Gênesis 36

Esaú bababu shukua tibi tanakubainibukiaki, na hãtxarã

1Esaú, hawẽ kena betsa Edom, inũ hawẽ bakebu inũ, hawẽ bababu hiwea eskanibukiaki. 2Canaã anua Esaú aĩbu dabe inũ besti aĩwãkinã, ha dukũ Heteu nawa Elomnẽ aĩbu bake Ada inũ Heveu nawa Zibeão baba ha aĩbu bake Anã bake Oolibama bitã 3hanushũ hawenabu Ismaelĩ huni bake Nebaiote pui Basemate birianikiaki. 4Hanushũ Adáki Esaú bakewarã, Elifaz kainikiaki. Hanushũ Esaú hawẽ aĩ betsa Basemateki bakewa Reuel kainikiaki. 5Hanua ana hawẽ aĩ betsa Oolibamaki bakewa huni bakebu biarã, Jeús inũ, Jalão inũ, Corá inibukiaki. Na hati Esaú huni bakeburã, maewã Canaã anu hiweshũ hatu bawa hanua kainibukiaki.

6-7Haska hiwea shinã betsatã hawẽ aĩ dabe inũ besti inũ, hawẽ 7 huni bake inũ, hawẽ aĩbu bake tanama inũ, hawẽ dayaru escravo inũ, hawẽ inabu inũ, hawẽ mabu dasibiya Canaã anua Esaú hawẽ betsa Jacó dapashkabainikiaki. Jacó enabu inũ, hawẽ tsumabu inũ, hawẽ inabu mirimakẽ Esaúna habiaskarikẽ habetã hania hatũ inabu hatu pimatima ana habe hiwekatsi ikama uĩtã meribi hiwetanũ itã haska Canaã anua dasibi betsa betsapa bishiã haya maei kanikiaki, hawẽ betsa Jacó henebainirã.

8Hanua sulkiri kai Esaú, hawẽ kena betsa Edom mati matipa anu Seir anu hiwei kanikiaki. 9Haskabaini haria Esaú bakebũ bakewa panibukiaki, Edom nawabuirã, mati matipa Seir anu hiwekubainirã. 10Esaú huni bakebũ kenarã, hawẽ aĩ Adã huni bakerã, Elifaz inikiaki. Basematẽ huni bakerã, Reuel inikiaki. 11Hanushũ Esaú bakebũ babaya warã, Elifazĩ huni bakeburã, Temã inũ, Omar inũ, Zefô inũ, Gaetã inũ, Quenaz hatu bawanikiaki. 12Hanuari Elifaz hanubi hawẽ escrava aĩ Timnaki bakewarã, huni bake Amaleque kainikiaki. Ha habũ bababurã, Esaú aĩ Ada anua inibukiaki. 13Hanua Esaú huni bake Reuelĩ bakewa Naate inũ, Zerá inũ, Samá inũ, Mizá hati Basematẽ hawẽ huni bababu inibukiaki. 14Zibeão baba ha aĩbu bake Anã bake Oolibama bitã Esaú haki huni bakebu hatu bawa Jeús inũ, Jalão inũ, Corá inibukiaki.

15-16Esaú aĩ Adã huni bake iyua Elifazĩ huni bake bawarã, hati Edom anu shanẽ ibu tibi inibukiaki, Temã inũ, Omar inũ, Zefô inũ, Quenaz inũ, Corá inũ, Gaetã inũ, Amalequerã, hati Adã huni bababu inibukiaki. 17Esaú aĩ betsa Basematẽ huni bake Reuelĩ huni bakeburã, hati Edom anu shanẽ ibu irianibukiaki, Naate inũ, Zerá inũ, Samá inũ Mizárã. 18Anã aĩbu bakerã, Oolibama Esaú aĩ betsa hawẽ huni bakerã, hati Edom mai pakea anu shanẽ ibu inibukiaki, Jeús inũ, Jalão inũ, Corérã. 19Ha aĩbu tibiki Esaú, hawẽ kena betsa Edom hatu huni bake bawa hati hawẽ huni bakebu inũ hatũ bababu Edom anu shanẽ ibubu inibukiaki, hatunabu hiwemairã.

