Псалми 148

148

ПСАЛМ 148

Сион нека Го фали Господа

1Алилуја! Фалете Го Господа на небесата, фалете Го, на висините. 2#103,20-21; Јов 38,7Фалете Го, сите ангели Негови, фалете Го, сите војски Негови. 3Фалете Го, сонце и месечино, фалете Го сите ѕвезди и светила. 4#1 Мојс 1,7; 1 Цар 8,27Фалете Го, небеса на небесата и води над небесата. 5Нека го фалат името на Господ, зашто Тој заповеда – и се создадоа; 6#111,8; Ер 31,35-36ги постави засекогаш и за вечни времиња; даде наредби кои нема да се нарушат. 7Фалете Го Господа од Земјата, вие, сите чудовишта и бездни; 8#103,20-21; 147,16огнот и градот, снегот и мразот, и ти, бурен ветру, кој го исполнуваш словото Негово; 9#Ис 44,23; 55,11гори и сите возвишенија, плодородни дрвја и сите кедри, 10#Ис 43,20ѕверови и сиот добиток, влекачи и птици крилати, 11цареви земни и сите народи, кнезови и сите земни судии, 12#Ер 31,13момчиња и девојки, старци и деца – 13#89,17; 108,5; 113,4; Ис 12,4сите нека го фалат името на Господ; зашто е само Неговото име возвишено; Него Го фалат на небото и на Земјата. 14#5 Мојс 7,6; Ефес 2,13Тој ќе ја подигне силата на Својот народ; Тој ги прославува сите Свои светии, синовите Израелови, на народот, кој Му е близок.

Currently Selected:

Псалми 148: MK2006

Highlight

Copy