Matayo 14
14
1ND’EKEK’EKO vice-gouverneur Elode aoloka lokumo ja Yesu, 2ko aokela basali’akande, One wae Yoane owa Wini, aoetswa lim’ele bawei; nd’ewela eko, belemo bi’ofilo beolenya el’ende. 3Eki Elode okandaka Yoane, aolotungya, ko aoloila nd’ilombe ya njanga nd’ewela ea Elodia waji owa bokune’okande Filipo. 4Eki Yoane okelak’ende, Nga oyale we l’ende nda liala osekola bisekyelo. 5Aki’nd’okelaka wae oome, aangaki banto, ek’iy’otangak’ende boteli. 6Lolo aki mbile ea jofwa j’eotswelo ea Elode oiela, bona owa Elodia ow’omoto aoy’oina boina nda joso likiyo, ko aokya Elode bosalangano. 7Nd’ewela eko, aolocikel’ende elaka la nsasimba ea nsimbi wae ifokaya bolemo nko loswele bo end’ouola. 8Ko aki’nd’olakema la nyango ekande, aokela, Onkay’endo botsa wa Yoane owa Wini nda lokongo. 9Ko bokulaka aoloka lokeseli; lolo aotoma wae bokaya nd’ewela ea nsimbi iki’nde l’iy’akit’ase l’ende nda toma. 10Atomaki wae baten’otsa wa Yoane nd’ilombe ya njanga. 11Baoyela botsa’okande nda lokongo, ko baokaya bomoto; ko ende aoyel’ele nyango ekande. 12Koko bakimi’akae baoya, baolambol’ilaka, ko baokund’iko, ko baocwa osangela Yesu.
13Aki Yesu ookaka, aoliman’eko nda wato, aocwa nd’itenela ya etekeleke la lokuko; ko aki banto ba etukuluku ookaka, bokimaki nda mboka y’okili lim’enanga. 14Yesu aosafwa, ko aolena bitukuluku bi’ant’auke, ko aolaokel’isei, ko aikyaki bant’akiyo baki la nkangi. 15Aki bokolo okite, bakimi baoy’el’ende, bakela, Itenel’ine ile etekeleke, ko jefa joleka; falangany’anto wae bakende nd’enanga osomba toma. 16Lolo Yesu aolakela, El’iyo nko ncina wae bakende, inyo lakaya, bale. 17Iyo baolokela, Iso toat’endo mampa nk’itano ko la nse ife kika. 18Ko aokela, Loyel’endo el’emi. 19Aokela banto ba bitukuluku wae bakit’ase nda bisobe; ko aki’nd’okolaka mampa itano ko la nse ife, aalaki nda loola, aosak’okako, ko aotena, aokaya bakimi mampa, ko bakimi baoka banto ba bitukuluku. 20Ko iy’auma baleki, ko baokinda: ko baolambola wumbo bokociki bioko jom la bife to. 21Ko iy’aleki baki baende nga nkot’itano ko l’amato l’anolu.
22Nkakoyoko Yesu aokama bakimi’akande wae bakondel’a wato, ko bafende wij’a lieke nda joso likande, elaka nko aofalangany’anto ba bitukuluku. 23Aki’nd’ofalanganyaka banto ba bitukuluku, aounda nda ngongo wete aonde la lokuko; aki bokolo okite, aki eko nk’ende kika. 24Lolo wato bokita nd’onkeke wa lieke, ko boteluma la mpombe ya nene nd’ewela eki bompompo osuka wato. 25Ko nd’imung’otso Yesu aoy’el’iyo ayolande nd’aliko b’asi ba lieke njafema. 26Aki bakimi oen’ende ayolande nd’aliko b’asi ba lieke, baolok’ooma, bakela, Oko bokali mo! ko baololomwa l’ooma. 27Nkakoyoko Yesu aotefela l’iyo, akela, Lik’etema; a nk’emi; talokak’ooma. 28Petelo aolokela, Nkolo, nkina we, ondete, kela nje ele we nd’aliko b’asi. 29Akela, Yaka. Aki Petelo okitelaka lima wato, aolanda nd’aliko b’asi wae ay’ele Yesu. 30Lolo aki’nd’oene bompompo wa bolo, aolok’ooma; ko aanga lolinda, ko aobeleza, akela, Nkolo, ombikya. 31Nkakoyoko Yesu aosembola likata likande, aolokita, ko aolokela, Ole l’imeezo nk’isisi, okakaanaki lae? 32Ak’iy’okondel’a wato, bompompo bolambya. 33Iy’aki nda wato, baolomemya, bakela, Nsosolo, ole Bona owa Nzakomba.
34Ak’iy’ofendaka, baokita nd’okili, nda Ngeneseleta. 35Ko aki banto b’itenel’iko oeak’ende, baotoma bikima nd’ese euma endengama l’iyo, ko baoloyela banto bandokaki nkangi bauma; 36ko baoloonda wete bafomwa bompempe wa bonkoto’okande kika: ko iy’afomwaki bauma baoikyama.
Currently Selected:
Matayo 14: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
