२ राजाहरू 14
14
यहूदाका राजा अमस्याह
1इस्राएलका राजा यहोआहाजका छोरा येहोआशको दोस्रो वर्षमा यहूदाका राजा योआशका छोरा अमस्याहले राज्य गर्न लागे। 2जब तिनी राजा भए तब तिनी पच्चीस वर्षका थिए, र तिनले यरूशलेममा उनन्तीस वर्ष राज्य गरे। तिनकी आमाको नाउँ यहोअदीन थियो। तिनी यरूशलेमकी थिइन्। #२ इति २५:१-४ 3तिनले परमप्रभुको दृष्टिमा जे कुरा असल थियो त्यही गरे, तर तिनका पुर्खा दाऊदले गरेजस्तै त होइन। सबै कुरामा तिनले आफ्ना पिता योआशले गरेझैँ गरे। 4तापनि डाँड़ाका अल्गा-अल्गा थानहरू तिनले हटाएनन्। मानिसहरूले त्यहाँ बलिदान चढ़ाउने र धूप बाल्ने गरे।
5तिनको हातमा राज्य सुदृढ़ भएपछि तिनले आफ्ना ती अधिकारीहरूलाई मारे जसले तिनका पिता राजाको हत्या गरेका थिए। 6तापनि मोशाका व्यवस्थाको पुस्तकमा लेखिएअनुसार यसो भन्ने परमप्रभुको आज्ञालाई पालन गरेर तिनले हत्याराका छोराहरूलाई मारेनन्: “बुबाहरूलाई छोराछोरीहरूका निम्ति र छोराछोरीहरूलाई बुबाहरूका निम्ति नमार्नू। हरेक मानिस आफ्नै अपराधहरूका निम्ति मरोस्।” #व्य २४:१६
7नूनको उपत्यकामा दश हजार एदोमीहरूलाई हराउने र लड़ाइँमा सेलालाई लिएर त्यसको नाउँ योक्तेल राख्ने तिनी नै थिए। त्यसको नाउँ आजको दिनसम्म त्यही हो। #२ इति २५:५-१६
8त्यसपछि अमस्याहले इस्राएलका राजा येहूका नाति, यहोआहाजका छोरा येहोआशलाई यसो भनेर युद्धको चुनौती दिए, “आऊ, मसँग आमनेसामने लड़।” #२ इति २५:१७-२४
9तर इस्राएलका राजा येहोआशले यहूदाका राजा अमस्याहलाई यस्तो जवाफ पठाए, “लेबनानको एउटा सिउँड़ीले लेबनानकै एउटा देवदारुलाई यसो भनेर समाचार पठायो, ‘तिम्री छोरी मेरो छोरासित विवाह गरिदेऊ’। तब लेबनानको एउटा वन-पशु त्यसबाट भएर आयो, र त्यस सिउँड़ीलाई कुल्चिदियो। 10तिमीले साँच्चै एदोमलाई जित्यौ, र अहिले तिम्रो शेखी बढ़ेको छ। तिम्रो विजयमा गर्व गर, तर आफ्नै घरमा बस! आफ्नै र यहूदाको पनि पतनको निम्ति किन समस्या निम्त्याउछौं?”
