Захарија 9
9
Непријателите на Израел ќе бидат казнети
1Пророчкото слово на Господ е против земјата Хадрах, и во Дамаск ќе се задржи, зашто окото Господово ги набљудува сите луѓе, како и сите колена израелски; 2#Ез 28,4тоа е и врз Хамат, кој се граничи со него, и врз Тир и Сидон, иако се многу мудри. 3#Јов 27,16Тир изградил тврдина, натрупал сребро како прашина, и злато како улична кал. 4#Ез 27,34; 28,18; Амос 1,10Но, ете, Господ ќе го направи беден и ќе му ја струполи силата негова во морето, а и самиот ќе биде истребен со оган. 5#Амос 1,7-8; Соф 2,4Тоа ќе го види Ашкелон, и ќе се уплаши, а и Газа – па и таа ќе затрепери многу, и Екрон, зашто го изневери надежта негова: нема да има цар во Газа, и Ашкелон ќе запусти. 6#5 Мојс 23,3Туѓо племе ќе живее во Ашдод, и Јас ќе ја уништам гордоста на Филистејците. 7#Ис.Н. 15,63; Ис 4,3; Ез 33,25; Мих 2,12Ќе ја извлечам крвта од устата нивна, нечистотијата од забите нивни и тие ќе паднат пред нашиот Бог и ќе бидат како семеен клан во Јудеја, а Екрон ќе биде како Јевусиј. 8#Пс 34,7Ќе поставам стража околу Мојот дом спроти војската, спроти оние, кои преминуваат натаму и наваму, и нема повеќе да доаѓа непријател; зашто сега видов со очите Свои.
Идниот Цар (Месијата)
9 #
2,14; Ис 62,11; Соф; 3,14-15; Мт 11,29; 21,5 Ликувај од радост, ќерко Сионова, извикувај, ќерко ерусалимска; ете, Царот твој се враќа кај тебе, праведен е и со победоносна сила, кроток, седнат на магаре, рожба на магарица. 10#Ис 11,6; Ос 2,20; Мих 5,9; Пс 72,8Тогаш ќе ги истребам колите на Ефрем и коњите на Ерусалим, и ќе се скрши бојниот лак; и Тој ќе објави мир на народите, и царството Негово ќе се протега од море до море и од Еуфрат до краиштата на земјата.
Спасение за заробените
11 #
2 Мојс 24,4-8; Ер 38,6; Мт 26,28 А што се однесува до тебе, Израеле, заради крвта на заветот Јас ги ослободив затворените од безводните јами. 12#Ис 61,7; Јов 42,10Враќајте се во тврдината вие затвореници, полни со надеж! Денес навестувам дека ќе ти дадам двојно. 13#Ез 27,13; Јоил 4,6Зашто како лак ќе го затегнам Јуда и лакот ќе го вооружам со Ефрем, па ќе ги подигнам синовите твои, Сионе, против синовите твои, Јаване, и тебе ќе те направам како меч јуначки.
Господ е Заштитник на Својот народ
14 #
5 Мојс 33,2; Авак 3,4; Пс 18,14 Ќе се појави над нив Господ и како молскавица ќе излета стрелата Негова; ќе загрми Господ Бог со трубата и ќе дојде на јужните бури. 15#2 Мојс 27,2; 1 Цар 7,40.45Господ Саваот ќе ги брани, и тие ќе ги газат дури и камењата за праќи; ќе пијат крв место вино; и ќе се наполнат како жртвени чаши, како аглите на жртвеникот. 16#Ер 23,1; Ез 34,1; Пс 79,13И ќе ги спаси нивниот Господ Бог во оној ден, како стадо од Својот народ; зашто тие ќе заблескаат како камења на круна во земјата Негова. 17#Ер 31,12-13О, колку голема ќе биде добротата негова и каква ќе биде убавината негова! Житото ќе ги расцути момците, а благото вино – девојките.
Currently Selected:
Захарија 9: MK2006
Highlight
Share
Copy
Want to have your highlights saved across all your devices? Sign up or sign in
© Библиско Здружение на Р. Македонија 2006
© Bible Society of the Republic of Macedonia 2006
