भजनसंग्रह 2
2
परमप्रभुले अभिषेक गर्नुभएको राजा
1जाति-जातिहरू किन षड्यन्त्र रच्छन्, #प्रे ४:२५-२६
र मानिसहरू किन व्यर्थका जाल रच्छन्?
2परमप्रभु र उहाँका अभिषिक्त जनको विरुद्धमा पृथ्वीका राजाहरू खड़ा हुन्छन्,
र शासकहरू आपसमा सल्लाह गर्छन्।
3तिनीहरू भन्छन्, “हामी उनीहरूका साङ्लाहरू छिनालौं,”
“र उनीहरूका बन्धनहरू फुकाऔं।”
4स्वर्गमा विराजमान हुनुहुनेचाहिँ हाँस्नुहुन्छ, परमप्रभुले तिनीहरूको उपहास गर्नुहुन्छ।
5तब आफ्नो क्रोधमा उहाँले तिनीहरूलाई हप्काउनुहुनेछ,
र आफ्नो बल्दो कोपमा तिनीहरूलाई यसो भन्दै त्रस्त पार्नुहुनेछ:
6“मैले आफ्नो पवित्र पर्वत सियोनमा मेरो आफ्नो राजालाई नियुक्त गरेको छु।”
7परमप्रभुको यो आदेश म घोषणा गर्नेछु,#प्रे १३:३३; हिब १:५; ५:५ उहाँले मलाई भन्नुभयो, ‘तिमी मेरा पुत्र हौ, आज मैले तिमीलाई जन्माएको छु।’
8मसँग माग, र म जातिहरूलाई तिम्रो उत्तराधिकार तुल्याइदिनेछु,
र समस्त पृथ्वी तिम्रो निजी सम्पत्ति तुल्याइदिनेछु।
9फलामको राजदण्डले तिमीले तिनीहरूमाथि शासन गर्नेछौ,#प्रका २:२६-२७; १२:५; १९:१५
र कुमालेको भाँड़ालाई झैँ तिमीले तिनीहरूलाई चकनाचूर पार्नेछौ।
10यसकारण हे राजा हो, बुद्धिमान् होओ, पृथ्वीका शासक हो, सावधान!
11भय मानेर परमप्रभुको सेवा गर,
र कम्पनसाथ आनन्द मनाओ।
12पुत्रलाई चुम्बन गर, नत्रता उहाँ रिसाउनुहुनेछ, र तिमीहरू बाटैमा नष्ट हुनेछौ, किनभने उहाँको कोप चाँड़ै दन्कन्छ। ती सबै धन्य हुन्, जो उहाँको शरण पर्दछन्।
Currently Selected:
भजनसंग्रह 2: NNRV
Highlight
Share
Copy
Want to have your highlights saved across all your devices? Sign up or sign in
Nepali New Revised Version © Nepal Bible Society 1997, 2006, 2009, 2012
