Ibulu Tuɛ mɛni ƃóɔɔ
Tuɛ mɛni ƃóɔɔ
Gɔlɔi dí bɔ̃̀yɛ Ibulu-ŋai pɔ́naai bîlaŋɔɔi Kôrai-ƃelai dîa kɛ̀ tãi kpanaŋ sɔlɔ ƃôi dítɔɔ-mâ ƃelai yêei Díkôrai laa-lai sui. Dímɛni kpɔ̂lui su è kɛ̀ nɔ́ kɛ̂tɛi dîa. M̀ɛnii ŋí è gɛ̀ da-ŋa dîɛ kpîŋ dí dílaa-lai maa fáleŋ. Gɔlɔi ŋí pɔ̃yɛ-nuui è ǹûai ŋí líi kula wôo ƃò. Ǹyɛɛ dîa ka tɔɔ a gbanaŋɔɔ kálaa-lai su. Zîsɛ Kôrai nɔ́ ƃa dɔ̃yâ nuui nyíi Ɣâla a ǹɛ́ kûai. È lòno a gbanaŋɔɔ é pîlaŋ mɛni-ŋuŋ saaƃa ma. M̀aa-ŋuŋ, Zîsɛ ƃé gáa a Ɣâla ǹóŋ wɔ́lɔ-wɔlɔ da wɔ́lɔ-wɔlɔ. È ǹâŋ wóo mɛni é mɔ̃lɛ-laa sɔlɔ ƃó. Ŋɔlóŋ-laai su, ǹyaa ƃé gáa a Ɣâla ŋɔlóno kɛ́-nuui gɛ́tɛi Ɣâla ŋɔlóno kɛ́-ƃelai kélee mɛi Gbanaŋ-woo Kɛ́ɛ Pɔlɔi su da ŋ̀âla-taa kela-ŋai kélee é tóo máŋ Mose ma. Véerɛi, Zîsɛ ƃe ǹâŋ Ɣâla è ǹɛ a ŋ̀wɔ́lɔ-wɔlɔ da wɔ́lɔ-wɔlɔ sala láa soŋ-nuui. Ǹyaa ƃa zâla láa soŋ-nuu kɛ́tɛi zâla láa soŋ-ƃelai mɛi Gbanaŋ-woo Kɛ́ɛ Pɔlɔi su. Zaaƃai, Zîsɛ sarâi ƃé ǹaa-la-ƃelai díkaa sɔnyɔ̂ŋ sui da ŋuŋ ma ƃô sɔlɔ ƃò la dí kúla dísɔnyɔ̂ŋ su yao da sàa fa ŋɔ́nɔ kɛ̀ díkɔlɔi. Zîsɛ ƃa Zâla Láa Soŋ-nuu Kɛ́tɛi. A núu ŋuŋ ma ƃò a tɔ̃yâ pere, nyíi Ibulu-ŋai dí m̀ɛi pɛ̀lɛ a núu-kpune da fɛnɛ-sãa kúlaa a sâla Díɣâla mɛni kɛ́ perei sui.
Gɔlɔi ŋí pɔ̃yɛ-nuui è mɛni-ŋa ƃò é pîlaŋ Eezuɛ-ƃelai da-ŋa dîa nyíi-ŋai kɛ̀ a dítɔɔ̂i kpanaŋɔɔ dílaa-lai su nyíi-ŋai dímaa mɛni pɔlɔi káa Eezuɛ mɛni pɔlɔ kɔlɔi sui (gɔlɔ-ŋuŋ puu kao tɔnɔi). A pée fêi gɔlɔi ŋí lóno-ƃela dîɛ a gɛ́ɛ dí tɔ́ɔ dílaa-lai su a gbanaŋɔɔ. A m̀ôi dîa máŋ gɔlɔ-ŋuŋ buu kao féerɛi su a gɛ́ɛ dílɛɛ dítɔɔ̂i dílaa-lai su díŋɛi kɛ́ ƃò Kôrai ma é lɛ́ɛ la zu ŋ̀elei gbɛɛ ŋái é seri. Ǹyɛɛ dîa ka tɔɔ a gbanaŋɔɔ kámɔ̃lɛ-laai da m̀ɛni kpɔ̂lui su pâi pâi kápɔi. Gɔlɔi ŋí pɔ̃yɛ-nuui è ŋ̀óo lá kula wooi pɔ̃yɛ a lia-woo kpanaŋ.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ:
Kôrai ƃé Ɣâla lɛ̀ kûa a gbîŋ-kpîŋ (1:1-3)
Kôrai tɛɛ̂i ŋ̀âla-taa kela-ŋai dîa (1:4--2:18)
Kôrai tɛɛ̂i Mose da Zasua dîa (3:1--4:13)
Kôrai ŋɔsâla láa soŋ-laai kɛ̂tɛi (4:14--7:28)
Kôrai ŋɔkpanaŋ-wooi kɛ́tɛi (8:1--9:22)
Kôrai ŋɔsâlai kɛ̂tɛi (9:23--10:39)
Laa-la ŋɔkɛ́tɛ laai (11:1--12:29)
Ɣâla líi láa mɛni (13:1-19)
Ŋ̀âla fɛliɛɛi gbɛɛ-ŋai (13:20-21)
Ŋ̀óo-ŋai gbɛɛ-ŋai (13:22-25)
Currently Selected:
Ibulu Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in