Иоанн 10

Кадарчы болгаш хойлар

1«Алыс шынны силерге чугаалап тур мен: хой кажаазынче эжик дамчыштыр эвес, а кандыг-бир өске арга-биле кирер кижи – оор болгаш дээрбечи-дир. 2А эжик дамчыштыр кирген кижи – хойларның кадарчызы ол-дур. 3Таңныыл аңаа эжикти ажыдып бээр. Хойлар ооң үнүн дыңнаар, ынчангаш ол бодунуң хойларының адын адап кыйгыргаш, сүрүп үндүре бээр. 4Ол бодунуң хойларын шуптузун үндүр сүрүп алгаш, оларның мурнунга чоруур, а хойлары ооң үнүн таныыр болгаш, ону эдерип чоруптарлар. 5Хойлар өске кижини эдербес, харын хоюп маңнажы бээрлер, чүге дээрге өске кижиниң үнүн билир эвестер». 6Иисус бо угаадыглыг чугааны иудейлерге чугаалап берген, ынчалза-даа Ооң чүнүң дугайында чугаалаанын олар билбейн барган#Мк. 6:52; 8:17.

7Иисус улаштыр мынча дээн: «Алыс шынны силерге чугаалап тур мен: Мен – хойларга эжик-тир мен. 8Мээң мурнумда кээп турганнарның дөгерези – оорлар болгаш дээрбечилер-дир. Ынчалза-даа хойлар оларны дыңнавайн барган. 9Мен – хойларга эжик-тир мен. Мени дамчыштыр кирер кижи камгалалды алыр. Ол эжик дамчыштыр кире бээр болгаш үне бээр база бодунга одар-белчиирни тып алыр#Ыд. ыр. 22:2; Иез. 34:14. 10Оор чүгле оорлаар, өлүрер болгаш үрегдеп-бузар дээш кээр. А Мен оларга амыдыралды – артыкшылдыг элбек амыдыралды эккээр дээш келген мен.

11Мен – ачылыг кадарчы-дыр мен#Ыд. ыр. 22:1; 79:2; Иса. 40:11; Иез. 34:11-15, 31; Эккл. 12:12; Евр. 13:20: ачылыг кадарчы бодунуң хойлары дээш, амы-тынын бээр болгай#Ин. 15:13; 1 Ин. 3:16. 12А хөлезиленикчи кижи ёзулуг кадарчы эвес-тир, хойлар ооңуу эвес-ле болгай, ол бөрү келгенин көрүп кааш, кодан хоюн каапкаш, дезе бээр. А бөрү хойларже шурай бергеш#Мф. 7:15; Аж.-ч. 20:29, тарадыр ойладыптар. 13А хөлезиленикчи дезе бээр, чүге дээрге хөлезиленген болгаш, хойларже сагыш салбас#Зах. 11:16-17.

14Мен – ачылыг кадарчы-дыр мен, Бодумнуң хойларымны билир мен, Мээң хойларым база Мени билир. 15Адамның Мени канчалдыр билири ышкаш, Адамны Мен база ынчалдыр билир мен#Мф. 11:27. Мен амы-тынымны хойларым дээш бээр мен. 16Менде бо кодандан эвес, өске хойлар база бар – Мен оларны база бөлүп эккээр ужурлуг мен#Иса. 56:8; Ин. 11:52. Олар база-ла Мээң үнүмнү дыңнаар, ынчангаш чаңгыс кадарчылыг чаңгыс кодан турар!#Иса. 40:11; Иез. 34:23; 37:24; Лк. 12:32 17Ону катап хүлээп аар дээш, амы-тынымны берип турар боорумга, Адам Меңээ ынак#Мф. 3:17; Ин. 5:20. 18Амы-тынымны Менден кым-даа хунаап албайн турар, Мен ону Бодум берип тур мен. Менде ону бээр эрге бар, ону катап хүлээп алыр эрге база бар#Ин. 2:19. Адам Меңээ ынчалдыр айыткан».

19Ооң сөстери дээш, иудейлер аразынга база катап аңгылаашкын, маргылдаа үнген#Ин. 7:43; 9:16. 20Оларның дыка хөйү: «Ол-даа букшуураан-дыр#Мк. 3:22; Ин. 7:20; 8:48, угааны база сээдеңнээн-дир#Ос. 9:7. Чүге Ону дыңнаар силер?» – дээннер.

21А өскелери: «Букшуураан кижиниң чугаазы эвес-тир бо. Кай, бук согурарган улустуң караан көөр кылып шыдаар бе?!»#Хост. 4:11; Ыд. ыр. 145:8 – деп турганнар.

