Mattá 28

Issáay padá zendag bayag

(Markás 16:1–8; Luká 24:1–12; Yuhanná 20:1–10)

1Shabbatay róchá rand, bezán Yakshambehay#28:1 Asligén Yunáni nebeshtánka gwashit: “haptagay awali róchay”. gwarbámá#28:1 Gwarbám, bezán róthekká pésar, róchay dar áyagá pésar. Maryam Magdalini o á dega Maryam kabray cháragá shotant. 2Yakk anágat mazanén zeminchandhé átk, chéá ke Hodáwanday préshtagé cha ásmáná ér átk, kabray sará shot, dhóki léthént o dhókay sará nesht. 3Áiay rang o surat gerókay paymá drapshagá at o god o pósháki barpay dhawlá espét atant. 4Negahpánén sepáhig cha bimmá larzagá laggetant o chó mordagá butant. 5Préshtagá gón janénán gwasht: “Matorsét! Mana zánán shomá Issáay shóházá ét ke salib kasshag butag. 6Á edá naent, anchosh ke wat gwashtagati zendag butag o jáhi jatag. Byáét hamá jágahá bechárét ke ódá ér at. 7Mahtal mabét, berawét o áiay moridán sahig kanét ke á cha mordagán zendag butag o cha shomá pésar Jalilá rawt. Hamódá shomá áiá gendét. Nun man shomárá hál dát.” 8Gorhá janén cha kabray sará tacháná shotant ke moridán é hálá sar bekanant. Janén torsagá atant bale gal atant ham. 9Issá anágat gón janénán dochár kapt o gwashti: “Salám o drót!” Á nazzikká átkant, Issáay pádesh geptant o satá o sanáesh kort. 10Issáyá gón áyán gwasht: “Matorsét! Berawét o mani brátán begwashét ke Jalilá berawét, hamódá shomá maná gendét.”

Dini péshwá o sepáhigáni dróg

11Hamá wahdá ke janén rawagá atant, lahtén negahpánén sepáhig dém pa shahrá shot ke dini péshwáyán é sarjamén hálán bedayant. 12Dini péshwáyán kawmay kamásháni gend o nend o shawr o saláhá rand, sepáhigáná mazanén zarré dát. 13Gón sepáhigán gwashtesh: “Mardomán begwashét ke shapá má wáb butagén, áiay morid átkagant o jónesh dozzetag o bortag. 14Agan wáli é hálá sahig but, má áiá sarpada kanén. Shomá bégam bebét.” 15Sepáhigán zarr zortant o anchosh ke sój dayag butagatant, hamá paymá kortesh. É kessah tán róche maróchi Yahudiáni nyámá sheng o tálán ent.

Jahán o Issáay mestág

(Markás 16:14–18; Luká 24:36–49; Yuhanná 20:19–23; Kásedáni Kár 1:6–8)

16Gorhá yázdahén kásed Jalilay hamá kóhay sará shotant ke Issáyá gwashtagat. 17Wahdé Issáesh dist, satá o sanáesh kort, bale lahtén angat shakk at. 18Issá áyáni kerrá átk o gwashti: “Ásmán o zeminay sajjahén wák o ehtiár maná dayag butag. 19Paméshká, berawét o sajjahén kawmán mani morid bekanét, Pet o Chokk o Pákén Ruhay námá pákshódi bedayét o 20áyán hamá tálimá bedayét ke mani sajjahén parmánáni sará amal bekanant. Deljam bebét, man tán donyáay halásiá modám gón shomá gón án.”

Currently Selected:

Mattá 28: HPKB

Highlight

Copy