Filipenses 1

Ri Pablo nduyaꞌ ruxunaqil kiwech ri hermanos aj Filipos

1Riyin Pablo y ri hermano Timoteo#Hch. 16:1 rusamajelaꞌ ri Cristo Jesús, ndiqatzꞌibꞌaj e re wuj reꞌ chiwa rix ri loqꞌolej rutinamit ri Dios ri rixkꞌo pa tinamit Filipos,#Hch. 16:12 ri xe jun ibꞌanun rikꞌin ri Cristo Jesús y chiwa chuqaꞌ rix ri ukꞌuey bꞌey chikiwech ri hermanos, y chiwa rix ri rix diáconos. 2Ri Qatataꞌ Dios y ri Ajaw Jesucristo, kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima.

Ri Pablo ndikikot chupan ri kꞌayew nduqꞌasaj

3Atoq ngixinkꞌuxlaꞌaj, nimatioxij chare ri nu-Dios iwoma. 4Y jumul atoq nibꞌen orar iwoma rix iwonojel, ngikikot nibꞌen orar. 5Porque xe jampeꞌ xitaqij ri Jesucristo, ja qꞌij riꞌ xitzꞌuk pe chi yin itoꞌon chutzijoxik ri utzulej teq tzij chin kolotajik,#Fil. 4:15 y hasta re qꞌij reꞌ keriꞌ ngixtajin rikꞌin. 6Y kin kuqul nukꞌuꞌx chi ri utzulej samaj rutzꞌukun pe ri Dios pa iwánima, qꞌij-qꞌij ndajin rikꞌin, y ndutzꞌaqatisaj hasta chupan ri qꞌij atoq nduqaqa ri Cristo Jesús. 7Y kin utz chi riyin keriꞌ ninaꞌ iwoma, porque rixkꞌo pa wánima y jun iwánima ibꞌanun wikꞌin chupan ri nimalej favor ruyoꞌon ri Dios chuwa. Jun iwánima ibꞌanun wikꞌin re yinkꞌo pa cheꞌ, y jajun atoq niqꞌalajrisaj chi ri utzulej teq tzij chin kolotajik kin qetzij y utz chi nditzijox. 8Ri Dios kin retaman chi ma ngireqꞌon ta atoq nibꞌij chi tzꞌan ngixinwojoꞌ rix iwonojel, achel ngixrajoꞌ ri Cristo Jesús. 9Riyin nibꞌen orar chi ri Dios ndubꞌen chiwa chi más ngixojowan, y chi ngixojowan rikꞌin qetzij nojibꞌel#Col. 1:9 y rikꞌin jun iwánima ri ndunaꞌ ri achike más utz chi ndibꞌen. 10Chin keriꞌ ndichaꞌ ri más utz chi ndibꞌen, y keriꞌ, chupan ri qꞌij atoq nduqaqa ri Cristo, ngixuꞌilitej chi loqꞌolej ri ikꞌaslen, y ma jun itzel achike ndilitej chiwij,#Ro. 12:1; Ef. 5:3 11xa kin ngixuꞌilitej chi pa ruchojmil ibꞌanaloꞌon nojel, roma ri rubꞌanun ri Jesucristo pa ikꞌaslen.#Jn. 15:5 Y keriꞌ ndinimrisex y ndiyoꞌox ruqꞌij ri Dios.

Ri utzulej teq tzij chin kolotajik bꞌaneq rutzijoxik

12Hermanos, niwojoꞌ chi rix ndiwetamaj chi nojel ri nuqꞌasan pa nukꞌaslen, hasta más rubꞌanun chi bꞌaneq rutzijoxik ri utzulej teq tzij chin kolotajik. 13Y romariꞌ konojel ri ngechajin ri palacio y konojel ri wineq, kakꞌaxan y ketaman chi yin tzꞌapel pa cheꞌ#2Ti. 2:9 roma xe jun nubꞌanun rikꞌin ri Cristo. 14Y ri hermanos roma ketaman chi ri Dios yin rutoꞌon pa cheꞌ, jubꞌama konojel chikiwech rejeꞌ xkikuqubꞌaꞌ más kikꞌuꞌx rikꞌin ri Ajaw y xkꞌojeꞌ pe más ruchuqꞌaꞌ kánima y wokami ma ndikixibꞌij ta kiꞌ#2Co. 3:12 ndikiyaꞌ rutzijol ri rutzij ri Dios.

15Kin qetzij chi ekꞌo jujun ri ndikiyaꞌ rutzijol ri Cristo xa roma ndiququt kánima chuwij y ndikajoꞌ ndikiqasaj ruqꞌij ri samaj ngitajin rikꞌin. Pero ekꞌo chik chꞌaqa, kin rikꞌin chꞌajchꞌaj kánima ndikiyaꞌ rutzijol ri Cristo. 16Re chꞌaqa reꞌ ndikiyaꞌ rutzijol ri Cristo roma ngeꞌojowan, porque ketaman chi ri Dios yin ruyoꞌon#1Co. 9:17 chin nikꞌut chi qetzij ri ndubꞌij ri utzulej teq tzij chin kolotajik. 17Pero ri ndiququt kánima chuwij ndikiyaꞌ rutzijol ri Cristo, xe chin ndikajoꞌ ngeqꞌalajin chi más jabꞌel rutzijoxik ndikibꞌen chare ri rutzij ri Dios ke chinuwech riyin, y xa ma nojel ta kánima ndikibꞌen, y chuqaꞌ ndikajoꞌ chi ndiqꞌaxa ta qa ri wánima chikij waweꞌ pa cheꞌ. 18Pero, ¿utz kami chi ndipuꞌun woyowal romariꞌ? Ma utz ta, porque si rikꞌin nojel kánima ndikiyaꞌ rutzijol ri Cristo o ma rikꞌin ta nojel kánima, ri más ndikꞌatzin, ja ri ndiyoꞌox rutzijol ri Cristo, y jariꞌ ri ndibꞌanun chuwa chi santienta ngikikot.

