Yoana 13

Kuzinda kua Kisagulo Kiesuluko.

Mat. 26:7-30; Mk. 14:17-26; Lk. 22:14-39.

1Gabezaga kisagulo kiesuluko kia Kalaga takilinga, Yesu amenyine buno, nkungu zage zakutuka ga kisi zika, nu kuenda kulsi, elamine bantu bage ba ga kisi, abelamine aba nu kuzinda.

Yesu Ekogia Bdgisibua Bage ku Magulu.

2Mu nkungu zeidia lia muigolo, Satana abezaga esasila kuengelela engide mu mutima wa Yudasa Isakaliote, muana wa Simona, buno, agabule Yesu. 3Gamenyine Yesu buno, Isi amukasile binsania ku maboko mage, atukile kua Kalaga, nu akasubia kua Kalaga; 4emanukile ku meza, nu eikunguide nsulu zage; nu akatile kibe kia nsulu, nu ekandilekio mu kibunda. 5Nu abikile mazi ga lupepe, nu alingile kogia beigisibua bage ku magulu, nu kubanyonyona, na kibe kia nsulu kiabezaga ikanda nakio. 6A vule ku Simona Petelo. Petelo amubuide bune, Mukota, buni bukunogia ku magulu? 7Yesu amuakuide bune, Ntukumenya bunkukita kano kaluma, tondo ukabumenya. 8Petelo amubuide bune, Ntunanogia ku magulu, Yesu amubuide bune, Ndi nsikukogia, kasi ntuli nanne bumozi. 9Simona Petelo amubuide bune, Mukota, ntunogie ku magulu tugu, tondo nogie ku maboko nu kuitoe. 10Yesu amubuide bune, Wasila koga, aneiyanina koga lingo ku magulu, kubuno mubili unsania wenga, nu inyue muenga tondo ta bansania. 11Kubuno amenyine wozo wamugabule; bubo ukinsa ababulaga bune, Inyue bansania tamuenga.

12Nu gasilile kubogia ku magulu, akatile nsulu zage, ekalile lingo ku meza, ababuzizie bune, Ndi muizi kinamukitila bubo? 13Mukumana, Musozi, nu Mukota: mukutenda busoga, nne nili we. 14Ndi nne nili Mukota nu Musozi, ndi namogia ku magulu, bubo buatunganana nuinyue kogania ku magulu. 15Kubuno namukasa kakano kakengelezio; inyue mukitane anga bunamukitide. 16Lebelebe, lebelebe, nkumubula bune, Mukambi nteli munene ku mukota wage; nu musingua nteli munene ku wamusingaga. 17Ndi muamenya bubuno, nti muli na mbogimbogi ndi mukubukita. 18Nsikumubula inyue bansania: nizi banasombuede, tondo buatunganana buno isanzo lizindilile buno, wozo unkulia nage angabule.#Luimbo 41:9. 19Kano kaluma nkumubula buteba, gabuabe nti mukatizie buno, nne u we. 20Lebelebe, lebelebe, nkumubula bune, Ukasekela unasinga nti ansekela; nu ukansekela nti asekela wansingile.

Yesu Ekubula Wamugabule.

Mat. 26:20-25; Mk. 14:17-21; Lk. 22:21, 22.

21Gatendile Yesu bubo, abeide na kabebe kanene, abuide bune, Lebelebe, lebelebe, nkumbula bune, Umozi wa kumuli angabule. 22Beigisibua balolene, babuzanizie bune, Nazi wakubula? 23Umozi wa ku beigisibua, abezaga egamina ku bukuba bua Yesu, kubuno Yesu abezaga amutunda nunse. 24Simona Petelo amulutile, amubuide bune, Mubuzie nazi wakubula. 25Nu wozo muigisibua wabezaga wegamina ku bukuba bua Yesu, amubuzizie bune, Mukota, nazi wozo? 26Yesu amubuide bune, Wozo unkutobela ntolu, nu kumukasazo, nti owozo. Bubo gasesile ntolu zeidia, azikatile, azikasile Yudasa, muana wa Simona Isakaliote, 27Nu gakatile ntolu zeidia, Satana engide mueli. Yesu amubuide bune, Sasia kukita bukukita. 28Tondo ku babo babezaga ga meza takuli wamenyinine buamubulaga. 29Kubuno Yudasa abezaga neisuku, nu bakengede buno, Yesu amubuide bune, Ukunzisie butukuiyanina ku kisagulo aba bune, Kasa bazambi bimozi. 30Nu gakasilue Yudasa ntolu, endile lubilo; nu buabezaga buse mu kindi.

31Gatukile Yudasa, Yesu atendile bune, Kano kaluma muana wa muntu akuganunua, nu Kalaga aganunue mueli. 32Kalaga nuwe akamuganuna mueli, nu ekusasia kumuganuna. 33Bana bakeke, nili neinyu nkungu nkeke. Mukandonda, tondo anga bunabulile baYuda bune, Tamukavuama kuvua kuko kunkuenda; kano kaluma bubo nuinyue ubunkumubula. 34Nkumukakizia lingo ikakizio lito bune, Tundanazi; anga bunamutundile nuinyue tundanazi. 35Bubo bantu bansania bamenye buno, muli beigisibua bane, ndi muatundana.

Yesu Ekubula Petelo Buno Amutune.

Mat. 26:33-35; Mk. 14:29-31; Lk. 22:33, 34.

36Simona Petelo amubuzizie bune, Mukota, ukuenda kuni?

Yesu akuide bune, Kano kaluma ntunavuama kunyanga kunkuenda; tondo ukanyanga. 37Petelo amubuide bune, Mukota, kubuni nsinavuama kukuyanga kano kaluma? N akukuile. 38Yesu amubuide bune, Ndi wankuile? Lebelebe, lebelebe, nkukubula bune, Gabe mulume wa nkoko ntebika, wantune mambizi masatu.

Currently Selected:

Yoana 13: NTKI57

Highlight

Copy