Kolasiɛŋ Tuɛ mɛni ƃóɔɔ
Tuɛ mɛni ƃóɔɔ
Zia-nuui Pɔ̂ɔ è gɔlɔi ŋí pɔ̃̀yɛ Kolasa Ɣala-pɛrɛi mu-ƃelai pɔ́naa. Ŋ̀âla-pɛrɛi ŋí è kɛ̀ Eesia Manɔ taai dɔnɔ su Ɛfesɛ lɔii kpiniŋ vóloi kulâi-pere. Zia-nuui Pɔ̂ɔ fa ǹúui Ŋ̀âla-pɛrɛi ŋí kɔ́ɔ pîlaŋ, kɛ́lɛ è gɔ̀lɔŋ a gɛ́ɛ maa nɛ̃ɛ̂i kɛ̀ é kɛ́ ǹaa mɛni-ŋai maa mɛni láa túɛ. A kâa ŋɔtíi kɛ́-ƃelai da-ŋa kùla Ɛfesɛ gɛ̀ dítɛ̀ɛ naa. Ɛfesɛ è kɛ̀ a Eesia taa-leei nyíi kɛ̀ Lomaŋ lɔii-kpiniŋ sui. Díi kɛ́-ƃelai ŋí tɛɛ sarâi, Zia-nuui Pɔ̂ɔ è gɔ̀lɔŋ a gɛ́ɛ lɛ́ɛ ɣâla-woo ƃó-ƃela dí kɛ̀ Ŋ̀âla-pɛrɛi mu Kolasa. Ǹûai ŋí da kâa kɛ̀ m̀ôi a gɛ́ɛ núu da é lɛ́ɛ pâi Ɣâla kɔ̂lɔnii é ŋuŋ ma ƃo sɔlɔ ƃó, fɛ̂ɛ maa nuui é gbelêŋ pîlaŋ ǹûai láa túɛ-ƃela da ǹɔii-ƃelai kɔ́ɔ mu, nyíi-ŋai ǹɛ a gɛ́ɛ mɔlêŋ sii da káa díkponôi. É kúla nyíŋi pôlu, zɛŋ lɛ́-ƃelai ŋí da kâa m̀o dîɛ, fɛ̂ɛ núu é gbîŋ kɛ́ tɔ̂ŋ sii-ŋa yée mu yɛ̂ɛ núu seɛɛ kpono mâ mɛni, é dĩa mii-sãa sii da-ŋa mii mɛni ma da mɛni da kpɛ́ni-ŋa a gɛ́ɛ é Ɣâla ŋɔƃɛlɛ-sêei da sɔlɔ ƃó.
Zia-nuui Pɔ̂ɔ è lia-woo-ŋa pɔ̃yɛ gɔlɔi ŋí su a gɛ́ɛ nûa dífe làa a ǹɛ́ɛ sɛŋ lɛ́ pere-ŋai ŋí. È m̀o dîa a gɛ́ɛ pɔ̂ri mâa káa Zîsɛ mi é ŋuŋ ma ƃô tɛɛ núu pɔ́ nyíi ǹaai a ǹyaa Zîsɛ. Ǹyɛɛ dîa ǹaa-la sii-ŋai ŋí da maa tûa pere-ŋai dífe kùla ní Zîsɛ yêei. Ǹyɛɛ dîa Ɣâla è ŋ̀éniɛi kpɛ̀tɛ Zîsɛ sarâi, ǹyaa Zîsɛ tɔnɔi ŋí zarâi ƃé a pâi núu-kpune lɛɣɛ̂i la ǹyaa Ɣâla gbono ma. Núu-kpune da Zîsɛ díkɛ-zu tɔnɔi nɔ́ ƃé a gɛ̀ kili-kɛ-zu kɛ́ ƃo núu-kpune yêei ŋuŋ ma ƃô mɛni ma. Zia-nuui Pɔ̂ɔ è m̀o a gɛ́ɛ m̀ɛni ŋáa lɛ́ pere sɛŋ lɛ́ɛi ŋí káa a mɛni kpânaŋ lɛ́lɛɛ ǹaa-la-ƃelai dífulu-laai mɛni ma.
Gáa a mɛni kpânaŋ lɛ́lɛɛ a gɛ́ɛ Tasikɔ nyíi Pɔ̂ɔ è gɔlɔi tɛ̀ɛ bɔ́ a gɛ́ɛ é lí la Kolasai, Onisimɔ ƃé lì ǹaa lɛ̂i. Onisimɔ è kɛ̀ a luɛ. Ǹyaa ƃe Zia-nuui Pɔ̂ɔ è wɔ́lɔ maa kpera fe kɔlɔ pɔ̃yɛ Falemɔŋ pɔ́naa.
M̀ɛni-ŋûŋ-ŋai gɔlɔi ŋí sui
Tuɛ mɛni ƃóɔɔ (1:1-8)
Kôrai ŋɔnúu-kpune laai da ŋɔtíi (1:9--2:19)
Vúlu-laa ninai gáa Kôrai kponôi (2:20--4:6)
Gɔlɔi gbɛɛ ŋá woo-ŋai (4:7-18)
Currently Selected:
Kolasiɛŋ Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in