Матфей 6

Ядыыларга ачы-дуза дугайында

1«Көрдүңер бе, улус-ла силерни көрзүн дээш, чөптүг-шынныг херектерни улус мурнунга кыла бербеңер#1 Ин. 2:29: ынчалзыңарза, Дээрде Адаңарның шаңналын албас силер.

2Ынчангаш ядыыларга хайырлал берип тура, ийи арынныгларның, улус оларны мактазын дээш, синагогалар болгаш кудумчуларга кыла бээри дег, хөйге чарлаттынмаңар. Силерге алыс шынны чугаалап тур мен: олар бодунуң шаңналын пөктүр ап алганнар-дыр#Лк. 6:24. 3А сен чединмес кижиге дузалап туруңда, оң холуң чүнү кылып турарын солагай холуң билбезин. 4Сээң ол хайырлалың чажыт болзун. Ынчан бүгү чажыт чүвени көрүп турар Адаң сени шаңнаар#6:4, 6, 18 Өске бурунгу сөзүглелдерде «Ажыы-биле шаңнаар» деп бижээн. ».

Мөргүл дугайында

(Лк. 11:2-4)

5«Мөргүп тура, синагогалар болгаш кудумчу белдирлеринге туруп алгаш, кижи бүрүзү оларны көрзүн дээш, мөргүүрүнге ынак ийи арынныглар дег болбаңар#Лк. 18:11. Силерге алыс шынны чугаалап тур мен: олар бодунуң шаңналын пөктүр ап алганнар-дыр. 6А сен мөргүп тура, өрээлиңче кире бергеш, эжииң хаап алгаш, көзүлбес Адаңга мөргү#4 Хаан. 4:33. Ынчан бүгү чажыт чүвени көрүп турар Адаң сени шаңнаар*.

7А мөргүп тура, өске чоннар улузу дег, артык сөстер этпеңер#3 Хаан. 18:26; Эккл. 5:1. Олар хөй шуугаарывыска, Бурган бисти дыңнап каар деп кордаарлар. 8Оларга дөмей болбаңар, чүге дээрге Адаңардан дилеп четтикпейн чыдырыңарда-ла, Ол силерге чүү херегин билир. 9Мынчаар мөргүп чоруңар:

„Дээрде Адавыс!

Сээң адың алдаржызын!

10Сээң Чагыргаң чедип келзин.

Дээрге дег, черге база

Сээң күзел-сорууң чогуп бүтсүн#Мф. 26:42.

11Амыдыраар хлеб-тараавысты

биске бөгүн хайырла#У. ч. 30:8.

12Биске өрелиг улусту өршээгенивис дег,

өре-ширевисти база биске өршээ.

13Бисти күткүлгеге алыспас#Мф. 26:41 кылып көр#6:13 Азы: «Бисти шенелдеже киирбейн көр». ,

ол ышкаш бузуттугдан бисти адырып көр#Ин. 17:15; 2 Фес. 3:3.

[Чүге дээрге чагырга, күчү-күш база алдар

Сеңээ кезээ мөңгеде хамааржыр-дыр. Аминь.]#6:13 Эң бүзүрелдиг грек сөзүглелдерде «Чүге дээрге чагырга, күчү-күш база алдар Сеңээ кезээ мөңгеде хамааржыр-дыр. Аминь» деп сөстер таварышпайн турар. “

14Улустуң үүлгедиглерин өршээр болзуңарза, Дээрде Адаңар база силерниң үүлгедиглериңерни өршээр#Мк. 11:25-26; Эф. 4:32; Кол. 3:13. 15А улустуң үүлгеткен багын өршээвес болзуңарза, Дээрде Адаңар база силерниң үүлгедиглериңерни өршээвес»#Мф. 18:35; Иак. 2:13.

Шээрленириниң дугайында

16«Шээрленип тургаш, ийи арынныглар дег, хөлүе берген чорбаңар#Иса. 58:5. Олар боттарының шээрленип турарын улус көрзүн дээш, арын-шырайын ажаавастар. Силерге алыс шынны чугаалап тур мен: олар бодунуң шаңналын пөктүр ап алганнар-дыр. 17А сен шээрленип тура, бажың дүгүн эдип, арның чуп ал. 18Шээрленип турарыңны чажыт бүгү чүвени көрүп турар Адаңдан өске кым-даа билбезин. Ынчан чажыт бүгү чүвени көрүп каар Адаң сени шаңнаар#6:18 6:4-те немелде тайылбырны көр. ».

