Piiligu 23

Saara kum yela

1Saara daa n niŋini yuma koowa ni pisiyi ni ayapoin, 2ka kpi Kiriyaf-Aba (Hebiron n na la), a yi Keenan tiŋgbaŋŋu niŋi. Ibrahim daa n kumi o kuuri.

3Kpiiŋu maa daa na doni, ka Ibrahim nyisigi n wa ti togsi n ti Hititi dima, a yeli. 4M niŋini saana yi ya puwa, ya koosi tiŋgbaŋŋu ti ma, o niŋi seela m di n piira m kpiinsi.

5Ba yeli Ibrahim, 6“Ti yidaana, wumi ti saani. E niŋini nivutimsigu yi ti puwa, nyaasi ti piiba ziisaa, seela n peri i e pi u. Ti yindaana zaa ki moŋŋi i, seela e di n pi e kpiima.”

7Niŋi n na, Ibrahim dobi ba tiŋŋa jilimatiri, 8ka yeli ba, “Ka o niŋi ya kiperi maa, ya n ti m pi u seela n peri ma, lala wune ya suusi Zoha bii Efuron ti ma, 9ni o koosi o zovoori n ba Makipela, ka niŋi o tiŋgbaŋŋu torigu la ti ma. Samiso zaa o n zaali ma, m ni yo u ya nufu niŋi, ka nisaaniŋi o loobi m niriba piibu ziya.”

10Efuron gba daa n zinni niriba maa puwa, ka togsira Ibrahim saani, ka niriba maa zaa wumina, a yi tiŋŋa maa voori noori, seela ba n ziira. 11“Akai, m yidaana, wumi m saani, m naa tiŋgbaŋŋu maa ni zovoori maa zaa ti i, m naa n ti i niribaa zaa nufu niŋi, e naa n piira e niriba.”

12Niŋi n na, Ibrahim dobi niriba maa zaa tiŋŋa, 13ka yeli Efuron, a yi niriba maa zaa nufu niŋi, “Ka e yi naa n ti ma, jaande wumi n ti ma, m ni ti i tiŋgbaŋŋu maa ligiri, deeg a, ka m piira m niriba nisaaniŋi.”

14Niŋi n na, Efuron yeli Ibrahim, 15“M yidaana, wumi n saani, tiŋgbaŋŋu maa samini niŋini gbitisi kobsinaasi. Ŋama bi niŋi sen yi ti sunsuuniŋi. A zu, piira e niriba nisaaniŋi.” 16Ibrahim n wumi n ŋa, o zamsi gbitisi kobsinaasi ti Efuron, seema o n yeli niriba maa nufu niŋi la.

17A zu, Ibrahim da Efuron tiŋgbanso n ba Makipela tiŋgbaŋŋu niŋi la, a leeli Mamiri, tiŋgbaŋŋu maa ni zovoori ni tiisi zaa n ba o sunsuuniŋi ni gbarima niŋi zaa. 18A zaa n daa loobi Ibrahim toori, a yi Hititi dima seesi zaa n daa n laŋsi tiŋŋa maa voori noori la nufu niŋi.

19Ŋama nyaaŋa n na, Ibrahim pi o poga Saara zovoori maa n ba tiŋgbaŋŋu maa niŋi, a leeli Mamiri (Hebiron n na la) Keenan paaligu. 20A zu, tiŋgbaŋŋu maa ni zovoori la zaa daa n loobini Ibrahim kapete, a dolli Hititi dima niŋi, o piira o niriba.

Currently Selected:

Piiligu 23: hag

Highlight

Copy