Yoane 19

1Nkwaho Pilato aotamba Yesu, ko amofoma lofomi. 2Ko soldats baoloha likuka y’eenge, ko baokoiya liho en’ote’onande, ko bamolotsa bokoto bona pourpre, 3ko baoya eneyal’ende, iy’ate, Mbote, Lifoka lina Ba-Yuda! ko bamofoma nsoola. 4Nkwaho Pilato aofola lakina, ko amasumola, ate, Lenda, lomofodya eneyal’ino, lacin’eho ino beye, emi mpene ncina ena likambo eneyal’ende. 5Koko Yesu aofola, kum’ayalote likuka lina beenge en’ote, la bokoto bona pourpre. Ko Pilato aila, ate, Boto’oho, end’one. 6Eneki nkanga ina toome la police oenak’ende, baololua, Mbo oyake en’ekulusu I oyake en’ekulusu! Pilato amasumola, ate, Inoamene botambe, ko boyake en’ekulusu: emamene mpene ncina ena likambo eneyal’ende. 7Ba-Yuda bamokutwela, iy’ate, Iso toyali la boeka boniso, koko la boeka boho ende akoli lacina awu, lacin’oka amoyoil’endamene Bon’ona Yakomba. 8Eneki Pilato ookaka yoi liho, aanga nko bike mene; 9ko aotua lakina en’otumba bona pretoire, ko aut’oufola Yesu, ate, Enay’e meya? Koko Yesu atokutwela nko le yoi. 10Lacin’eho, Pilato amosumola, ate, Ofankutwela nde? Ofey’oka nde nde la lifoka lacina nkotungole, ko njali la lifoka lacina nkoyake en’ekulusu? 11Yesu aamba, ate, Yombo lifoka liho litakofama ena liko, tumbe otaata lifoka eneyal’emi tu. Lacin’eho, onondekyaki eneyal’e ayali l’owe bonoleki. 12En’esik’eho Pilato aofon’etelo oyotungola; koko Ba-Yuda baololomwa, iy’ate, Nk’otungola boto’one ofayali efili ena Kaisala: boto l’oto onoyoil’endamene lifoka lina roi ayali yoka onoatana la Kaisala. 13Eneki Pilato ookaka yoi liho, aoya la Ye u en’anza, ko aokisase en’ieko ina bakambo en’edye enetangama Le Pavé, koko ena lofoso lona Ba-Ebele nko Ngabata. 14Bin’oho boyaaki nko bina bona nkodya en’elambedya en’Etelo, ko yefa liyaaki yoka esike ena midi. Ko aosumola Ba-Yuda, ate, Lenda Lifoka linino! 15Nkwaho baololomwa, Mbo oumole! oumole! oyake en’ekulusu! Pilato aila, Mbo njakake Lifoka linino en’ekulusu? Nkanga ina toome baamba, Mbo iso tofana lifoka limoi, umola nko Kaisala. 16Nkwaho amolekya eneyali iyo lacina ayakame en’ekulusu.

Koko baotamba Yesu, ko bamotola. 17Ko aofola kuma ayatole ekulusu enandamene, aocoa en’edye enetangama Edye ena Lalika, ena lofoso lona Ba-Ebele nko Ngolongota. 18Ko bamoaka meho en’ekulusu, l’ende l’akin’afe ena bikulusu, omoi en’ili’one, okina en’ili’onyi, ko Yesu ena ntoto. 19Koko Pilato aotenga etangelo, ko ail’eho en’ekulusu; ko etangelo eho eyaaki yok’one: yesu ona nazaleta, lifoka lina ba-yuda. 20Bike bona Ba-Yuda baanda etangelo ene, lacin’oka edye eneki Yesu oyakamaka en’ekulusu eyaaki ena mbolimboli l’onyanga, ko etangelo eotengama ena lofoso lona Ba-Ebele, ko la lofoso lona Ba-Elene, ko la lofoso lona Ba-Loma. 21Lacin’eho, nkanga ina toome ina Ba-Yuda baosumola Pilato, Mbo tatengake Lifoka lina Ba-Yuda, tenga nko, Ende ailaki ate Emi njali Lifoka lina Ba-Yuda. 22Pilato aamba, ate, Yoi linaliki’m’otengaka, motenga nko liho.

