wandījo 10

Shibyalīlwe sha ng'wa Noa

1Īyī yene mihayo ya bitūnja ba ng'wa Noa, aba Shemu, Hamu na Yafeti; aho lyabīta ī lihūūma nabo bakabyala bitūnja.

Shibyalīlwe sha ng'wa Yafeti

2A bitūnja ba ng'wa Yafeti baalī:

Gomeli, Magogi, Madai, Javani, Tubali,

Mesheki na Tilasi.

3A bitūnja ba ng'wa Gomeli baalī:

Ashikenazi, Lifati na Togama

4A bitūnja ba ng'wa Javani baalī:

Elisha, Talishishi, Kitimu na Dodanimu.

5A banhū abo bakabiza bikaji

ba mu sī ja kū mbalama ya nyanza,

bakasambaala kūfuma mu benaba.

Būdimana ng'anda ng'anda,

būlī bene mu sī yabo n'ihanga lyabo,

kūlenganīla na ndīmi jabo.

Shibyalīlwe sha ng'wa Hamu

6A bitūnja ba ng'wa Hamu baalī:

Kushi, Mizilaimu,#10:6 Mizilaimu: Hū kūhaya Misili. Puti na Kanaani.

7A bitūnja ba ng'wa Kushi baalī:

Seba, Havila, Sabūta, Laama, Sabūtega.

A bitūnja ba ng'wa Laama baalī:

Sheba na Dedani.

8Ū Kushi walī ise#10:8 Ise: Nūūlū, ise nkūlūgenji wakwe. wa ng'wa Nimulodi, ūyo walī wa kwandya ū mu sī kūbiza munhū wa būdūla būtaale. 9Ū munhū ng'wenūyo walī ng'hīīgi nhaale ū kū būtongi bo ng'wa SEEBA; h'ī nguno yene lūlīho na lūsumo lūhayile gīkī, “Gīt'umo alī Nimulodi, ng'hīīgi nhaale kū būtongi bo ng'wa SEEBA.” 10Ū būsugi wakwe walī būkūbanīgije sī ningī, Babeli, Eleki, Akadi, na Kaline ya mu sī ya Shinaali. 11Aho alī mu sī yenīyo akajūdima sī ya Ashulu, ūzenga ko mizengo ya Ninawi, Lehoboti-ili, Kala, 12na Leseeni, ūyo gūlī ha gatī ya Ninawi na Kala, nīyo hū nzengo ū ntaale.

13Ū Mizilaimu walī nkūlūgenji wa banhū ba:

Ludi, Anami, Lehabi, Nafutuhi,

14Patilusi, Kasiluhi ūmo Bafilisti

bakafuma na Kafitoli.

15Ū Kanaani walī ise wa ng'wa Sidoni,

hū myalwa wakwe wa kwandya.

Hama h'ūyo akamyala na Heti.

16Ū ng'wenūyo hū nkūlūgenji wa:

Bayebusi, Baamoli, Bagiligashi.

17Bahīvī, Baaliki, Basinai, 18Baalivadi, Bazemali na Bahamati. Hanuma ya henaho ī ng'anda ja Bakanaani jikasambaala, 19Ī mbīmbī jabo jūgalīha, jūkikuumya na sī ya Sidoni, hihī na Geela kūja Gaza. Hūna kūjīīlīla Sodoma, Gomola, Adima, na Zeboimu, kūjūkashika Lasha. 20A benaba h'a banhū ba shibyalīlwe sha ng'wa Hamu, ūmo bikalīlaga ū mu sī ja mahanga gabo, kūlondeela ng'anda na ndīmi jabo.

Shibyalīlwe sha ng'wa Shemu

21Ū Shemu, ū nkūlūye wa ng'wa Yafeti, nang'hwe akabyalīlwa bitūnja. Hū ng'wene ū nkūlūgenji wa banhū ba būbyīle bo ng'wa Ebeli.

22A bitūnja ba ng'wa Shemu baalī:

Elamu, Ashulu, Apakishadi, Lūdi na Alamu.

23A bitūnja ba ng'wa Alamu baalī:

Ūzi, Hūlū, Geteli na Mesheki

24Ū Apakishadi akamyala Shela,

Ū Shela ūmyala Ebeli.

25Ū Ebeli akabyalīlwa bitūnja babīlī:

Ūmò wabo witanwa Pelegi, nguno ū mu shikū

jakwe ī sī īkalekana.

Walī na ng'wana wa ng'wawe witanagwa Yokitani.

26Ū Yokitani walī ise wa ba:

Alimodadi, Shelefu, Hazamaveti, Yeela,

27Hadolamu, Ūzali, Dikīla,

28Obali, Abimaeli, Sheba,

29Ofili, Havila na Yobabu.

Pye a benaba baalī bitūnja ba ng'wa Yokitani.

30Ī litogolo lya sī īyo bikalaga lyalī līkūbanīgije mapandī ga kwandīja Mesha kūjīlīīla kīya, kū magūlya ga sī ya Sefali. 31Ī shenīshi h'ī shibyalīlwe sha bitūnja ba ng'wa Shemu, kūlenganīla nū mumo jalī ng'anda na ndīmi jabo, ūmo bikalīlaga mu sī ja mahanga gabo. 32Pyī ī shenīshi shibyalīlwe sha bitūnja ba ng'wa Noa, gīt'ūmo jalī jiihelelile ī ng'anda jabo, ū mu mahanga gabo. A mahanga ga banhū gakasambaala pye a hose ū mu sī kwandīja mu banhū benaba, kwīngīīla aho lyabīta ī lihūūma lya minzī.

Currently Selected:

wandījo 10: SUKBI15

Highlight

Copy