Y kin jumul wi xkikikot 19porque yin kuqul nukꞌuꞌx chi roma ri oración ndibꞌen rix woma,#2Co. 1:10, 11 y roma chuqaꞌ ngirutoꞌ ri Espíritu Santo ri ruyoꞌon ri Jesucristo pa wánima, nginel chuwech nojel ri nukꞌulwachin pa nukꞌaslen wokami, 20kin achel nurayin pe, y nukuqubꞌan nukꞌuꞌx chi ma jun achoq roma xkikꞌixbꞌisex,#Sal. 25:2; Ro. 9:33 xa kin nibꞌen achel nubꞌanun pe xe jampeꞌ pa nabꞌey, chi ma jun xibꞌriꞌil pa wánima ninimrisaj ruqꞌij ri Cristo rikꞌin ri nu-cuerpo, si kꞌa ngikꞌaseꞌ na o ngikamisex. 21Porque chuwa riyin, ri rukꞌuꞌx nukꞌaslen chochꞌulew ja ri Cristo, y si xkiken, kin kꞌo utz ndukꞌen pe chuwa. 22Pero si rikꞌin ri kꞌa ngikꞌaseꞌ na más, kꞌo utz ndukꞌen pe chare rusamaj ri Dios, entonces ma wetaman ta achike ri más utz, si ja ri kꞌa ngikꞌaseꞌ o ja ri ngiken. 23Kin ma niwil ta achike ri más utz, bꞌaláta ngiken e#2Co. 5:8 chin ngibꞌekꞌojeꞌ apeꞌ kꞌo ri Cristo, porque riꞌ más yalan utz chuwa riyin. 24Pero chiꞌitoꞌik rix, más ndikꞌatzin chi kꞌa ngikꞌojeꞌ chireꞌ chochꞌulew. 25Y roma kuqul nukꞌuꞌx chi kin ndikꞌatzin chi kꞌa ngikꞌaseꞌ, ninaꞌ chi ma ngiken yan ta, xa kin kꞌa ngikꞌojeꞌ chin ngixintoꞌ chin ngixkꞌiy pa ikꞌaslen chiraqen ri Ajaw, y más ngixkikot chi kuqul ikꞌuꞌx rikꞌin rijaꞌ. 26Chin keriꞌ rix más ndiyaꞌ ruqꞌij ri Cristo Jesús ri achoq ikꞌin xe jun ibꞌanun, atoq xtitzꞌet chi rijaꞌ ndubꞌen chi ngibꞌeqaqa chik jumbꞌey chiꞌikajal.

Tiqakꞌuaj ri qakꞌaslen achel ndubꞌij ri utzulej teq tzij chin kolotajik

27Ri más ndikꞌatzin, ja ri rukꞌuaxik ri ikꞌaslen#Ef. 4:1 kin ta achel ndubꞌij ri utzulej teq tzij ri ndichꞌaꞌa pa ruwiꞌ ri kolotajik ri nduyaꞌ ri Cristo. Keriꞌ nibꞌij chiwa, chin keriꞌ si xkibꞌeqaqa o ma xkibꞌeqaqa chi ta chiꞌitzꞌetik, kin ta nduqaqa rutzijol wikꞌin chi kaw rixkꞌo chiraqen ri Ajaw, jumul jun iwánima ibꞌanun, junan ngixsamej chin nditaqix ri utzulej teq tzij chin kolotajik, 28y ma jun ta roma ndixibꞌij iwiꞌ#Is. 41:10; Mt. 10:28 chikiwech ri ma ndikajoꞌ ta chi rix nditzijoj ri utzulej teq tzij chin kolotajik, porque ri ma ndixibꞌij ta iwiꞌ, riꞌ jun etal chikiwech rejeꞌ chi xa pa qꞌaqꞌ ngebꞌekꞌis wi, pero chuqaꞌ jun etal chi rix iwilon chik ri kolotajik ri nduyaꞌ ri Dios. 29Porque chiwa rix, yoꞌon jun nimalej favor, y riꞌ ma xe ta chi itaqin ri Cristo, xa kin yoꞌon chuqaꞌ qꞌij chiwa chi ndiqꞌasaj kꞌayew roma itaqin rijaꞌ.#Mt. 5:12; Hch. 5:41 30Keriꞌ nibꞌij chiwa, porque rix y riyin junan ndiqaqꞌasaj kꞌayew achel xitzꞌet chi xinqꞌasaj kꞌayew atoq xikꞌojeꞌ chiꞌikajal, y wokami ndiwakꞌaxaj chi ri apeꞌ yinkꞌo, kin niqꞌasaj chuqaꞌ kꞌayew.

Currently Selected:

Filipenses 1: cakX

Highlight

Copy