Tsiqeeq 149
149
Tsiq eeq 149
Gaq lai-a nail daoqsel
1Hal laiq lul yaq.
Heeqphaq Miqyail bhai daoqsel aqsivq gul khi
aivq bhai saljial ivq nail juq jil lai khi jaol nail bhai
aivq bhai daoqsel gul khi tsiq eeq yaoq.
2Ilsaqleiqlav nail tsaol-aq juq neq
yovqgavq bhai teivq lavq-a nail
Miqyail nail lavqkhoel bhai
lavqkhiq tsail dei-eiq.
Yeiqlulsaqlaiq meenq yaq juq
yovqgavq nail Heeqphaq nail lavqkhoel bhai
lavqkhiq tsail dee dee dei-eiq.
3Aqyu juq bhoe loe niu niu ail
aivq nail aqmil bhai tsiq eeq dei-eiq.
Tsail lail tsiq, dil-nvq deeq khi
tsiq eeq nail daoqsel gul dei-eiq.
4Khul khi mail dai ngal-aq
Heeqphaq Miqyail neq
aivq nail tsaol-aq bhai ya lai nail ngaol.
Neema thaq theq nail juq bhai
heel uq tsaoq tsaoq nail khe-ai
hevq kovq nail phaq bivq nail ngaol.
5Aivq nail saljial ivq nail juq-ol
aivq-i mail al haiq ev bhiq nail bhai
lavqkhiq tsail dei-eiq.
Iq thaiq duq kovtavq bhai iqsanl
lavqkhiq tsail khi daoqsel gul dei-eiq.
6-9Yu nail jeq-e jaq-a bhai
nl kovq bhiq dai maqkhaiq
milkhaoq yaq juq bhai yalkhaq dal dai maqkhaiq
aqyu juq nail heeqphaq juq khi
aqivq aqtsu juq bhai
hail cav-i mail phee thaiq dai maqkhaiq
aqyu juq bhai geel-nvq nail khe-ai
yalkhaq dal bhiq nail dai khi
Miqyail bhai saljial ivq nail tsaol-aq juq bhai
moeqthaoq nee tsiq eeq khi
thaoma bhai nieivq thaiq-ai thaq yaoq.
Al hai nl nail neq
aqyu juq nail haqbhoil
seiqleiq khaoqsail pevq nail ngaol.
Haq leiq lul yaq!
Currently Selected:
Tsiqeeq 149: aeu
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
