Shītwa sha Batūng'wa BŪSOMBOOJI BO KŪGUNANHA
BŪSOMBOOJI BO KŪGUNANHA
Ī shitabo sha Shītwa sha Batūng'wa shilītwinha būsombooji bo mihayo īyo īkasaagīīla kwandīkwa, ī ya koolecha kūkūla kwa kūzunya kwa balondeeji ba ng'wa Seeba mu Yelusalemu, na kūsambaala kwa Ng'hūlū Jawiza hose pye. Ū ng'wandīki wa shitabo sha ng'wa Luka hū ng'wene ū ng'wandīki washo nī shenīshi. Alīyīmalīja īyo walī atogilwe kwīyoolecha kū banhū.
Ū mu shitabo shenīshi alandya mu koolecha gīkī, a bahemba ba ng'wa Yesu bakashikīlīja gīt'ūmo walī wabawīlīla aho ataalī kūbaleka. Bakikala ū mu nzengo gwa Yelusalemu ūmo walī wabalagīīlīla, hūna aho lyashika ī likanza Moyo Ng'wela ūbikīīla, ūbinha nguzu ja kūlomeela Ng'hūlū Jawiza mu kūnkaanīla ū Seeba Yesu Kilisito, ūyo walī waacha alīyo ūjūūka. Ū Moyo Ng'wela hū ng'wene ūyo akabatongeela kūjisambaaja hose hose ī Ng'hūlū Jawiza jenījo, kwandīja Yelusalemu, hūna Būyudaya ī yose, kūshisha Samalia na kū sī ja kūle.
Na hangī ū mu shitabo shenīshi, ū ng'wandīki aloolekeja gīkī ū kūzunya kwa balondeeji ba ng'wa Yesu kwandīja ng'wihanga lya Bayudaya, hūna kūūja nū kū mahanga a gangī. Na gīkī, a balondeeji ba ng'wa Yesu baalī batī bilwisha ba selekali ya Balumi. Nīyo ū kūzunya kwa balondeeji ba ng'wa Kilisito, kwashikīlījaga dūhū īyo Bayudaya bīlangaga mu dini yabo kūfuma kale.
Ū mu shitabo shenīshi tūlībona nhamlo idatū ījo jikatūmama ū mu kūsambaala kwa Ng'hūlū Jawiza. 1. Ū mu nhamlo ya kwandya, tūlolekejiwa ūmo bakandīja kūkwīla a balondeeji ba ng'wa Yesu ū mu Yelusalemu, kwīngīīla h'ikanza lya kūshoka kwakwe ng'wigūlū. 2. Ū mu nhamlo ya kabīlī, tūlībona ūmo Ng'hūlū Jawiza jikasambaalīla, kūshisha jūshika kū mapandī gangī ū mu sī ya Asia Ndo 3. Ū mu nhamlo ya kadatū, tūlolekejiwa ūmo jikasambaalīla ī Ng'hūlū Jawiza kūshisha jūshika kū sī ja Būlahya, na kū nzengo ntaale gwa Lumi.
Ū mhayo ntaale ūyo gūlīmo ū mu shitabo shenīshi gūlī gwa būtongeeji bo ng'wa Moyo Ng'wela. Kwandīja ha lūshikū lwa Pentekosite aho wabikīīlaga bahemba ba ng'wa Seeba Yesu mu nzengo gwa Yelusalemu, hū ng'wene alīgūtwala kū būtongi ū nīmo go ng'wa Mulungu. Tūlībona gīkī akwīyinhaga nguzu ī kanisa na kūboolekeja a batongeeji īyo ībigelile kwīlanga mu kanisa. Mhayo gūngī ū ntaale ūyo tūlīgūbona ū mu shitabo shenīshi, gūlī gwa būlomeeji ūbo wītagwa ū mu shikū ja wandījo; ī kanisa aho ītaalī ng'wikanza lya wandījo. Ū būlomeeji wenūbo wandīkilwe mu shiguhī guhī pye a hose ū mu shitabo shenīshi. Īyo yilongaga a makanza ga būlomeeji wenūbo yandīkilwe kūlwa kūboolecha ū būdūla bo mhayo ūyo gwalomeelagwa, nī nguzu ja bazunya ū mu kikalīle ka būsangī wabo ū mu kanisa.
ĪYO ĪLĪMO
Yesu kūmalīja būganikīji, na kūbisagīja 1:1-14
Kūsolwa wa kwingīla ha ng'wanya gwa ng'wa Yuda 1:15-26
Kwika kwa ng'wa Moyo Ng'wela, na būkaanīji mu Yelusalemu 2:1–8:3
Būkaanīji mu sī ya Būyudaya yose, na mu Samalia 8:4–12:25
Būtūmami bo ng'wa Paulo 13:1–28:31
a) Lūgendo lwa kwandya lo būlomeeji 13:1–14:28
b) Ibanza lya Yelusalemu 15:1-35
c) Lūgendo lwa kabīlī lo būlomeeji 15:36–18:22
d) Lūgendo lwa kadatū lo būlomeeji 18:23–21:16
d) Paulo ntungwa, Yelusalemu, Kaisalia, Lumi 21:17–28:31
Currently Selected:
Shītwa sha Batūng'wa BŪSOMBOOJI BO KŪGUNANHA: SUKBI15
Highlight
Share
Copy
Want to have your highlights saved across all your devices? Sign up or sign in
Sukuma Bible © Bible Society of Tanzania, 2019.