Ifisiɛŋ Tuɛ mɛni ƃóɔɔ
Tuɛ mɛni ƃóɔɔ
Zia-nuui Pɔ̂ɔ ŋɔkɔlɔi è bɔ̃̀yɛ Ifisiɛŋ-ŋai pɔ́naai è kɛ̀ a bîlaŋɔɔ berei ma ŋɔkili ŋa-siai è kɛ̀ la é pîlaŋ Ɣâla ŋɔmɛni kpɛtɛɛi mai. È gɛ̀ tí a gɛ́ɛ é pá a Ɣâla ŋɔkpɛtɛ sãai kélee díkaa ŋ̀elei su da ǹɔii ma kwaa tɔnɔ ma Kôrai kɛ́ ƃò a dílaa túɛ nuu (1:10). Gɔlɔi ŋí káa a pɛlɛ-a-gɔɔ kɔ̂lɔ nyíi Zia-nuui Pɔ̂ɔ è bɔ̃̀yɛ Ɣâla ŋɔnûai kélee pɔ́naa a gɛ́ɛ dí díkɛ-ɣeniɛi kɛ́ yɛ̂ɛ berei Ɣâla ŋɔmɛni kpɛtɛɛ kɛ́tɛ lɛ́lɛɛi ŋí káa lai, a gɛ́ɛ da Zîsɛ Kôrai-ni díkɛ ƃò zu tɔnɔ núu-kpune ŋɔkɛ-naa-laai sarâi.
Gɔlɔi ŋí kɔ́ɔ-pîlanii, Zia-nuui Pɔ̂ɔ è lòno Ifisiɛŋ-ŋai pɔ́naa. M̀ɛni-ŋûŋ è lòno é pîlaŋ mai ƃa gɛ-zu-tɔnɔɔ mɛni. È m̀o dîa ǹyɛɛ Ǹaŋ-nuui Ɣâla è ŋɔnûai sìɣe zu é dísu mɛni lɛɛ zɔnyɔ̂ŋ-ŋai dí gɛ̀i m̀ɛni ma a díŋuŋ ma ƃó Ǹóŋ Zîsɛ Kôrai sarâi, a gono tée díyêei a M̀ɔlêŋ Maa Waai nyíi maa kono-teei fa wɔ́lɔ kùla dɔɔ̂i. Gɔlɔi ŋí m̀éla veerɛi su, Zia-nuui Pɔ̂ɔ è pɛ̀lɛ a diai kélee kɔ́ɔ pâi kɛ̂i gɔlɔi ŋí lônoi a gɛ́ɛ díkɛ gîe-ma-laai da Kôrai-ni é kɛ́ a tɔ̃yâ kɛ-gîe ma-laai nyíi pâi kɛ̂i lɛ̂i dífulu-laai sui.
È lóno kpɛ́-kpɛɛ-ŋa kɛ̀ a gɛ́ɛ é ǹɛ́ berei Ɣâla ŋɔnûai da Kôrai ni da pɔ̂ri kɛ̂i la díkîe mai. Ǹyɛɛ dîa Ŋ̀âla-pɛrɛi káa yɛ̂ɛ nuu-kpono, Kôrai kɛ́ ƃò a ŋ̀uŋ, kpaa máŋ gáa yɛ̂ɛ pɛ́rɛ Kôrai kɛ́ ƃò a zonoŋ su kɔni, kpaa yɛ̂ɛ nɛnî, Kôrai kɛ́ ƃò a ŋɔsurɔ̂ŋ. Gɔlɔi ŋí pɔ̃yɛ mɛni è bɔ̃̀yɛ-nuui Pɔ̂ɔ líi mu-siɣe kpɔ́ a ŋ̀ánaa ŋɔkili ŋa-siâi é pîlaŋ berei ma Ɣâla ŋɔƃɛlɛ-sêei káa la núu-kpune mɛni ma Kôrai sarâi. Sɛŋ maa ponoɔɔ̂i Kôrai ŋɔkwaa ponoɔɔ wɛli kɛ́-maai, ŋɔsâla kúlaa, ŋɔsu-mɛni lɛɛ mɛnii, ŋɔƃɛlɛ-sêei da ŋɔmaa waa-laai su.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1-2)
Kôrai da Ŋ̀âla-pɛrɛi (1:3--3:21)
Vúlu-laa ninai Kôrai kponôi (4:1--6:20)
Gɔlɔi gbɛɛ ŋá woo-ŋai (6:21-24)
Currently Selected:
Ifisiɛŋ Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in