Yuhanná 3

Issá o Nikudimus

1Nikudimus námén Parisié ke cha Yahudiáni Sarókáni Diwánay báskán#3:1 Básk, bezán ozw, membar. yakké at, 2yakk shapé Issáay kerrá átk o gón áiá gwashti: “Oo ostád! Má zánén ke taw ostádé ay o cha Hodáay némagá átkagay, chéá ke tán Hodá gón kaséá gón mabit, á é dhawlén mójezah o ajabbatén nesháni pésh dáshta nakant ke taw pésh dáragá ay.” 3Issáyá áiay passawá gwasht: “Tará rásténa gwashán, tán kasé dobar#3:3 Yá: cha borzá, cha ásmáná. pédá mabit, Hodáay bádsháhiá dista nakant.” 4Nikudimusá gwasht: “Chón buta kant ke rostagén mardomé padá cha mátá pédá bebit? Buta kant ke á, mátay lápá berawt o padá pédá bebit?” 5Issáyá passaw dát: “Tará rásténa gwashán, tánke kasé cha áp o Ruhá pédá mabit, Hodáay bádsháhiá pád ér korta nakant. 6Á chizz ke cha jesmá pédá bit, jesm ent o á chizz ke cha Ruhá pédá bit, ruh ent. 7É gappá hayrán mabay wahdé tará gwashán ke pa shomá sajjahénán allami ent ke dobar#3:7 Yá: cha borzá, cha ásmáná. pédá bebét.

8Gwát har jáh ke belóthit, kasshit. Taw áiay tawárá eshkonay bale nazánay cha kojá kayt o kojá rawt. Á kas ke cha Ruhá pédá bit, á ham anchosh ent.”#3:8 Yunáni zobáná “gwát” o “ruh” yakkén gál ent. 9Nikudimusá gwasht: “É chón buta kant?” 10Issáyá gwasht: “Taw wat Esráiliáni ostádé ay, é chizzá nazánay? 11Tará rásténa gwashán, má hamá chizzáni habará kanén ke áyáni bárawá zánén o hamá chizz ke má distagant, hamáyáni sháhediá dayén. Bale shomá may sháhediá namannét. 12Wahdé man zemini chizzáni bárawá habara kanán, shomá báwara nakanét. Agan ásmáni chizzáni bárawá habar bekanán, gorhá che paymá báwara kanét? 13Hechkas ásmáná borzád nashotag, abéd cha#3:13 Abéd cha, bezán gayr cha. hamá kasá ke cha ásmáná ér átkag, bezán Ensánay Chokká. 14Hamá dhawlá ke Mussáyá, gyábáná már cha zeminá chest kort,#3:14 Mussáay zamánagá, gyábáná Esraili kawmá náparmáni kort o bázén máré áyáni sará kapt o mardomesh koshtant. Hodáyá gón Mussáyá gwasht ke brenjén máré dáréay sará dranj. Harkas ke é márá chárit cha marká rakkit. hamé dhawlá Ensánay Chokk lázom chest kanaga bit, 15tánke harkas ke áiay sará imána kárit, abadmánén zenday wáhond bebit.” 16Chéá ke Hodáyá jahánay mardom haminchok dóst dáshtant ke wati yakk o yakdánagén Chokki nadr kort tánke harkas ke Hodáay Chokkay sará imána kárit, gár o zyán mabit o tán abad zendag bemánit. 17Hodáyá wati Chokk pa jahánay mardománi mayárig kanagá jaháná rawán nadát, paméshká rawáni dát ke cha áiay wasilahá jaháná berakkénit.#3:17 Rakkénag, bezán neját dayag, bacchénag. 18Harkas ke Chokkay sará imána kárit, mayáriga nabit, bale harkas ke imána nayárit, cha pésará mayárig ent, chéá ke Hodáay yakdánagén Chokkay námay sará imáni nayáwortag. 19Hodáay dádrasi#3:19 Dádrasi, bezán hakkén paysalah, hamá shawr ke cha dádgáhána kayt, dáwari, ensáp. esh ent: Nur o rozhn jaháná átk, bale rozhnay badalá mardomán taháróki dóst dásht, parchá ke áyáni kár sell atant. 20Chéá ke á mardom ke sellén káráni ráhá zurit, cha rozhnáiá naprata kant o watá cha rozhná dura dárit ke áiay kár o kerd záher mabant. 21Bale á ke rástiay ráhá zurit, dém pa rozhnáiá kayt tánke záher bebit ke áiay kár Hodái butagant.

Issá o Yahyá

22É chizzán o rand, Issá gón wati moridán Yahudiahay métag o kallagán shot o gón áyán hamódá dáshti o pákshódiia dát. 23Yahyá ham Sálemay nazzikká, Aynuná, mardomán pákshódi dayagá at. Ódá áp báz at o mardom pa pákshódiá átkant. 24É wahdán Yahyá angat zendáná bandig kanag nabutagat.

25Pákizagiay sará, Yahyáay morid o yakk Yahudiéay nyámá dapjáké but. 26Gorhá Yahyáay morid Yahyáay kerrá átkant o gwashtesh: “Oo ostád! Hamá mard ke Ordonay kawray á dastá gón taw gón at o taw áiay bárawá gwáhi dát, bechár, á pákshódi dayagá ent o sajjahén mardom hamáiay kerrá rawagá ant.” 27Yahyáyá áyáni passawá gwasht: “Tánke Hodá madant, ensáná heccha narasit. 28Shomá wat sháhed ét, man gwasht ke man Masih naán, bale cha áiá pésar rawán dayag butagán. 29Bánóray hodábond,#3:29 Hodábond, bezán wájah, wáhond, málek, sáheb. sálónk ent. Anchó ke sálónkay dóst óshtátag o sálónkay tawárá eshkont o gal o shádána bit, maná hamé dhawlén kámel o sarréchén shádehié rasetag. 30Á báyad ent démáter bebit o man padáter bebán.”

Á ke cha ásmáná kayt

31Á kas ke cha borzá kayt, cha sajjahénán master ent o á ke cha é hákién donyáyá ent, zemini mardomé o donyái chizzáni bárawá habara kant. Bale á ke cha ásmáná kayt cha sajjahénán master ent. 32Har chizzé ke distag o eshkotagi, áyáni bárawá gwáhia dant, bale kass áiay gwáhiá namannit. 33Harkasá ke mannetag, gwáhii dátag ke Hodá rásti ent.

34Á kas ke cha Hodáay némagá rawán dayag butag, Hodáay habarána kant, chéá ke Hodá wati Ruhá áiárá béhesába bakshit. 35Pet Chokká dósta dárit o sajjahén chizzi hamáiay dastá dátagant. 36Á kas ke Chokkay sará imána kárit, abadmánén zenday wáhonda bit, bale á ke Chokká namannit, zenday wáhonda nabit o Hodáay kahr o gazab áiay sará kapit.

Currently Selected:

Yuhanná 3: HPKB

Highlight

Copy