Бурган эртине-байлактан чугула

(Лк. 11:34-36; 12:22-34)

19«Бодуңарга эртине-байлакты черге чыгбаңар#У. ч. 23:4; 1 Тим. 3:3; 6:9; Евр. 13:5, аңаа ону үзүт-ховаган үгдередип кааптар, дат тудуп чиптер#Иак. 5:2-3 база оорлар бажыңче шургуп киргеш, оорлап аппаар. 20Эртине-байлааңарны дээрге чыып алыңар#Мф. 19:21; 1 Пет. 1:4, аңаа ону үзүт-ховаган-даа, дат-даа чивес база оорлар-даа шургуп киргеш, алгаш барбас. 21Чүге дээрге эртине-байлааңар кайда болдур, чүрээңер база ында боор.

22Мага-боттуң чырыткызы – карак ол-дур. Ынчангаш карактар-ла кадык болза, бүгү мага-бодуңну чырык дола бээр. 23А карааң четпестээн#6:22, 23 «Кадык карак» деп көжүрген уткалыг чугаа иудей чонда чаагай сеткилди көргүскен, а «Четпестээн карак» – чазый-харам чорукту көргүскен боор (Ы. х. к. 15:9 көр). болза, бүгү мага-бодуңну караңгы бүргээр. Ынчаарга, сенде бар чырык караңгы апарган болза, ол караңгы кайы хире дүмбей деп!

24Кым-даа ийи дээргиге хары угда бараан бооп шыдавас: чок-ла болза бирээзин көрбес, а өскезинге ынак боор азы бирээзинге кызып бараан болгаш, өскезин тоовас боор. Силер база Бурганга болгаш акша-мөңгүнге хары угда бараан болуп шыдавас силер#Лк. 16:13.

25Ынчангаш силерге чугаалап тур мен: амыдыраар дизе – чүнү ижер-чиирил деп; мага-бодуңарга – чүнү кедерил деп сагыш човаваңар#Флп. 4:6; 1 Пет. 5:7. Амыдырал чүгле аъш-чемден хамаарышпас, а мага-боттуң чаагай чоруу чүгле хептен хамаарышпас. 26Дээрниң куштарын көрүңер даан: олар тараа тарывас, дүжүдүн ажаавас, аңмаарже шыгжавас-тыр, ындыг-даа болза, Дээрде Адаңар оларны ашкарып-чемгерип турар-дыр. А силер куштардан оранчок үнелиг болгай силер!#Мф. 10:31; 12:12 27Силерниң араңардан кайыңар ол бүгү дээш сагыш човааш, назынын оода-ла бир шак хире узадып шыдааныл?#6:27 Азы: «Силерниң араңардан кайыңар, сагыш човааш, дурт-сынын оода бир кыры дурту хире узадып шыдааныл?» 28Хеп-даа дээш чүге сагыш човаар силер? Шөлде лилия чечектерниң канчаар өзерин көрүңер даан: ажылдавас, аргыттынмас болгайлар. 29Ынчалза-даа Соломон хаан безин бодунуң бүгү өндүр-чаагайы-биле#3 Хаан. 10:4-7 ол чечектерниң оода кайы-бирээзи дег кеттинип көрбээнин силерге чугаалап тур мен. 30Шөлде бөгүн бар, а даарта суугуже киир октаптар оът-сигенни безин Бурган ынчалдыр хепкерер болганда, силерни кайы хире хепкерер деп бодаар силер, биче бүзүрелдиглер#Мф. 8:26; 14:31; 16:8!

31Ынчангаш сагыш човаваңар база: „Чүнү чиир бис?“, „Чүнү ижер бис?“ азы „Чүнү кедер бис?“ – деп туруп бербеңер. 32Өске чоннар улузу ол бүгү дээш хөлзеп чоруур. А Дээрде Адаңар силерге ол бүгү херек дээрзин билир. 33Чүнү-даа мурнай Бурганның Чагыргазынга башкартырын кызыңар, Бурганның чөптүг-шынныг деп санаан чүвезинче чүткүңер. А Ол силерге арткан бүгү чүвени бээр#Ыд. ыр. 36:4. 34Ынчангаш даартагы хүн дээш сагыш човаваңар. Даартагы хүн боду дээш боду сагыш човаар: хүн бүрүзүнде бодунуң ажаанзыралы баш ажыг боор».

Currently Selected:

Матфей 6: TUV

Highlight

Copy