Yoane 21

Yesu akabutukira abiga barinda oko ngetsi

1Enyuma yemyatsi eyi Yesu mwayiminyisya kandi oko biga oko ngetsi ya Teberia; mwayiminyisya momusindo oyu. 2Habya haguma Simoni Petero, na Toma oyo kahulawa mo Muhasa, na Natanaele weKana keGalilaya, na bagala baZebedayo, nabandi biga babiri. 3Simoni Petero mwabwi rabo, ati, Ingye ngayasoha mahere. Nabo mobamubwira, bati, Netu tukagenda nawe. Mobahuluka, mobingira omo bwato; nomo kiro ekyo mobatahambaki. 4Nikwa omugulu bwasonda ikya, Yesu mwahangana oko musike wengetsi: nikwa abiga mobataminyi kwari Yesu. 5Neryo Yesu mwabulyabo ati, Bana, munawite ekerirya kwehi? Mobamusubirya bati, Eyihi. 6Naye mwabuga nabo, ati, Muguse obutahataha oko luhande lwamali lwobwato, mukandibanago. Neryo mobagusabo, neryo-neryo mobataluka okwikurabo busana namahere mangi. 7Neryo omwiga oyo Yesu abya anzire mwabwira Petero, ati, Ka yo Mukama. Neryo omugulu Simoni Petero owa kwari iyo Mukama, mwambala olukimba luwe (kusangwa abya isyambite), mwayigusa omo ngetsi. 8Nikwa abandi biga mobasa omo bwato buke ibanemokura obutahataha ibuno swire na mahere, kusangwa sibabya hali oko musike, nikwa nga metere makumi mwenda nibiri. 9Neryo bamabilwamo erihika oko musike, mobalola oko muliro wamakala aho namahere inianeko, no bundu. 10Yesu mwabwirabo, ati, Mulete oko mahere ayo mukabisoha. 11Simoni Petero mwayayo mwakurira obutaha taha oko musike ibuno swire namahere manenemanene, erigana namakumi atano nasatu: nomwanabya mangi obutahataha mobutatwika. 12Yesu mwabuga nabo, ati, Mwase, murye. Mohatabya nomuguma woko biga oyo walenga erimubulya, ati, Uwendi, ibanasi kwabya iyo Mukama. 13Neryo Yesu mwasa, mwimya obundu, mwahabo, kandi mwayira atya namahere. 14Eyi ni ngendo ya kasatu Yesu akayiminyikalya oko biga, iniabirilubuka oko baholi.

Yesu na Petero

15Neryo omugulu bamabirya, Yesu mwabulya Simoni Petero, ati, Simoni, mugala waYoane, unyanzire kwilaba aba kwehi? Naye mwabuga, ati, Ega Mukama; unasi ko nyi kwanzire. Neryo mwamubwira ati, Ulisaye ebyana byesyo mbuli syage. 16Mwaswamubulya engendo ya kabiri, ati, Simoni, mugala waYoane, unyanzire kwehi? Naye mwabuga naye, ati, Ega, Mukama, unasi ko nyikwanzire. Naye mwabuga naye, ati, Tegaya esyombuli syage. 17Mwabuga naye engendo yakasatu, ati, Simoni, mugala waYoane, unanyanzire kwehi? Petero mwabya nobulige kusangwa amamubulya engendo isatu, ati, Unanyanzire kwehi? Neryo mwamubwira ati, Mukama, unasi emyatsi yosi; unasi ko nyikwanzire. Yesu mwabuga naye, ati, Ulisaye esyombuli syage. 18Kundu, kundu, ngakubwira, nyiti, OMugulu wabya mulwana, mowayambalya, ukaya ehosi wanzire: nikwa omugulu wasyabya mukulu, wasyakakya ama boko wawe, nogundi asyakwambalya, asyakutwala aho utanzire. 19Nikwa abuga eki, iniakahula omusindo woluholo olo asya pipa Mungu mulo. Neryo amabibuga atya, mwamubwira ati, Unyikwame. 20Petero anemokeba, mwalangire omwiga oyo Yesu abya anzire, inianakwamirebo; oyo wabya akegemere oko kikuba kyaYesu okwirya ryerigologolo, mwamubulya, ati, Mukama, ni ndi yukakuhotela? 21Neryo Petero abere abimu lolako mwabwira Yesu, ati, Mukama, omundu oyu asyayirati kwehi? 22Yesu mwabuga naye, ati, Namanza akasigalira erihika aho nasyasira, ekyo niki ukuwe kwehi? unyikwame. 23Neryo eKinywa eki mokyagenda-genda omukati-kati ka bagala betu kiti omwiga oyo siendisyahola: nikwa Yesu mwatabuga naye, ati, siendisyahola; nikwa mwamubwira ati, Namanza akasigalira erihika aho nasyasira, ekyo niki ukuwe kwehi?

24Oyo yo mwiga oyo watula emyatsi eyi kandi yo wasaka emyatsi eyi: netu twasi eritulago riwe ni kwenene. 25Neyindi myatsi mingi ine eyo Yesu akola, yamasakwa eyosi ngaganiraya nyiti e kihugo sikyangabana omwanya webitabu ebyangasakwa ebyosi.

Currently Selected:

Yoane 21: NTN62

Highlight

Copy