a chunga zuang ifu ki mu a.#Mk.1:10; Mat.3:16; Lk.3:22. 33Khan khoma keiman chu la reh mang a; nikhomsela, tuia mi baptis ranga ne tirtu Pathian khan ki ziangah, ‘Mi, a chunga Rithla zuang iṭum a, â fuh mai nî mu khah Rithla Rithianga mi baptis rangtu chu a nit,’ a ti a. 34Ani khah ki mu tâk a; nangni ke ril, ani khah Pathian Naipa chu a nit,” a ti a.

Jisua Kôilôm masa takhei

35Khante, atûk nôkah khan Johana kha a kôilôm inikahei neh an iding a. 36Jisua rilong vêl khah a mu a, “En ta u, Pathian Berate soh,” a ti a.

37A kôilôm inikahei khan a thusîr khah an riatin chu Jisua an zui tâk a. 38Jisua khah arhêl a, amah an hong zui a mu a, an ziangah, “Im nin izong?” a ti a.

Anni khan, “Rabi, takâm nî om ngai?” itin an ridon a. (Rabi chu Minriseitu tina a nit).

39Ani khan, “Hong unla hong en ta u,” itin a sâm a. (Kha zoro khah kholoi dâr ilikah vêl a nit). Khanungchu, a ziangah an fe a, a omna khah an va mu a, kha nikhuaah khan chu a ziangah an om tâk a.

40Johana thusîr iriaa Jisua zuitu inikahei lâia khatkah kha chu Andria, Simon Petera inzirpuipa a nit. 41Ani khan ân zirpuipa #1:41 Mss ṭhenkatah ‘an ulianpa tak’ iti a nit. Simona a mu zel a, a ziangah, “Mesia kin mu tâk,” a ti a. (Mesia chu Krista #1:41 “Riakinrithuah” tina a nit. tina a nit.) 42Khanchu, ani khan Simona khah Jisua ziangah a hong ṭhui a. Jisuan Simona khah a lei en a, “Johana naipa, Simona ni nit a; nikhomseh, Kifa nang ti tâng an ti,” a ti a. (Kifa chu Petera iti neh munkah a nit a, a omzia chu “Lungpui” itina a nit.)

Jisuan Filipa neh Nathanaela a koi

43Atûkah chu Jisua Galili rama fe a tum a, Filipa a mu a, a ziangah, “Ne zui roh,” a ti pêk a. 44Filipa kha Andria neh Petera omna khua Bethsaida kho mi a nit. 45Filipa khan Nathanaela a mu a, a ziangah, “A thurchi Dân lekhabua Mosian a irziak, zânthlahei khomin an irziak, Josefa naipa, Nazaret Jisua kha kin mu tâk,” itin â ril a. #Riph.28:12. 46Nathanaela khan, “Nazaret khua rithokin thil iṭha ai suak thei mani?” a ti a.

Filipa khan a ziangah, “Hong inla, hong en roh,” a ti a.

47Jisuan Nathanaela a zianga hong a mun chu a thurchi a lei isîr a, “En ta u, ani hih Israel mi dik tak, diknona rêng rêng nei ino a nit,” a ti a.

48Nathanaela khan, “Ingkan im ni ne iriat?” itin ardon a.

Jisuan a ziangah, “Filipan nang a koi maa theichâng kung bulah ni om lâiah khan nang kî mu tâk kêng ai nit,” itin a sâm a.

49Nathanaela khan, “Minriseitu, Pathian Naipa ni nit. Israelhei Rêngtak ni nit,” a ti a.

50Jisuan a ziangah, “Theichâng kung bulah ni om lâiah khan nang kî mu tâk kêng ai nit nang ki ti sika nî iam mani? Hi nêka thil roinpui ual hih la mûng ni ti,” a ti pêk a. 51Khante, Jisua ngirin a ziangah, “Thutak nangni ke ril, rivân zuang ri-ong a, Pathian vântirtônhei Miriam Naipa chunga zuang iṭum neh ilui la mûng nin ti,” a ti a.

Currently Selected:

JOHANA 1: BIATBSI

Highlight

Copy