Phau Ntawv Nkauj 88
88
Quaj Thov Kev Pab#Yog Henplais lub ntsiab lus: Cuab Kaulas zaj nkauj yog Hemas uas yog neeg Exalas cov lus sib dhos.
1Tus TSWV uas yog Vajtswv
thiab yog kuv tus Cawmseej,
kuv quaj ib hnub tsaus ntuj ntais,
thiab thaum tsaus ntuj kuv txav los
nyob ntawm koj xubntiag.
2Thov mloog kuv tej lus thov;
thov mloog kuv lub suab quaj uas thov koj pab!
3Muaj ntau yam kev ntxhov siab los
raug kuv ua rau kuv yuav luag tuag.
4Kuv zoo ib yam li tus neeg uas twb yuav tuag;
kuv lub zog ntaug tas lawm.#88.4 Kuv lub zog ntaug tas lawm, lossis kuv tsis muaj kev cia siab lawm.
5Kuv raug muab tso tseg nrog cov
neeg uas tuag lawm;
kuv zoo ib yam li cov neeg uas luag
muab tua tso rau hauv qhov ntxa,
cov neeg uas koj yeej tsis nco txog,
thiab koj muab lawv tso tseg lawm.
6Koj muab kuv pov rau hauv lub
qhov ntxa uas tob,
thiab pov rau hauv lub qhov ntuj uas
tsaus nti.
7Koj txojkev chim tsuam kuv hnyav
kawg li,
thiab nphau los npog kuv ib yam li
nthwv dej hiavtxwv ntas.
8Koj ua rau kuv cov phoojywg khiav
tas tso kuv tseg;
koj ua rau kuv txaus lawv ntxub
kawg nkaus li.
Kuv raug kaw rau sab hauv thiab
khiav tsis dim li;
9kuv ob lub qhovmuag qhib tsis taus
vim kev txomnyem.
Tus TSWV, kuv niaj hnub hu txog
koj thiab tsa tes thov koj.
10Koj ua tej txujci tseemceeb rau cov
neeg tuag lawm thiab los?
Lawv puas sawv los thiab qhuas koj?
11Luag puas piav koj txojkev hlub uas
tsis paub kawg rau hauv qhov ntxa,
lossis piav koj txojkev ncaj ncees rau
hauv qhov chaw puastsuaj?
12Puas pom koj tej txujci tseemceeb
nyob hauv qhov chaw tsaus ntuj nti,
lossis koj txojkev ua zoo puas nyob
hauv lub tebchaws uas muab tso tseg lawm?
13Tus TSWV, kuv thov koj pab; kuv niaj tagkis thov koj.
14Tus TSWV, vim li cas koj tso kuv tseg?
Vim li cas koj tig nraubqaum rau kuv lawm?
15Kuv yeej raug kev txomnyem txij
thaum kuv tseem hluas los
thiab kuv twb yuav luag tuag;
kuv tas kev cia siab#88.15 Phau no txhais hais tias kuv tas kev cia siab; phau Henplais hais tsis meej.
vim koj txojkev rau txim hnyav heev.
16Koj txojkev chim tsuam nkaus kuv;
koj txojkev npautaws uas txaus
ntshai ua rau kuv puastsuaj tas.
17Tej ntawd vij puagncig kuv ib hnub
tsaus ntuj ib yam li dej nyab;
tej ntawd thaiv kuv kev txhua phab
tagnrho.
18Koj ua rau kuv tus phoojywg uas zoo
tshaj plaws tso kuv tseg,
tsuas yog kev tsaus ntuj thiaj tseem
ua phoojywg rau kuv xwb.
Currently Selected:
Phau Ntawv Nkauj 88: MWW2000
Highlight
Share
Copy
Want to have your highlights saved across all your devices? Sign up or sign in
© 2000 United Bible Societies. All rights reserved.