Иисустуң Бодунуң Бурган уктуун шынзытканы

22Кыш дүжүп келген. Иерусалимге Бурганның өргээзин чаартырының байырлалы#10:22 Бурганның өргээзин чаартырының байырлалы – еврей дылда Ханука деп адаар, Бурганның өргээзин Антиох Эпифан дээр сирий хаан бужартаткан соонда, бистиң эрага чедир 165 чылда ону катап арыглаанынга тураскааткан, декабрь айда эгелээр, сес хүн уламчылаар байырлал. болган. 23Иисус ынчан Бурганның өргээзинге, Соломоннуң серизи дээр черни#Аж.-ч. 3:11; 5:12 дургаар кылаштап турган. 24Иудейлер Ону үглеп келгеш: «Сен бисти чежеге дээр алаң кайгадып, шенеп кээр сен? Ылап-ла Христос болзуңза, биске ажыы-биле чугаала» – дээннер#Мф. 26:63; Ин. 1:24-25, 41.

25Иисус оларга мынча деп харыылаан: «Мен силерге чугаалап турдум чоп, ынчалза-даа бүзүрээрин күзеведиңер. Адамның өмүнээзинден кылып турарым ажыл-херек – Мени бадыткаар херечилел ол-дур#Ин. 5:36. 26Ынчалза-даа силер бүзүревес-тир силер, чүге дээрге Мээң хойларымның санынче кирбээн-дир силер#10:26 Өске бурунгу сөзүглелдерде бо сөстерге «Мээң чугаалап турганым дег» деп сөстерни немээн. . 27Мээң хойларым Мээң үнүмнү дыңнап турар. Мен база оларны билир мен, олар Мени эдерип чоруур. 28Мени эдерип чоруур улуска мөңге амыдыралды бээр мен, ынчангаш олар кажан-даа өлбес#Ин. 3:16; 17:12 база кым-даа оларны кажан-даа Мээң холумдан ушта соп шыдавас. 29Оларны Меңээ берген Адам хамык улустан өндүр улуг, ынчангаш кым-даа оларны Мээң Адамның холдарындан хунаап ап шыдавас. 30А Адам биле Мен – тудуш чаңгыс бис»#Ин. 17:11.

31Ону согар дээш, иудейлер ынчан база катап даштар сегирип алган#Ин. 8:59. 32Ынчаарга Иисус оларга: «Мен дыка хөй буянныг ажыл-херекти Адамның өмүнээзинден силерге көргүстүм. Оларның кайызы дээш, силер Мени даштар-биле согар деп турарыңар ол?» – дээн.

33Иудейлер Аңаа мынча деп харыылаан: «Буянныг ажыл-херээң дээш, Сени согар диведивис. Харын Бурганны дорамчылааның дээш база Сээң, анаа кижи хиреңде, Бодуңну Бурган мен деп турарың дээш, Сени даштар-биле согар деп бардывыс»#Лев. 24:16; Мф. 9:3.

34Иисус оларга мынча дээн: «Силерниң ыдыктыг хоойлуңарда: „Мен: ‘Силер бурганнар-дыр силер’ – деп чугааладым“#Ыд. ыр. 81:6 – деп биживээн чүве бе? 35Бурганның сөзү четкен улусту Ол бурганнар деп адап турар-дыр. А Бижилгени хажыдып болбас херек. 36Силер канчап черле Адазының ыдыктааш, бо делегейже айбылап чорудупканы Мени#Ин. 3:17: „Мен – Бурганның Оглу мен#Ыд. ыр. 2:7“ – депкен сөстерим дээш, „Бурганны дорамчылаан#Мк. 2:7; 14:64“ деп семээр силер че? 37Адамның Мени кылзын дээн ажыл-херээн кылбайн турар болзумза, Меңээ бүзүревеңер! 38А Мен ону кылып турар болзумза, Мээң чугаамга бүзүревейн-даа турзуңарза, Мээң ажыл-херээмге бүзүреңер! Адамны – Мээң-биле сырый харылзаалыг, а Мени – Адам-биле харылзаалыг дээрзин ынчан медереп билип алыр силер»#Ин. 14:10. 39Олар ынчан Ону база катап тудуп хоругдаар бодааннар. Ынчалза-даа Иисус оларның холундан адырлып чоруй барган#Лк. 4:30; Ин. 7:30.

40Иисус оон база катап Иорданның ол чарыынче, ооң мурнунда Иоанның улусту сугже суп турган черинче#Ин. 1:28 чоруй баргаш, орта артып калган. 41Хөй улус Аңаа кээп турган. Олар: «Иоанн кандыг-даа кайгамчык чүүл кылган эвес. А ол Кижи дугайында чугаалап турган чүвези шын болган-дыр»#Ин. 1:7; 3:26; 5:33 – деп чугаалажыр болган. 42Ынчангаш ол черге хөй улус Иисуска бүзүрей берген#Ин. 7:31.

Currently Selected:

Иоанн 10: TUV

Highlight

Copy