Kabikona 17
17
Yave Kana Kiyakiyaya I Teneteniya
1Tovanama Ebenamu kana manamana 99, Yave i kenokikinomana nenei keta i iyaviya i bwaduwa, “Iyau Guyau Tofiwanaonaona. Yaku ketaketai kuna niya be muka kuna go'yona, 2ebe yaku dedeni ana fufuniya neneweu ebe susukwau ana giviyagwanisiya.”
3Ebenamu kaetutuna i viketogunisiya maise yota debabouna eatu Guyau i iyaviya i bwaduwa, 4-5#Noma 4:17“Iyau nenekuwai o nofemaise ku vaneneḡei. Yaku dedeni kwaḡa nukusi maise, kwaḡa kunuma yagwanisi waḡasi. Na fasinei ka wava Ebenamu#17:4-5 Ibeniu fonasiyai, Ebenamu kana givina maise Ama nakasina o viwaḡana. eatu a weneweneviviiya o Ebenaamu.#17:4-5 Ibeniu fonasiyai, Ebenaamu kana givina maise sabu yagwanisi amasi o waḡasi. 6Iyau ana saviviniya be kunuma nakasina kuna nisaiya be sabu yagwanisi sina kikinomana keta yota kwaḡa sabuuma nenesiyai tufomu sina kikinomana.
7 #
Nuke 1:55
Yaku dedeni ana givifakiniya kwaḡa keta susukwau nukusi nenemiyai be ina fakwafakwavaḡata, tova be tova. Iyau ya Guyau keta yota susukwau yasi Guyau. 8#Bunanige 7:5Nofe Kenani fwayafwayana nenei ku viviteneyauyauna, matatafuna fwayafwayanama kwaḡa keta yota susukwau ana venimiya. Naki yasi fwayafwayavaḡata keta Iyau yasi Guyau.”
9-10 #
Bunanige 7:8, Noma 4:11 Guyau Ebenaamu i iyaviya i bwaduwa, “Kwaḡa fasiweu o yaku dedeni kuna muniiya keta yota susukwau sina muniiya. Kwaḡa sina nufifiniya kiyakiyaya neneweu maisemoka yota namoḡa tamokatamokaḡa susukwau sinenei. 11Yami nikana mutugabusi kwana nufifina be noko dedeni kana kiyakiyaya Iyau keta kwami kata kawasasai. 12Nofe tova keta ina niya, fwefweyana namoḡa tamokatamokaḡa kana kuyadayada 8 nenei kwana nufifina. Kwana saviviniya natunatumi keta yami tobunanige natunatusi matatafusi namoaḡa nenesiyai. 13Maisemoka yota tovanama namoḡa sina tufuwa yami sabu nenei eketa yota tovanama namoḡa vitamaneina nenei kwana viya, kwana nufifiniya nenesiyai. Ina vikiyakiyayavaḡata yaku dedeni tofwamiyai, tova be tova. 14Atu taki avi namoḡa yaku dedeni kana kiyakiyaya muka tofwanei, nai o kaku dedeni i yasiya, na naki tauna ina nutakiya yana sabu nenesiyai.”
Yave I Bwadudabadaba Vitana Sanai Ina Vinatuniya Namoḡa Kana Wava Aisake
15Guyau Ebenaamu i iyaviya i bwaduwa, “Kawau Sanai fasinei, muka kuna wenei Sanai eatu kuna weniya Sena.#17:15 Ibeniu fonasiyai, Sanai, Sena wava nofe nuwesi kasi givina tufomu natuna gumayogu. 16Ana sawanuwagabubuwiya be tanake nenei natuu namoḡa ana veniwa. Ana sawanuwagabubuwiya ebe kunuma sina visawa-ayona nenei keta susukwana sinenei tufomu sina tufuwa.”
17Ebenaamu kaetutuna i viketogunisiya maise yota debabouna keta na viniḡana tauna nuwasinenei i bwaduwa, “Kana fata namoḡa kana manamana 100 tamo natuna ina tufuwa? Atu yota Sena o kana manamana 90 kana fata ina vinatuna?” 18Eketa Ebenaamu Guyau i iyaviya i bwaduwa, “Taki kana nufota Isimeni kuta sawanuwagabubuwiya!”
19Atu Guyau i iyaviya i bwaduwa, “Muka. Kawau Sena natuu ina vinatuniya keta kana wava kuna weniya Aisake.#17:19 Ibeniu fonasiyai, Aisake kana givina maise viniḡa. Yaku dedeni ana fufuniya tanake keta susukwana muninei nukusi nenesiyai tova be tova ina nivaḡata. 20Ya nuwanuwa Isimeni fasinei o naki a nowaniya. Na fasinei ana sawanuwagabubuwiya be natunatuna keta susukwana yagwanisi ana veniya. Tanake o kawakawa nasi 12 amasi keta yota susukwana nenei kana kunuma ana givinakasiya. 21Atu nofe yaku dedeni ana fufuniya Aisake nukusi. Naki nofe tovanama maise, Sena Aisake ina vinatuniya noko manamananama.”
Currently Selected:
Kabikona 17: WAT
Highlight
Share
Copy
Want to have your highlights saved across all your devices? Sign up or sign in
© 2016 Wycliffe Bible Translators, Inc.