11तरै पनि अमस्याहले यस कुरामा ध्यानै दिएनन्। यसैले इस्राएलका राजा येहोआशले आक्रमण गरे, र तिनी र यहूदाका राजा अमस्याहले यहूदाको बेथ-शेमेशमा एक-अर्काको सामना गरे। 12यहूदा इस्राएलद्वारा पराजित भए, र हरेक मानिस आ-आफ्नो घरमा भाग्यो। 13इस्राएलका राजा येहोआशले अहज्याहका नाति, योआशका छोरा यहूदाका राजा अमस्याहलाई बेथ-शेमेशमा पक्रे। त्यसपछि येहोआश यरूशलेममा गए, र एफ्राइमको ढोकादेखि कुने ढोकासम्म प्राय: दुई सय मिटर लामो सहरका पर्खालको एक भाग भत्काइदिए। 14तिनले परमप्रभुको मन्दिरमा र राजमहलका भण्डारहरूमा भेट्टाएका सबै सुन र चाँदी र सबै चीजहरू लगे। तिनले धितो राखेका मानिसहरू पनि लगेर सामरियामा फर्के।
15यहोआहाजको राजकालका अरू घटनाहरू र तिनले गरेका कार्यहरू र तिनका उपलब्धिहरू, र यहूदाका राजा अमस्याहको विरुद्ध गरेको युद्ध के ती इस्राएलका राजाहरूका इतिहासको पुस्तकमा लेखिएका छैनन् र? 16येहोआश आफ्ना पित्रहरूसित सुते, र इस्राएलका राजाहरूसित सामरियामा गाड़िए। अनि तिनीपछि तिनका छोरा यारोबाम राजा भए।
17इस्राएलका राजा यहोआहाजका छोरा येहोआशको मृत्युपछि यहूदाका राजा योआशका छोरा अमस्याह पन्ध्र वर्ष बाँचे। #२ इति २५:२५-२८ 18अमस्याहको राजकालका अरू घटनाहरू के ती यहूदाका राजाहरूका इतिहासको पुस्तकमा लेखिएका छैनन् र?
19तिनको विरुद्धमा यरूशलेममा एउटा षड्यन्त्र भयो, र तिनी लाकीशमा भागे। तर तिनीहरूले तिनको पछि लाकीशमा मानिसहरू पठाए, र तिनलाई त्यहीँ मारे। 20तिनको लाश घोड़ामाथि बोकाएर ल्याइयो, र तिनी आफ्ना पित्रहरूसित दाऊदको सहर यरूशलेममा गाड़िए।
21तब यहूदाका सबै मानिसहरूले सोह्र वर्ष पुगेका अजर्याहलाई#14:21 अथवा उज्जियाह लिएर तिनका पिता अमस्याहको सट्टामा राजा तुल्याए। 22अमस्याह आफ्ना पित्रहरूसित सुतिसकेपछि यिनले नै एलात सहरलाई पुनर्निर्माण गरेर यहूदालाई फिर्ता गरिदिए।
यारोबाम द्वितीय इस्राएलका राजा भएका
23यहूदाका राजा योआशका छोरा अमस्याहको पन्ध्रौँ वर्षमा इस्राएलका राजा येहोआशका छोरा यारोबाम सामरियामा राजा भए, र तिनले एकचालीस वर्ष राज्य गरे। 24तिनले परमप्रभुको दृष्टिमा जे कुरो खराब थियो त्यही गरे, र इस्राएललाई गर्न लाएका नबातका छोरा यारोबामका पापहरूबाट फर्केनन्। 25परमप्रभु इस्राएलका परमेश्वरले आफ्ना दास गात-हेपेरका अमित्तैका छोरा योना अगमवक्ताद्वारा भन्नुभएको वचनअनुसार लेबोहमातदेखि अराबाको समुद्रसम्म इस्राएलका सिमाना फेरि स्थिर गर्ने तिनी नै थिए। #यूह १:१
26कुनै फुक्का कि बँधुवा होस्, इस्राएलले साह्रै कष्ट भोगेको परमप्रभुले देख्नुभएको थियो। तिनीहरूलाई सहायता गर्ने कोही थिएन। 27पृथ्वीबाट इस्राएलको नाउँनिशानै मेटिदिन्छु भनी परमप्रभुले नभन्नुभएको हुनाले, उहाँले येहोआशका छोरा यारोबामको हातद्वारा तिनीहरूलाई बचाउनुभयो।
28यारोबामको राजकालका अरू घटनाहरू र तिनले गरेका सबै कार्यहरू र सैनिक उपलब्धिहरू, अनि दमस्कस र हमात, जो यहूदाका थिए, इस्राएलको निम्ति फेरि प्राप्त गरेको कुरा के ती इस्राएलका राजाहरूका इतिहासको पुस्तकमा लेखिएका छैनन् र? 29यारोबाम आफ्ना पित्र इस्राएलका राजाहरूसित सुते, र तिनीपछि तिनका छोरा जकरिया राजा भए।
Currently Selected:
२ राजाहरू 14: NNRV
Highlight
Share
Copy
Want to have your highlights saved across all your devices? Sign up or sign in
Nepali New Revised Version © Nepal Bible Society 1997, 2006, 2009, 2012