23Eneki soldats oakaka Yesu en’ekulusu, baotamba bisenda binande, ko baokafa biho yoka baondo banei, soldat la soldat liondo limoko; ko baotamba bokoto nkoho, ko boho botaata lisambo, bofomamaki l’ena liko l’en’ase nk’esenda emoko botutuma. 24Lacin’eho, baotendana, iy’ate, Tofakambole boho; tofusake lobese, tombononganya boto onongotamba boho; nko lacina Etengelo ena Yakomba eilame, ate,

Baokafa bisenda binami eneyal’iyoamene,

Ko baofusa lobese lacin’ena bokoto’onami.

Soldats baokamba nko baoyi’aho. 25Koko nyango ena Yesu, l’akune’ona nyango, Malia booli’ona Kelopa, la Malia Mangandala baemala meho mbolimboli l’ekulusu ena Yesu. 26Koko eneki Yesu oenaka nyango enande l’okili onoki’nd’ookaka nganji baemala meho, aosumola nyango enande, ate, Boyoto, lenda, bon’one! 27Koko lakina aosumola bokili’oho, ate, Lenda, bo yango’one. Nkwaho bokili’oho amotola en’ol’onandamene.

28Ena mbusa ena yoi liho, eneki Yesu oeyak’oka baoyi bahatu bamosila yilama, lacina Etengelo ena Yakomba eilame, aila, ate, Lokamposa en’asi. 29Mpoke eyaaki meho, eolola la vinaigre to; baotuta wusuwusu ena vinaigre, ko baongya boho en’okombi, ko baotola boho en’onyu’onande. 30Koko eneki Yesu otambaka vinaigre, aila, ate, Yoi limosila! Ko aosunya bote’onande, ko aolisa bolimo’onande.

31Bin’oho boyaaki bina bona nkodya ena Sabata (ko Sabata eho eyaaki Sabata ena nkolo mene), ko Ba-Yuda batalang’oka beduo becikale ena bikulusu en’ina bona Sabata; lacin’eho, baonda Pilato lacina bamunya bekolo, ko baumole beduo. 32Yok’oho, soldats baoya, ko baomunya bekolo bena boto’on’oso, ko la bekolo benande on’afe onakamaki en’ekulusu l’ende; 33koko enek’iy’oyelaka eneyali Yesu, ko baen’oka amosila liwa, batamunya bekolo benande; 34ohonde omoi ona soldats amooka ena lofanji lonande la likonga, ko isasanga bakila la basi baofola. 35Ko ende onenaki amoyalama temoin, ko yoi linande liyali nko solosolo; ko ende aey’oka ayatende solosolo, lacin’eho ino bimedya nkoho. 36Lacina baoyi’ane baokambama lacin’eho Etengelo ena Yakomba ailame, ate, Efana nko la buha bonande bonongomunya. 37Ko lakina Etengelo emoi ena Yakomba eila, ate, Bangolend’ende onok’iy’ookaka mpota.

38Ena mbusa en’aoyi’ane, Yosefa ona Alimataya, onoyaaki bokili’ona Yesu, ohonde nko la njofisa, lacin’eneki’nd’oangaka Ba-Yuda, aolomba Pilato etelo oyumola boduo bona Yesu; ko Pilato amof’etelo. Lacin’eho, aoya, ko aumola boduo bona Yesu. 39Koko Nikodemo, ende onoyaki eneyali Yesu en’oso nko l’oco, ende aoya nkoho, aoya l’enganga beka mula la toumba nsanganya, yoka kilos ntuk’inei l’itano. 40Ko baotamba boduo bona Yesu, baofuta boho la bisenda bina mbenza ko la toumba, yoka bosamb’onila Ba-Yuda lacin’en’ekunjelo en’ato. 41Koko lisala Jiyaaki en’okala bonoki’nd’oakamaka en’ekulusu; ko nketa ena ntoto eyaaki ena lisala liho, nketa enetaambyam’oto; 42baambya Yesu meho, lacin’ena bina bona nkodya en’elambedya ena Ba-Yuda, ko lacin’oka nketa eho eyaaki mbolimboli.

Currently Selected:

Yoane 19: BBY62

Highlight

Copy