Popular Bible Verses from Filipenses 1

Share

Y kin kuqul nukꞌuꞌx chi ri utzulej samaj rutzꞌukun pe ri Dios pa iwánima, qꞌij-qꞌij ndajin rikꞌin, y ndutzꞌaqatisaj hasta chupan ri qꞌij atoq nduqaqa ri Cristo Jesús.

Riyin nibꞌen orar chi ri Dios ndubꞌen chiwa chi más ngixojowan, y chi ngixojowan rikꞌin qetzij nojibꞌel y rikꞌin jun iwánima ri ndunaꞌ ri achike más utz chi ndibꞌen. Chin keriꞌ ndichaꞌ ri más utz chi ndibꞌen, y keriꞌ, chupan ri qꞌij atoq nduqaqa ri Cristo, ngixuꞌilitej chi loqꞌolej ri ikꞌaslen, y ma jun itzel achike ndilitej chiwij

Porque chuwa riyin, ri rukꞌuꞌx nukꞌaslen chochꞌulew ja ri Cristo, y si xkiken, kin kꞌo utz ndukꞌen pe chuwa.

Atoq ngixinkꞌuxlaꞌaj, nimatioxij chare ri nu-Dios iwoma.

Ri más ndikꞌatzin, ja ri rukꞌuaxik ri ikꞌaslen kin ta achel ndubꞌij ri utzulej teq tzij ri ndichꞌaꞌa pa ruwiꞌ ri kolotajik ri nduyaꞌ ri Cristo. Keriꞌ nibꞌij chiwa, chin keriꞌ si xkibꞌeqaqa o ma xkibꞌeqaqa chi ta chiꞌitzꞌetik, kin ta nduqaqa rutzijol wikꞌin chi kaw rixkꞌo chiraqen ri Ajaw, jumul jun iwánima ibꞌanun, junan ngixsamej chin nditaqix ri utzulej teq tzij chin kolotajik

kin achel nurayin pe, y nukuqubꞌan nukꞌuꞌx chi ma jun achoq roma xkikꞌixbꞌisex, xa kin nibꞌen achel nubꞌanun pe xe jampeꞌ pa nabꞌey, chi ma jun xibꞌriꞌil pa wánima ninimrisaj ruqꞌij ri Cristo rikꞌin ri nu-cuerpo, si kꞌa ngikꞌaseꞌ na o ngikamisex.

Porque chiwa rix, yoꞌon jun nimalej favor, y riꞌ ma xe ta chi itaqin ri Cristo, xa kin yoꞌon chuqaꞌ qꞌij chiwa chi ndiqꞌasaj kꞌayew roma itaqin rijaꞌ.