Эге дөс 16

Агар биле Измаил

1Аврамның кадайы Сара төл төрүүр салым чок болган. Ооң Агар деп Египеттен келген кул кызы турган. 2Сара Аврамга мынча дээн: «Дээрги-Чаяакчы меңээ ажы-төл бербээн-дир. Мээң кулум-биле чоокшулажып көрем. Агар меңээ төлден төрүп бээр болза, ону дамчыштыр мен ажы-төлдүг болур чадавас мен». Аврам Сараның сөзүн тооп дыңнаан. 3Ынчангаш Сара бодунуң египет кулу Агарны ашаанга кул-кадай кылдыр берипкен. Ол бүгү Аврамның ханаан черге кээп чурттай бергенинден бээр он чыл эрткенде болган. 4Аврам-биле чоокшулашканының соонда, Агар саатталы берген. Иштиг апаргаш, ол бодунуң ээзи болур Сараны куду көрүп эгелээн. 5Ынчан Сара Аврамга мынча дээн: «Мээң хомудалым дээш харыылаар апаар сен! Мен бодумнуң кулумну кадай кылдыр сеңээ бердим, а ол сенден иштелип алгаш, мени куду көрүп эгеледи. Мен дээш Дээрги-Чаяакчы сеңээ шииткекчи болгай аан#Э. д. 18:25; 31:53; 1 Хаан. 24:13, 16; Башт. 11:27». 6Аврам Сарага: «Агар сээң эргеңде болзун: ооң-биле чүнү канчаарын бодуң бил» – дээрге, Сара бодунуң кулун кызып-кыйып эгелээн. Агар ол бүгүнү угбайн, оон дезип чорупкан.

7Ээн кургаг ховуда Сур деп черже#Хост. 15:22 баар орук чоогунда суг бажынга Дээрги-Чаяакчының төлээзи Агарга ужуражы берген. 8Дээрги-Чаяакчының төлээзи оон айтырган: «Сараның кулу Агар, кайыын келдиң, кайнаар бар чыдыр сен?»

«Мен бодумнуң ээм Сарадан дезип чор мен» – деп, ол харыылаан.

9Дээрги-Чаяакчының төлээзи Агарга: «Бодуңнуң ээңче дедир чорупкаш, ооң кандыг-даа кызып-кыйыышкынын шыдаш» – дээн. 10-11Оон Дээрги-Чаяакчының төлээзи мынча дээн: «Көвүдеткенней, сээң үре-салгалыңны санаттынмас хөй кылып каар мен. Сен ам иштиг-сааттыг-дыр сен. Оолдуг болур сен. Ону Измаил#16:10-11 Еврей дылда «Измаил» деп ат «Бурган дыңнап турар» деп сөске дөмейлешкек. деп адап ал, чүге дээрге Дээрги-Чаяакчы сээң хилинчээңни дыңнап каан-дыр. 12Сээң оглуң улус аразынга черлик элчиген дег болур-дур: ол – хамык улуска удур, а хамык улус – аңаа удур. Ол дуңмалары-биле безин өжээннежип чурттаар-дыр».

13Чугаалашканы Дээрги-Чаяакчыны Агар мынча деп адаан: «Сен – мени көрүп каан Бурган сен#16:13 Азы: «Сен – мээң көрүп кааным Бурган-дыр сен». ». Чүге дизе Агар: «Маңаа мени көрүп каан Бурганны ылап-ла көрген кижи мен бе!» – дээн. 14(Ынчангаш ол кудукту Беэр-Лахай-Рои#16:14 Бо ат «Мени көрүп каан дириг Бурганның кудуу» дээн уткалыг. деп адаар. Ол Кадес биле Баредтиң аразында турар.)

15-16Агар оол божуп бээрге, Аврам оглун Измаил деп адап алган. Ол үеде Аврам сезен алды харлыг турган.

Currently Selected:

Эге дөс 16: TUV

Highlight

Copy