GÉNESIS 5
5
Adán aptovana niptamin
(1 Cr 1.1-4)
1Eycaso acnatalhesomalhca ilhnic nat apquilvisay Adán aptovana niptamin. Lhama ilhnic nat apquillana Dios enlhit. Apnoc nic nat aptemaclha Dios. 2Apquillanac nic nat Dios enlhit najan quilvana. Intasic nic nat appayvam Dios. Apquiltimec nic nat Dios alvisay “enlhit” as acnim apquillanay enlhit najan aptava.#Mt 19.4; Mr 10.6.,#Gn 1.27-28.
3Invocmec nic nat 130 años aptiyascam Adán. Aptiyacmec nic nat apquitca apvisay Set. Innoc nic nat aptemaclha apyap. 4Mocjam 800 años tap nic nat aptiyascam Adán. Aptiyacmec nic nat mocjam apquitquic apquilinava najan quilvanaa. 5Invocmec nic nat 930 años aptiyascam Adán. Apquitsepquic nic nat.
6Invocmec nic nat 105 años aptiyascam Set. Aptiyacmec nic nat apquitca apvisay Enós. 7Mocjam 807 años tap nic nat aptiyascam Set. Aptiyacmec nic nat mocjam apquitquic apquilinava najan quilvanaa. 8Invocmec nic nat 912 años aptiyascam Set. Apquitsepquic nic nat.
9Invocmec nic nat 90 años aptiyascam Enós. Aptiyacmec nic nat apquitca apvisay Cainán. 10Mocjam 815 años nic nat aptiyascam Enós. Aptiyacmec nic nat mocjam apquitquic apquilinava najan quilvanaa. 11Invocmec nic nat 905 años aptiyascam Enós. Apquitsepquic nic nat.
12Invocmec nic nat 70 años aptiyascam Cainán. Aptiyacmec nic nat apquitca apvisay Mahalaleel. 13Mocjam 840 años nic nat aptiyascam Cainán. Aptiyacmec nic nat apquitquic apquilinava najan quilvanaa. 14Invocmec nic nat 910 años aptiyascam Cainán. Apquitsepquic nic nat.
15Invocmec nic nat 65 años aptiyascam Mahalaleel. Aptiyacmec nic nat apquitca apvisay Jared. 16Mocjam 830 años nic nat aptiyascam Mahalaleel. Aptiyacmec nic nat mocjam apquitquic apquilinava najan quilvanaa. 17Invocmec nic nat 895 años aptiyascam Mahalaleel. Apquitsepquic nic nat.
18Invocmec nic nat 162 años aptiyascam Jared. Aptiyacmec nic nat apquitca apvisay Enoc. 19Mocjam 800 años nic nat aptiyascam Jared. Aptiyacmec nic nat mocjam apquitquic apquilinava najan quilvanaa. 20Invocmec nic nat 962 años aptiyascam Jared. Apquitsepquic nic nat.
21Invocmec nic nat 65 años aptiyascam Enoc. Aptiyacmec nic nat apquitca apvisay Matusalén. 22Apyiplovcasquic nic nat mataa Enoc apmayjayoclha Dios. 300 años tap nic nat aptiyascam mocjam Enoc. Aptiyacmec nic nat mocjam apquitquic apquilinava najan quilvanaa. 23Invocmec nic nat 365 años aptiyascam Enoc. 24Apvonquipquic nic nat Enoc. Dios Apyimtalhnamo nic nat apyantam, ayinyemaclha apyiplovcasquic nic nat mataa Enoc apmayjayoclha Dios Apyimtalhnamo.#He 11.5; Jud 14.
25Invocmec nic nat 187 años aptiyascam Matusalén. Aptiyacmec nic nat apquitca apvisay Lamec. 26Mocjam 782 años nic nat aptiyascam Matusalén. Aptiyacmec nic nat mocjam apquitquic apquilinava najan quilvanaa. 27Invocmec nic nat 969 años aptiyascam Matusalén. Apquitsepquic nic nat.
28Invocmec nic nat 182 años aptiyascam Lamec. Aptiyacmec nic nat apquitca. 29Apquiltimec nic nat apvisay Noé. Aptomjac nic nat Lamec: Aptimescasquic nic nat Dios Apyimtalhnamo acmasom as nalhpop. Inyimtilhec mataa yoyam ongilcaoc amyip. Noé sat etnejic apquillovquiscama ningilyampay— nic nat aptomjac Lamec. 30Mocjam 595 años nic nat aptiyascam Lamec. Aptiyacmec nic nat apquitquic apquilinava najan quilvanaa. 31Invocmec nic nat 777 años aptiyascam Lamec. Apquitsepquic nic nat.
32Invocmec nic nat 500 años aptiyascam Noé. Aptiyacmec nic nat apquitca apvisay Sem, poc nic nat apvisay Cam, poc nic nat apvisay Jafet.
Currently Selected:
GÉNESIS 5: ENHL
Highlight
Share
Copy
Want to have your highlights saved across all your devices? Sign up or sign in