Yaasawey 23
23
1Nda ni goro ŋaadogoo ra, ni nda boro beeri,
hawgay nda boraa kaŋ goo ni jine.
2Nda boro ti ni kaŋ ga baa ŋaayan,
huryaw daŋ ni jindoo ga.
3Masi nga ŋaayan kaaney boonay,
ŋaayan no kaŋ ga boro zanba.
4Masi ni boŋ farandi ka ceeci ka tee almankoyni,
fay nda ka ni lakkaloo daŋ a se.
5Ni moɲey mma bara alman bande wala?
A sii no, zama a na fatayaŋ tee,
sanda dutal, a deeši ka koy beenaa here.
6Masi boro anniya futu ŋaahaya ŋaa,
masi nga ŋaayan kaaney boonay,
7zama manʼti woo kaŋ a gʼa har bara binoo ra.
A ga nee ma nee: «Ŋaa ma haŋ»,
ka gar binoo sii ma ne.
8Woo kaŋ nʼnʼa ŋaa, nʼgʼa yeeri,
de ni šenni henney mursu.
9Masi šelaŋ lakkal jaŋante se,
a ga ni lakkal šenney tee yaada.
10Masi farru kanje jina-jinawey kaa dogey ra,
masi ceeci ka alyatim faari taa a kone,
11zama ngi faasakaa ga gaabi,
a ga kay ngi misoo ra ka ni yenje.
12Ni binoo feeri hoyray se,
ka ni haŋaa kayandi bayray šenney se.
13Masi goro mana zanka aladabu,
nda nʼnʼa kar nda gobu, a si buu.
14Nda nʼnʼa kar nda gobu,
nʼgʼa hallasi alaahara ra.
15Ay izʼaroo, nda ni binoo goo nda lakkal,
ay binoo ga ɲaali.
16Ay ga ɲaali hala ay kuneheroo ra,
nda ni miɲoo ga cimi har.
17Ni binoo masi canse zunubu teekey ga,
Abadantaa hunburaa ma bara ni binoo ra waati kul,
18zama kokoray goo a ra,
ni naataa si dere.
19Ni, ay izʼaroo, haŋajer ma duu lakkal,
ni binoo hangandi fondaa.
20Masi huru borey ra kaŋ ga suu nda alaneb hari moora,
wey kaŋ ga ham ŋaa ka hoo,
21zama boro kaŋ ga suu nda boro
kaŋ ga ŋaa ka hoo ga kaŋ talkataray ra,
jirbi baji ga kate ma zaara-zaara daŋ.
22Haŋajer ni baaba se kaŋ na ni daŋ aduɲɲa ra,
masi ni ɲaa kaynandi waati kaŋ a žen.
23Cimi day, masʼa neere,
ka lakkal, nda hoyray, nda fahamay mo day.
24Boro šerrante baaba goo yafarhã ra,
boro kaŋ na lakkalkoyni daŋ aduɲɲa ra goo ɲaali ra.
25Yala ni baaba nda ni ɲaa ma ɲaali,
yala boraa kaŋ na ni daŋ aduɲɲa ra ma bara yafarhã ra!
26Ay izʼaroo, ay noo ni binoo,
yala ni moɲey ma ɲaali ay fondawey ra.
27Zama woykuuru manʼti kala guusu kuku,
woy kaŋ nʼsʼa bay manʼti kala day kankamante.
28A ga zanbaguusu tee sanda zay beeri,
a ga boro boobo daŋ izefututaray ra.
29May no ma nee kaŋ nga bone,
may no ma nee: «Hay»?
May no ma yenje? May no binoo ga maray?
May no ma maray yaada?
May no moɲey ga kokooru?
30Borey no kaŋ ga ngi waatoo kul tee alaneb hari moora haŋyan ra,
borey no kaŋ si fay nda ka harifutuyaŋ ɲaami kʼi haŋ.
31Masi dii kaŋ alaneb hari moora ga boori a ga ciray,
masi dii kaŋ a ga nere poti ra, de a ga dandi.
32Woo banda ga, a ga ɲama sanda gondi,
a ga boro hay sanda gandakarfu.
33Ni moɲey ga dii hayayaŋ kaŋ i sʼi bay,
ni binoo ga šenni yaadayaŋ har.
34Nʼga tee sanda boro kaŋ ga kani teekoo gamoo ra,
sanda boro kaŋ goo harihii waalaa#23.34 Zaara beeri no kaŋ i gʼa daŋ harihii ga hala hewoo ma hiyoo tuti a ma koy. boŋ beene.
35Nʼga nee: «I nʼay kar, ya na maate haya kul!
I nʼay barzu, ya na bay!
Nda ay tun, ay ga baa koyne!»
Currently Selected:
Yaasawey 23: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
