Pédáesh 32

Ákub Issuay gendokay tayáriá kant

1Nun Ákub rahádag but o ráhá Hodáay préshtag gón áiá dochár kaptant. 2Wahdé Ákubá préshtag distant, gwashti: “É Hodáay lashkaray ordgáh#32:2 Ordgáh hamá jágah ent ke mardom pa kasánén wahdéá gedána bandant o nendant. ent.” Paméshká á jágahay námi Mahanáem#32:2 Mahanáemay máná ent: “Do ordgáh”. kort.

3Cha wat o pésar kásedi Sahiray sardhagárá, Edumay damagá wati brát Issuay kerrá ráh dátant o 4kásedi hokm dátant ke: “Mani wájahén Issuá begwashét ke tai kaster Ákuba gwashit ke tán é wahdi man Lábánay kerrá darámadéay paymá nendók butagán. 5Maná gók o har o pas o golám o móled hast. Nun man é paygám paméshká pa wati wájah Issuá ráh dátag ke taw maná béezzat makanay.”

6Kásedán ke wati sapar jat o padá Ákubay kerrá sar butant, gwashtesh: “Má tai brát Issuay kerrá shotén o nun á wat gón chár sad mardá tai gendoká pédák ent.” 7Ákubá gón mazanén tors o larz o paréshánié wati hamráhén mardom do thóliá bahr kortant, ramag o górom o baggi#32:7 Bagg, bezán oshteray ramag. ham do bahrá kortant. 8Delá gwashti: “Agan Issu byayt o yakk rombéay sará orosh bekant, gorhá domi romb tatka kant.”

9Gorhá Ákubá dwá kort: “Oo mani pet Ebráhémay Hodá! Mani pet Esákay Hodá! Oo hamá Hodáwand ke gón man gwashtet: ‘Molká wati syádáni kerrá wátarr kan ke man tará sabz o ábáda kanán!’ 10Mane Ákub inchok mehr o wapá nakarzán ke taw gón wati hezmatkárá kortag. Wahdé man cha Ordonay kawrá gwazagá atán, maná bas wati asá gón at, bale nun do ordgáhay wáhond án. 11Maná cha mani brátay dastá berakkén. Maná cha Issuá rakkén ke maná cha áiá torsit. Á mayayt o mani o mani chokk o chokkáni mátáni sará orosh makant. 12Bale taw gwashtag: ‘Man allamá tará sabz o ábáda kanán o tai padréchá daryáay rékáni paymá anchó báza kanán ke hesáb nabant.’”

13Ákubá shapá hamódá dásht. Cha wati málán pa wati brát Issuá sawgáté gechéni kort: 14do sad boz o bist páchen, do sad mésh o bist gwarándh, 15si dháchi#32:15 Dháchi, bezán rostagén mádagén oshter. gón herrán,#32:15 Herr, bezán oshteray kasánén chokk. chell mádag#32:15 Mádag, bezán rostagén mádagén gók. o dah káiger,#32:15 Káiger, bezán rostagén narén gók. bist mádyán o dah lág. 16Áiá é, galag galag kort o wati hezmatkáráni dastá dátant o gwashti: “Cha man pésar bét o galagán cha yakdomiá dur dur bedárét.” 17Ákubá awali hezmatkár hokm dát o gwasht: “Mani brát Issu ke gón taw dochára kapit o josta kant: ‘Taw kai mardom ay? Kojá rawagá ay? É mál o dalwat ke tará gón ant, kaig ant?’ 18begwashi: ‘É tai kaster Ákubayg ant. É sawgát ant ke pa mani wájah Issuá ráhi dátagant o Ákubay jend poshtá pédák ent.’”

19Áiá domi o sayomi o á dega sajjahén hezmatkár ke gón galagán rawagá atant, ham anchosh hokm dátant: “Wahdé shomá Issu dist, hamé habarán gón áiá bekanét. 20Allamá begwashét: ‘Tai kaster Ákub may poshtá pédák ent.’” Delá gwashti: “Man é thékián cha wat o pésar ráha dayán o áiay delá narma kanán. Randá ke áiá gendán, balkén mani ezzatá bekant.” 21Gorhá Ákubay sawgát cha áiay jendá pésar shotant o jendi shapá ordgáhá jallet.

Ákubá barkata rasit

22Hamá shapá Ákub pád átk, wati doén jan, doén móled o yázdahén mardénchokki zortant o cha Yabukay kawray shóná#32:22 Shón, bezán kawr yá ápay hamá jágah ke cha ódá mardom gwasta kant. gwast. 23É sajjahéni cha kawrá gwázéntant. Wati sajjahén mál o maddhii ham gwázéntant. 24Ákub éwak but. Yakk mardé átk o tán bámgwáhá gón áiá band merhet.#32:24 Band merhag, bezán koshti kanag, mall merhag, kosti gerag. 25Wahdé band merhagá atant, mardá dist ke Ákubá zérdast korta nakanán, gorhá maguná#32:25 Magun, bezán páday borzi némag, bazgóshtay haddh yá band. moshté jati o Ákubay magun cha boná dar shot.

26Gorhá mardá gón Ákubá gwasht: “Bell nun mana rawán ke bámgwáh ent.” Bale Ákubá gwasht: “Tánke maná barkata nadayay, tará rawagá naylán.” 27Gorhá mardá gwasht: “Tai nám kay ent?” Ákubá passaw dát: “Ákub.” 28Mardá gwasht: “Cha ed o rand taw Ákub gwashaga nabay, tai nám Esráila#32:28 Esráilay máná ent: “Á gón Hodáyá merhit”. bit, chéá ke taw gón Hodáyá o gón mardomán merhetagay o sardast butagay.” 29Gorhá Ákubá gwasht: “Mani dazbandi ent ke wati námá begwash.” Bale áiá gwasht: “Mani námay jostá chéá kanay?” Gorhá hamódá Ákubi barkat dát. 30Paméshká Ákubá á jágahay nám Pani-Él#32:30 Pani-Élay máná ent: “Hodáay chehrag, Hodáay dém”. kort. Gwashti: “Gón Hodáyá dém pa dém bután, bale angat mani ján rakket.” 31Wahdé Ákub cha Pani-Élá gwazagá at, róchá thekk kort. Magunay sawabá Ákub lang janáná shot.

32Páday bonay é zardillek#32:32 Zardillek góshtay hamá labbaray dhawlén drájén rárh ke haddhá gón góshtá bandit. ke dalwatay maguná per ent, paméshká Esráili tán róche maróchigá eshiá nawarant ke á mardá Ákub magunay hamé jágahá moshté jat ke é zardillek ent.

Currently Selected:

Pédáesh 32: HPKB

Highlight

Copy