Kɔleŋtiɛŋ Veerɛi 7
7
1Ŋáwɛli-kɛ-maa-ƃelai, tãi nɔ́ gono-tee-ŋai ŋí káa la kúyêei, kwaa kúkpîŋ maa wáa ku kúla kúkponôi da kúmɔlêŋ dísɔnyɔ̂ŋ su, kúkɛ kpɔ́ a kúmaa waa a ǹɛ́lɛɛ Ɣâla ŋɔyao-maai su.
Pɔ̂ɔ líi è nɛ̃ɛ Kôrai-toli-kpɔŋ-ŋai dítii kɛ́-perei mɛni ma
2Ka kálii láa ƃó kûɛ. Kúfe niî mɛni nyɔ́mɔɔ kɛ́ ni a núu da, kúfe niî núu da líi sóli ni, kúfe niî núu da mɔ̃lɛ ni. 3Ḿve nyíŋi ƃôi a gɛ́ɛ ŋá mɛni lɛ́ɛ kâa, kpɛ́ni fêi, ŋá mò a maa-ŋuŋ a gɛ́ɛ kákaa kúlii su a gɛ́ɛ kwa kâa ni ku sáa gîe ma, kwa ka-ni ku kɛ́ ɣele ma gîe ma. 4Náâi a káa kpɔ́ a ŋ̀ánaa. Ńii nɛ̃ɛ̂i kámɛni ma kpɔ́ a ŋ̀ánaa. Ńii láa fɛɛ̂i a ŋa-nɛnɛ. Kúmɛni-kpɔ̂lui kélee su, ńii nɛ̃ɛ̂i kpɔ́ a ŋ̀ánaa.
5Kpɛ́ni fêi, tãi máŋ kú pà la Masadoniai, kúkpono fé vii tɔ̂ɔni, kɛ́lɛ, kú kɛ́ nɔ́ mɛni-kpɔ̂lu su kwaa kélee ma-kwa ǹaa-ƃela kú kɛ̀ laa-saa kɛ̂i, yao kɛ́ ƃo kúkɔlɔ̂i. 6Kɛ́lɛ, Ɣâla nyíi a ǹii-too pôlu-ƃelai ŋá nɛ̀nɛi, è kúŋa nɛ̀nɛ a Taitɔ páa. 7Taitɔ páa maa-mɛni tɔnɔ nɔ́ fei, kɛ́lɛ, ŋ̀a-nɛnɛi máŋ ká dɛ̀ɛ bɔ́i mɛni ƃe, yɛ̂ɛ berei è mò la kûa berei ká kɛ̀ ŋ̀wɛ̂lii la ká ŋ́gaa, berei ká kɛ̀ wɔ́lɔ̂i la ḿaa-mɛni mai, da berei ká ŋ́wɛli ni lai, a gɛ́ɛ ŋá lii-nɛ̃ɛ kula a zu kɛ́tɛ. 8À kɛ̀ máŋ ŋá ká kɛ̀ malôŋ é tóo kâa a ŋákɔlɔi, ńii fa tôo pôlu (berei máŋ ńii è tòo la pôlu a maa-ŋuŋ), kpɛ́ni fêi, ŋá gàa a gɛ́ɛ gɔlɔi ti è kálii tòo pôlu. Berei máŋ è kálii tòo nɔ́ la pôlu a tãi kpua-loŋ. 9Yɛ̂ɛ berei gáa lai, ńii nɛ̃ɛ̂i. Ŋálii-nɛ̃ɛi su-kulai fa kálii é too pôlu, kɛ́lɛ, zu-kulai ƃa kálii-too pôlui a ká kɛ̀ ka kálii pene. Kpɛ́ni fêi, berei kálii-tòo pôlui è kɛ̀ lai, è kɛ̀ a Ɣâla nia-mɛni a gɛ́ɛ káfe mɛni-soli kàa kúsarâi. 10Kpɛ́ni fêi, Ɣâla-nia lii-tòo pôlui a pâ a lii-pene, nyíi a lî a núu ƃálo-laa sui. Va pâ a núu lii-tòo pôlui su, kɛ́lɛ, ŋ̀éniɛi ŋí su-lii-tòo pôlui a pâ a saa. 11Ka gáa, berei Ɣâla-nia lii-tòo pôlu è ká kɛ̀ la ká m̀ɛni soŋ a gbanaŋɔɔ̂i. Berei è ká kɛ̀ la a gɛ́ɛ ká kákpîŋ maa-kɔ̃ɔ̂i, berei è ká kɛ̀ la kálii é ŋwánai, berei è ká kɛ̀ la ká yaôi, berei è ká kɛ̀ la ŋ́wɛli é kákɛ̂i, berei è ká kɛ̀ la ká mɛni kélee kɛ́ a ǹɛ́lɛɛi, da berei è ká kɛ̀ la a gɛ́ɛ ka mɛni ŋá tee a ǹɛ́lɛɛ! Ka kákpîŋ lɛ́ pere sii kélee su a gɛ́ɛ kásɔŋ fé m̀ɛnii su. 12Berei máŋ ŋá kɔlɔ pɔ̃yɛ la kápɔ naai, fé kɔlɔ pɔ̃yɛ ní nɔ́ ǹúui mɛni karai mɛ̂ni m̀a, kpaa máŋ, fé kɔlɔ pɔ̃yɛ ní nɔ́ ǹúui dí ŋɔmɛni karai mɛ̂ni mâ, kɛ́lɛ, ŋá gɔlɔi pɔ̃̀yɛ a gɛ́ɛ ŋwɛli-kɛ-maai gáa káyêei kúmɛni mai é lɛ́ kâa Ɣâla ŋɛi. 13Mɛni ma ŋa-nɛnɛ káa kúyêei.
É kúla kúwɔ̂-ŋa-nɛnɛi pôlu, kúlii nɛ̃ɛ̂i máŋ a zu kɛ́tɛ Taitɔ ŋɔlii-nɛ̃ɛi mɛni ma, kpɛ́ni fêi, kákelee ká ǹíi láa. 14Kpɛ́ni fêi, à kɛ̀ ŋà ŋálii-nɛ̃ɛ̂i mɛni ƃò ma nyíi gáa ŋ́gbonôi kámɛni mai, fé ŋumɛ ni. Kpɛ́ni fêi, m̀ɛnii kélee kú mò kâai è kɛ̀ la a tɔ̃yâi, bere nɔ́ ƃe kúyoŋkâi kú dèe Taitɔ ŋɛi è kɛ̀ la a tɔ̃yâ. 15Ǹyaŋ ŋwɛli-kɛ-maai gáa ǹyêei kákelee kámɛni mai, a ƃɔlɔ̂i nɔ́ a tãi kélee. Tãi nɔ́ káwoo-mɛnii maa-mɛni kíli a tôo la ŋ̀ái, da ǹyaoi da gbɛ̃liŋ nyíi ká káyee sèe la mui. 16Níi nɛɛ̂i, kpɛ́ni fêi, ńaâi kpɔ́ a káa a ǹɛ́lɛɛ.
Currently Selected:
Kɔleŋtiɛŋ Veerɛi 7: KWB
Highlight
Share
Copy
Want to have your highlights saved across all your devices? Sign up or sign in