20Hanua Horeu nawa Seir habianuri hatube nashui ika hiweatũ huni bakeburã, Lotã inũ, Sobal inũ, Zibeão inũ, Aná inũ, 21Disom inũ, Eser inũ, Disã hatiburã, Edom mai pakea anu haburi shanẽ ibui hiwenibukiaki. 22Seirĩ huni bake Lotãnẽ huni bakeburã, hati inibukiaki, Hori inũ Homãnã. Lotãnẽ puirã, Timna inikiaki. 23Hanua Seirĩ huni bake betsa Sobalĩ huni bakeburã, hati inibukiaki, Alvã inũ, Manaate inũ, Ebal inũ, Sefô inũ, Onãnã. 24Hanua Seirĩ huni bake betsa Zibeão huni bakeburã, Aiá inũ Aná inibukiaki. Ha Anárã, hanu tsua hiweama anu kashũ hawẽ epã jumento mekeshũ pimashũkĩ ũpash txatxa betsa betsapa habamis betxitanikiaki. 25Ha Aná huni bake betsã kenarã, Disom inũ hawẽ aĩbu bakẽ kenarã, Oolibama inikiaki. 26Hanua Disomnẽ huni bakeburã, Hendã inũ, Esbã inũ, Itrã inũ, Querã inibukiaki. 27Seirĩ huni bake betsa Eserĩ huni bakeburã, Bilã, inũ, Zaavã inũ, Acã inibukiaki. 28Seir hawẽ henea huni bake Disãnẽ huni bakeburã, Uz inũ Arã inibukiaki.

29Hanua Seir mai pakea anu Horeu nawa shanẽ ibu tibirã, hati inibukiaki, Lotã inũ, Sobal inũ, Zibeão inũ, Aná inũ, 30Disom inũ, Eser inũ Disã hawẽ betsabube hiwei shanẽ ibuirã.

31Habu dukũ Israelbu shanẽ iburiabumakẽ ha nawabu shanẽ ibukĩ dasibibu yunukĩ taewanibukiaki, Edom mai pakea hirabi anurã. 32Beorĩ huni bake Belá Edom mai pakea hirabi shanẽ ibu inikiaki, hawẽ mae Dinabá anushũ hatu yunukubainirã. 33Belá mawakẽ Zerã huni bake Jobabe shanẽ ibunikiaki, hawẽ mae Bozra anushũ hatu yunukubainirã. 34Hanua Jobabe mawakẽ mai pakea Tema anua habianuri Husão shanẽ ibu inikiaki dasibibu yunuirã. 35Hanua Husão mawakẽ Bedade huni bake Hadade hawẽ shãtukũ shanẽ ibuaya Midiãnẽ detenamenikabu Moabe mae anu beaibube detenamekĩ hawenabubetã hatu maemanikiaki, hawẽ mae Avite anushũ hatu yunukubainirã. 36Hanua Hadade mawakẽ hawẽ shanẽ anu shanẽ ibui Samlá inikiaki, hawẽ mae Masreca anuarã. 37Hanua Samlá mawakẽ hawẽ shãtukũ shanẽ ibui Saul inikiaki, hawẽ mae Reobote, hene kesha hiwearã. 38Hanua Saul mawakẽ hawẽ shãtukũ Acborĩ huni bake Baal-Hanã shanẽ ibunikiaki. 39Hanua Acoborĩ bakeĩ Baal-Hanã mawakẽ hawẽ shãtukũ Hadade shanẽ ibunikiaki, hawẽ mae kenarã Paú anuarã. Hadarĩ ainã hawẽ kena Meetabel inikiaki. Hawẽ epa Matrede inũ hawẽ hutxi Me-Zaabe inikiaki.

40-43Ha yurabu tibi Esaú enabu, hawẽ kena betsa Edomnã, pai eskanibukiaki, shukuabu tibi inũ mae tibi inũ kena tibirã. Hatũ kena tibirã, Timnã enabu inũ, Alva enabu inũ, Jetete enabu inũ, Oolibama enabu inũ, Elá enabu inũ, Pinom enabu inũ, Quenaz enabu inũ, Temã enabu inũ, Mibzar enabu inũ, Magdiel enabu inũ, Irã enaburã, hati inibukiaki, Edom bababu shukua tibirã.

Currently Selected:

Gênesis 36: cbsBR

Highlight

Copy