Kɔleŋtiɛŋ Veerɛi 2
2
1M̀ɛni ma, ŋá gbɛ̀tɛ ŋ́gili ŋá a gɛ́ɛ fé ŋɔ́nɔ kálii too pôlu naa-kaa da kpɛni kɛ́ɛ su. 2À kɛ̀ ǹyaŋ ŋà kálii tòo pôlu, gɛ̀ ní, gbɛ̂ɛ ƃe pâi ŋ́gɛ̂i ńii é nɛ̃ɛ é kúla nyíi pôlu ŋá ǹíi tôoi pôlui? 3Ŋá nyíŋi pɔ̃yɛ a gɛ́ɛ tãi ŋá pà lai, káai ka pɔ̂ri ŋ́gɛ̂i ńii é nɛ̃ɛi, káfe ńii tòo pôlu, kpɛ́ni fêi, ńaâi kpɔ́ a kákelee a ǹɛ́lɛɛ a gɛ́ɛ ŋálii-nɛ̃ɛi a pɔ̂ri kɛ̂i a kákelee kálii-nɛ̃ɛ. 4Kpɛ́ni fêi, ŋá kɔlɔ pɔ̃yɛ kápɔ naa mɛni-kpɔ̂lu támaa su da lii-too pôlu támaa é pɛ́lɛ ŋɛi-ya ma. Fé gɛ̀ ní a gɛ́ɛ ŋa kálii tôo pôlu, kɛ́lɛ, ŋá gɛ̀ a gɛ́ɛ ká ŋwɛli-kɛ-maa kɛ́tɛi kɔ́lɔŋ gáa ńyêei kámɛni ma.
Ka mɛni nyɔ́mɔɔ kɛ́-ƃela su mɛni lɛɛ
5Kɛ́lɛ, à kɛ̀ núu da è núu líi tòo pôlu, gɛ̀ ní ve a ŋálii-too pôlu-mɛni ńyãa tɔnɔ, kɛ́lɛ, a kákelee kálii too pôlu pere sii da ŋa-su. Ŋa nyíŋi ƃôi a gɛ́ɛ fé kálùaŋ a gbanaŋɔɔ. 6Dɔŋ-kpɛ́-maai nyíi gáa kátama-ɣele káyêei núu sii tí mɛni mai, dámaâi. 7M̀ɛni ma fɛ̂ɛ ka tinaŋ ka zu mɛni lɛɛ ka ŋá nɛnɛ, à wàla kɛ́ ti maloŋ-too-maa támaa a pâi pâi bɔ. 8Mɛni ma ŋa kákpera fêi a gɛ́ɛ ká pá la ŋɔ́nɔ pôlu káwɛli-kɛ-maai su. 9Nyíŋi mɛni ƃe ŋá kɔlɔ pɔ̃yɛ la kâa ŋa kasu kɔɔ̂ŋ a gɛ́ɛ ŋá gɔ́lɔŋ à kɛ̀ woo-mɛni káa káyêei mɛni kélee su. 10Ǹyaŋ ǹúui kélee ka zu mɛ̂ni lɛɛi, ńyãa máŋ ŋa zu mɛni lɛ̀ɛ. À kɛ̀ ŋà mɛni da kélee su mɛni lɛ̀ɛ, gɛ̀ ní ŋa zu mɛni lɛɛ kámɛni ma Kôrai ŋɛ́i, 11a gɛ́ɛ Sêtɔŋ ŋɔwála-walai fè kɛ̀ kúmɛi; kpɛ́ni fêi, ku ŋɔkili-ŋa-sia nyɔ́mɔɔi kɔ́lɔŋ.
Pɔ̂ɔ líi fé láa ní Toroɛ
12Tãi ŋá pà la Toroɛ Kôrai ŋɔtuŋ lɛ́lɛɛi ƃó mɛni mai, dí gbôŋ lá ƃò ńduɛ Kúnuu-namui kponôi; 13kɛ́lɛ, ńii fe kɛ́ ni a ǹáa, kpɛ́ni fêi, fé ḿarâŋ Taitɔ káa ni naa. Mɛni ma ŋá dílɛ̀ɛ naa ŋa li Masadonia.
Yee-tɛɛ-maa káa Kôrai kponôi
14Kɛ́lɛ, sɛɣɛi-fei é tɛ́ɛ Ɣâla pɔ nyíi a tɔ̂ɔ kútuɛ yee-tɛɛ-maa kélee su Kôrai kponôi, gɛ gbîŋ maa-mɛni kúŋ lɛ́lɛɛ taa-taa kwaa kélee ma kúsarâi. 15Kpɛ́ni fêi, kúkaa a Kôrai maa-wuru-ya kúŋ nɛ̃ɛ Ɣâla mɛni ma diai sáma díƃaloɔ̂i da diai díkaa saâi. 16Kúkaa a wuru-ya kúŋ nɛ̃ɛ é síɣe saa ma é tóo saa ma ǹúui da-ni mɛni ma. Kúkaa a wuru-ya kúŋ-nɛ̃ɛ é síɣe fulu-laa ma é tóo fulu-laa ma ǹúui kpeli-ŋai mɛni ma. Gbɛ̂ɛ ƃe gbɛtɛɛ̂i mɛni-ŋai ŋí mɛni mai? 17Kpɛ́ni fêi, kúfe yɛ̂ɛ núu támaa nyíi-ŋai da Ɣâla ŋɔwóoi kàrai; kɛ́lɛ, kúkaa yɛ̂ɛ ǹûai díkaa a tɔ̃yâ-ƃela, Ɣâla a dímaa wáa ŋɔtíi mɛni ma, kwa lôno Kôrai kponôi Ɣâla ŋɛi.
Currently Selected:
Kɔleŋtiɛŋ Veerɛi 2: KWB
Highlight
Share
Copy
Want to have your highlights saved across all your devices? Sign up or sign in
