Matayo 5
5
1AKI’ND’OENE bitukuluku bi’anto, aounda ngongo; ko aki’nd’okit’ase, bakimi bakande baoy’el’ende: 2ko aoumbol’omwa bokande, ko aolalaka, akela.
3Iy’ale boola nd’olimo baokem’ekemo; ele likulaka ja loola lile likiyo.
4Iy’akesela la lokeseli baokem’ekemo; el’iyo bifolombwama lokeseli.
5Ba bongengo baokem’ekemo; el’iyo bifosangola bokili.
6Iy’andoka baoyi ba liongi nzala la mposa baokem’ekemo; el’iyo bifokinda.
7Iy’andok’anto isei baokem’ekemo; ele isei ifokan’el’iyo.
8Iy’ale la betema bia feto baokem’ekemo; el’iyo bifena Nzakomba.
9Iy’andoamanya banto nd’oseka baokem’ekemo; el’iyo bifotangema bana ba Nzakomba.
10Iy’anyokwa nd’eloko ea liongi baokem’ekemo; ele likulaka ja loola lile likiyo. 11Ae banto otang’inyo lotango, ko baonyokol’inyo, ko baofat’inyo bobe bouma nd’eloko ekami, inyo lokem’ekemo. 12Losalangana, ko lokem’ekemo bouke; ele ndako ikinyo il’inene nda loola; ek’iy’onyokolaka bateli baki nda joso likinyo o ngoko.
13Inyo lole bokwa w’okili; lolo nkina bokwa bosila ngenge, boate lenkina ngenge la na? Bofaoonga lenkina, lolo wusame, ko banto bamatel’oko l’akaka. 14Inyo lole fole ea benanga. Bonanga bole nda ngongo bofisameya. 15Ntabaambolak’itswa wae bile nd’ase b’eoko, lolo nd’ilelo ea itswa: ko iongesa el’anto bauma bale nd’ilombe. 16Eleng’eko lokela fole ekinyo engese nda joso j’anto, wete bene beketo’ekinyo bi’olotsi, ko bamemya Ise ekinyo ole nda loola.
17Talokanelake wae njaki ofita bisekyelo ko la baoyi baki bateli otelaka: nciyaki ofita, lolo oieza. 18Nsosolo emi nsangel’inyo, elaka nko loola l’okili baolimana, nko yoi imoko ko nko iandanda imoko imane lima bisekyelo, elaka nko baoyi’auma baoliela. 19Nd’ewela eko, bonto otendola bosise’omo wa besise bene belekola tosisi, ko alak’anto ngoko, ifotangema ondekol’isisi nda likulaka ja loola: lolo bonto okela besise’eko, ko alak’anto beko, end’ifotangema owa lokumo nda likulaka ja loola. 20Emi nsangel’inyo wae nkina liongi likinyo lifolekola liongi ja bakoci b’enkanda la Bafalusi, lofaotswa nda likulaka ja loola nye.
21Inyo lokaki baoyi bak’iy’osiselaka banto baki kalakala, Toomake bonto: ko os’oom’onto ifelama l’umbelo ea likambo. 22Lolo emi nsangel’inyo, wengi’onto ondokela lilongo likande nkele ifelama l’umbelo ea likambo; ko wengi’onto okela lilongo likande, Raka, ifelama l’umbelo nda nteke ea bilimo; ko okela, We Mora, ende ifelama la Ngena ea tsa. 23Nd’ewela eko, nkina olekya nganji#5.23 Mpoji. ekawe nda nkinda ea mbeka, ko w’ofwa wete oata likambo la lilongo likawe, 24cika nganji ekawe nda joso ja nkinda ea mbeka, ko kenda mboka ekawe, nda joso bamana nd’oseka we la lilongo likawe, kela oy’olekya nganji ekawe. 25Acwa we la wini’okawe nda mboka, fonga loamana l’ende boseka nkaola, nyango wini afokotombele juge, ko juge afokolekya ele police, ko ende afokuse nd’ilombe ya njanga. 26Nsosolo nkosangela, ofaola lim’eko, elaka nko olekya baumba’auma, nko centime eciki nye.
27Lokaki joi likelamaki, Tokelake jibi; 28lolo emi nsangel’inyo, wengi’onto oala bomoto te la mposa wae ekele jibi l’ende, aosiza lokela jibi l’ende nd’otema’okande. 29Nkina liso likawe j’elome likokunumweza, tokola liko, ko boka lim’ele we; bolotsi ele we wae elama ekawe emoko efitane, nyango jonge likawe liuma lifusame nda Ngena. 30Ko nkina likata likawe j’elome likokunumweza, tena liko, ko boka lim’ele we; bolotsi ele we wae elama ekawe emoko efitane, nyango jonge likawe liuma lifusame nda Ngena. 31Koko joi likelamaki, Os’oimola waji’okande, kel’ende oka bonkanda wa mbaoma ea liala; 32lolo nsangel’inyo, os’oimola waji’okande, waji ntaata likambo ja jibi, aolokel’ende bomoto owa jibi; koko bonto okola bomoto waji oki bome oimolaka, aokela jibi.
33Lenkina, lokaki joi likelamaki el’anto baki kalakala, Tosimbake nsimbi ea mpafomba; lolo keela Yawe bilaka biki wosimbaka; 34lolo emi nsangel’inyo, Talosimbake nye; talosimbake la loola, ele loko lole ngwende ea Nzakomba; 35talosimbake l’okili, ele boko bole mbata e’akaka bakande; talosimbake la Yelusalema, ele boko bole bonanga wa Bokulaka ow’onene owa roi. 36Koko tosimbake la botsa’okawe, ele we ofokeleya libwo limoko fe nkina yo. 37Kela joi likinyo liyaleme Onde, Onde; Nye, Nye; ko baoyi balekol’ako bale lim’ele Ow’obe.
38Lokaki joi likelamaki, Liso jumana la liso, ko la lino la lino; 39lolo emi nsangel’inyo, Talosukake ow’obe; lolonde nkina bonto akosakola lotaka nda litama likawe j’elome, w’okengoele litama linkina. 40Nga bonto alanga wae akotombe nd’etenelo e’akambo, ko aokolo bonkoto’okawe w’etei, kel’ende akole bonkoto’okawe w’aliko. 41Ko nga bonto akokame wete ocwe l’ende kilomètre emoko, kenda l’ende kilomètres ife. 42Kaya bonto okolomba, ko toututalake bonto olanga asombe lim’ele we nsombi.
43Lokaki joi likelamaki, W’ok’osingitana la we eefe, ko w’ina wini’okawe: 44lolo emi nsangel’inyo, Loka baini’akinyo eefe, loondel’iyo banyokol’inyo; 45wae loyaleme bana ba Ise ekinyo ole nda loola; el’ende akyeya banto b’obe la banto b’olotsi jefa likande, ko ajweya bandeji la bafeji mbula. 46Nkina banto bok’inyo eefe, ko inyo lolok’iyo eefe, ndako ekinyo na? batakanyi ba mpuci bafokele ngoko? 47Ko nkin’inyo luola bioto bikinyo kika, lolekola bant’ankina la na? Bafaya bafokele ngoko? 48Nd’ewela eko inyo loyalema ba liongi ja momo, eleng’ele Ise ekinyo ea loola ale owa liongi ja momo.
Currently Selected:
Matayo 5: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.