Матфей 28

Иисустуң катап дирилгени

(Мк. 16:1-8; Лк. 24:1-12; Ин. 20:1-10)

1 Амыр-дыш хүнү эрткенде, улуг-хүннүң даң бажында, Мария Магдалина#Лк. 8:2 болгаш база бир Мария#Мф. 27:61 чевег-куйну көөрү-биле чедип келгеннер. 2Хенертен күштүг чер шимчээшкини болган: Дээрги-Чаяакчының төлээзи дээрден дүжүп келгеш, чевег-куйга кээп, дашты чууй идипкеш#Мф. 27:60, ооң кырынга олуруп алган. 3Ооң хевир-шырайы чаңныкка дөмей, а хеви хар дег ак болган#Иез. 1:14; Дан. 7:9; 10:6; Мк. 9:3; Аж.-ч. 1:10. 4Оон корткаш, таңныылдар сириңейнип, өлүг-даа дег кээп дүшкеннер#Ажыд. 1:17. 5Дээрниң төлээзи херээженнерге мынча дээн: «Силер кортпаңар. Хере шаптырткан Иисусту дилеп чедип келгениңерни билир мен. 6Ол мында чок. Силерге Ооң чугаалап турганы дег, Ол катап дирли берген. Бээр келгеш, Ооң чыткан черинче көрүңер даан. 7А ооң соонда дүрген чоруткаш, Ооң өөреникчилеринге барып: „Ол өлүглер аразындан катап дирилгеш, силерни мурнай Галилеяга чеде бээр#Мф. 26:32. Ону аңаа көрүп каар силер“ – деп дыңнадыңар. Силерге Мээң чугаалаар дээн чүвем бо-дур».

8Олар чевегден дүрген-не үне халышкаш, коргуп-иргип-даа, аажок өөрүп-даа, ол бүгүнү Иисустуң өөреникчилеринге чугаалаар дээш чүгүржүпкеннер. 9Хенертен Иисус Боду оларга уткуй бо келген. Ол: «Амыр-менди-ле!» – деп мендилээн#Ин. 20:19, 21.

Херээженнер чоокшулай бергеш, доңгая кээп дүшкүлээш, Ооң буттарындан кужактап#4 Хаан. 4:27, Аңаа мөгейип турганнар#Мф. 28:17; Лк. 24:52.

10Иисус ынчан оларга мынча дээн: «Кортпаңар! Баргаш, „Галилеяже чоруптуңар“ деп Мээң ха-дуңмамга чугаалаңар#Мф. 12:50; Ин. 20:17; Рим. 8:29; Евр. 2:11. Олар Мени аңаа көрүп каар».

Таңныылдарның дыңнадыы

11Херээженнер орукка бар чыдырда, таңныыл шериинден элээн каш кижи ол бүгү болган чүүлдү Бурганның дээди бараалгакчыларынга дыңнадып, хоорайга чедип келген. 12А демгилери баштыңнар-биле кады сүмелешкеш, шериглерге хөй акша бергеш, 13оларга мынча дээннер: «„Ооң өөреникчилери дүне када келгеш, бис удуп чыдырывыста, мага-ботту оорлап аппарган-дыр“ – деп хамык улуска чугаалаңар. 14А ол херектиң сураа чагырыкчының кулаанга чеде берзе, сагыш човаваңар: силерге багай чүү-даа болбас кылдыр бис ооң-биле дугуржуп каар бис».

15Шериглер акшаны ап алгаш, айыткан аайы-биле кылганнар. Ол чугаа иудейлер аразынга калбаа-биле нептерээш, бөгүнге дээр артып калган.

Иисустуң өөреникчилеринге чагыы

(Мк. 16:14-18; Лк. 24:36-49; Ин. 20:19-23)

16А он бир өөреникчи Галилеяже, Иисустуң чеде бериңер дээн даанче чорупканнар. 17Орта Ону көрүп кааш, олар Аңаа мөгейгеннер, ындыг-даа болза, чамдыктары чигзинигге алзыпкан#Ин. 20:25.

18Иисус чоокшулап келгеш, олар-биле чугаалажып, мынча дээн: «Дээрге база черге бүгү эрге-чагырганы Меңээ берген-дир#Иса. 9:6; Дан. 7:13-14; Мф. 11:27; Ин. 17:2. 19Ынчангаш барыңар, Аданың, Оглунуң болгаш Ыдыктыг Сүлдениң ады-биле#2 Кор. 13:13 бүгү чоннарны сугже суп#Ин. 4:1-2; Аж.-ч. 8:13, оларны Мээң өөреникчилерим боор кылдыр ээлдириңер#Кол. 1:23. 20Силерге Мээң бүгү айтыышкыннарымны сагыыр кылдыр оларны өөредиңер#Ин. 14:15. Мен кажан кезээде, бо делегейниң төнчүзүнге чедир#Мф. 13:39 силер-биле кады мен».

Currently Selected:

Матфей 28: TUV

Highlight

Copy