Kabikona 15

Yave I Bwadudabadaba Ebenamu Nenei

1Muniyai Yave Ebenamu kenokita nenei i iyaviya i bwaduwa,

“Ebenamu, muka kuna matuta.

Iyau ya veve,

Iyau fatau nakatamokena ana veniwa.”

2-3Ebenamu i nufata i bwaduwa, “Yaku Tuveka Yave, iyau muka tamo natuku na uḡuna ya nuwagabubunama muka ina oviviteiku. Muka tamo natuku kuta veneiku. Keta taki ana mateya, Eniyesa tanake tene Damasiko kaku toovivita, yaku kaikaiwabu matatafuna ina viya.”

4Atu Yave i bwadu-savaviniya i bwaduwa, “Muka noko namoḡanama ya kaikaiwabu ina vai. Naki kwaḡa taumokeu uyoweu, natuu ina tufuwa. Kuna mateya nenei, tanake ina vikaiuḡuniya.” 5#Noma 4:18, Ibeniu 11:12I oviya i kikinomaniya menanai eketa i iyaviya i bwaduwa, “Matau i vane kawasasakaoḡowai be yamasi kinavinavi ku ginaḡanaḡa-nuvanuvaisi, taki ka fata maise. Yawane susukwau maise kinavinavi. Muka tamo aitevana kana fata be ina ginaḡanaḡaisi.”

6 # Noma 4:3, Ganetiya 3:6, Yemesa 2:23 Ebenamu i vitumaḡaniya Yave yana bwadunama, na fasinei Yave i sebobowiya eketa i bwaduwa tanake eyaeyana matanei.

12 # Yobi 4:13,14 Tova vanavana i sonusonuwa nenei, Ebenamu i kenomatemateya kana tovai, kumanovana kitagoyona be matuta i kabwanatauniya. 13#Yauna 1:1-14, Bunanige 7:6Keta Yave i iyaviya i bwaduwa, “Nofe kuna sanamanadewadewiya. Susukwau sina viyauyauna mani fwayafwayai. Tonifwayafwaya susukwau sina vikaetoisiya keta yota sina vitoagoyogoyowisiya manamana 400 sinenei. 14#Yauna 12:40,41, Bunanige 7:7Atu yawane tonifwayafwayasima yasi vitoagoyogoyo fasinei ana vimatadawanisiya eatu susukwau sina vikukuwauna keta fwayafwayanama sina teweiya. 15-16Amonai namoisi nofe tova Kenani fwayafwaya nenei si fakwifakwiiya, taki tovanama yasi dewa ina goyomataiya, ana vimatadawanisiya keta ana kwavinisiya nofe fwayafwayanama nenei be sina yauna. Na uḡuna susukwau muka sina venumakavinaisi nofe kabainama nenei atu minominou yasi tovai yoke.

Atu kwaḡa tauḡu Ebenamu kuna vituvekamoka yo muniyai, biganei kuna mateya keta sina tauniwa.”

Currently Selected:

Kabikona 15: WAT

Highlight

Copy