Лака Дешхьалхе
Дешхьалхе
Ӏийсас беанчу, Лакас дӀаязбинчу хазачу кхоо гойту, лур ду аьлла Исраилан халкъ КӀелхьардоккхург а, массо а нах КӀелхьарбохург а Ӏийса хилар. Лакас дӀаяздина, Везачу Элан Сино Ӏийса къобалвина хилла, «мискачу нахана Делах лаьцна хаза кхаъ бан». Шайн тайп-тайпана хьашташ долчу нахана болчу гӀайгӀанех буьзна бу и хаза кхаъ. Лакас дӀаяздинчу тептар тӀехь долчу коьртачу ойланашкахь цхьа самукъадалар ду. Ӏийса дуьнен чу валарх лаьцна долчу тептаран дуьххьарлерчу кортошкахь а, Ӏийса стигала хьалаваларх лаьцна долчу тептаран чаккхенехь а иза къаьсттина гуш ду. Ӏийсах тешаран дин кхиарх а, дӀасадаржарх а лаьцна долу дийцар ду «Векалийн ГӀуллакхаш» олучу тептар тӀехь оццу яздархочо дуьйцуш.
Хазачу кхоах лаьцна яздинчу веа яздархочух 1:5–2:52 а, 9:51–19:27 а аяташкахь Лакас бен дӀаяздина дац цхьадолу дийцарш. Царна юкъахь ду: Ӏийса дуьнен чу ваьлча, маликаша лекхначу эшарех долу дийцар а, жаӀуй хьошалгӀа бахкарх долу дийцар а, жима Ӏийса Делан цӀа йолчу варах долу дийцар а, дикачу шамранхочух лаьцна долу хьекъале дустар а, байначу кӀантах лаьцна долу хьекъале дустар а. Хазачу кхоах долчу хӀокху дийцарехь шатайпа хӀуманаш иштта ду: доӀа а, Делан Са а, Ӏийсас дечу гӀуллакхна тӀехь зударша дакъа лацар а, Дала къиношна гечдар а.
Currently Selected:
Лака Дешхьалхе: CHE
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2012