Mateus 28
28
Jesus maiwaxinabu bestẽkainikiaki, na hãtxarã
(Mc 16.1-8; Lc 24.1-12; Jo 20.1-10)
1Hanua ma sábado huĩrukũti binukainaya penai taeaya domingotiã Maria Madalena inũ Maria betsa maiwaxinabu anu bushũ 2uĩaĩbũ mai patxa sakuaya habiatiãri Deusũ nai tsuma maiwati tãpe anu butushũ mixkiwẽ bepuxinabu bepẽtã hamamaki tsauwa 3hawẽ yura kana bakai keska txashai hawẽ tari hushupahaira hushu pũte pũte ikai 4soldadobũ uĩ datei saki saki iki tĩ ika mawa keska tsistibaĩbaina maniabũ 5hanushũ nai tsumã aĩbu dabe beabu yuikĩ:
—Jesus mastaxinabu mã benai hua ẽ unaiĩ. Dateyamakãwẽ. 6Haska bebũkiri matu yuixina keskai ma bestẽkainaki. Ana nenumaki. Hanu datãxinabu hikishũ uĩ 7bekãwẽ. Uĩbaini bushũ hawaira na hãtxa hawẽ tsumabuki txanikĩ: “Jesus mawaxinarã, ma bestẽkainaki. Matu bebũkiri Galiléia anu kashuĩkiki. Haria matube ana itxai benai kaikiki. Hari bushũ uĩritãkãwẽ”, akĩ hawẽ tsumabu hatu yuiritãkãwẽ. Haska bestiki, hãtxa ẽ matu beshuãnã— hatu wa
Aĩbu dabeki Jesus nukui taenikiaki, na hãtxarã
8aĩbu dabe maiwati tãpe anua uĩtã datei tashnibaini benimatxakayamai kuxibaini hawẽ tsumabu yui buaibũ 9Jesus hatuki nukui hatu betxãkametã hatu hãtxa wa aĩbu dabe haki nukushũ Jesus kẽwaĩ dãti ishũ hawẽ tae hutsũrabeabu 10Jesusũ hatu yuikĩ:
—Dateyamakãwẽ. Ẽ betsabu hau Galiléia anu bunũbũ ea hatu yuishũritãkãwẽ. Harishũ habũri ea uĩ bukanikiki— hatu wa
Shanẽ ibubũ hamakiri txaniti soldadobu hatu yununibukiaki, na hãtxarã
11aĩbu dabe buaibũ Jesus maiwaxinabu soldadobũ kesheabu hatiri Jerusalém anu bushũ haska uĩkãshu Deusbe nukunabu hãtxashunika shanẽ ibubuki txaniaibũ 12hanua habu shanẽ ibu betsabube hãtxai bua haska wakĩ yurã kaiã parãtirubu yubakatã soldadobu pei mirima inãkĩ 13hatu yuikĩ:
—Hari mã hatu yuikubaĩtanũ matu yuinũ nĩkakãwẽ: “Mexu merã nũ ushakẽ hawẽ tsumabu beshũ hawẽ yura yumetsubainabuki”, 14mã ikaya Pilatõs haska nĩkatã hau matu kupiyamashanũ nuku nũ habe hãtxakĩ nũ matu yui pewashũshanaii— hatu wa
15hanushũ soldadobũ pei bitã haska hatu yuishukiri habu txaniakeakenibu na habiatiãri judeubũ habiaskari hatu yuikubaĩmisbuki.
Hawẽ daya Jesusũ hatu yununikiaki, na hãtxarã
(Mc 16.14-18; Lc 24.36-49; Jo 20.19-23)
16Hanua nũ hawẽ 11 tsumabu Galiléia anu mati betsa anu haska Jesusũ nuku yunuxina anu kashũ 17Jesus betxitã ikũwaĩ ha bebũ dãti itã kẽwaĩbũ hatiritũ xinã txãkãma kẽwãma huĩti kuxikĩ kẽwãbumakẽ 18Jesus nukuki kematã nuku hãtxa wakĩ yuikĩ:
—Hawẽ kuxipa ea inãkĩ hawara nai anua inũ hawara mai anua mekekĩ ẽ yunukubaĩshanũ Ẽ Epã ea Shanẽ Ibu waniki. 19Haskawẽ taeshũ matu yununũ nĩkakãwẽ. Kakũkaũkĩ dasibi ẽ matu yusĩmis nawa betsa betsapa shukuabu tibi yusĩriakĩ ẽ tsumabu ea hatu washũkubaĩshãkãwẽ. Hanushũ ea ikũwãkĩ hawenabu hau hatu unãti wamanũbũ Epa Deus inũ ea hawẽ bake inũ hawẽ Yushĩ Pepa kena dayuikĩ hatu naximakubaĩshãkãwẽ. 20Hatu haska wakĩ haska ẽ matu yusĩmis hau habũri txibanũbũ dasibi hatu yusĩakeakeshãkãwẽ. Mã hatu haska waya earã, hanu na mai hirabi anu bari keyuriamatiã dasibi mã ea ikũwaĩbube dasitã bari tibi ẽ matu merabewapakeshanaii— nuku waniki.
Hatiski, nukũ Shanẽ Ibukiri ẽ hãtxa ikũnã.
Mateu
Currently Selected:
Mateus 28: cbsBR
Highlight
Share
Copy
Want to have your highlights saved across all your devices? Sign up or sign in
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.
