Yaasawey 17
17
1Takula dunba kogo nda lakkalkanay
baa hugu kaŋ ga too nda ham nda yenje.
2Tam lakkalkoyni goo nga koyoo izʼaroo jine
kaŋ ga boro haawandi,
tamoo ga duu tubu nga koyoo izʼarey game.
3Nzorfu kaaray ga mennandi botol ra,
wura ga mennandi alforon ra,
takaa din da bine siikaa ti Abadantaa.
4Ifutu teekaw ga haŋajer šenni laalayaŋ se,
taariharkaw mma haŋajer šenni se kaŋ ga kate halaciyan.
5Boro kaŋ ga haaru talka ra na nga Takakaa kaynandi,
boro kaŋ ɲaali nda bone si diyandi boro kaŋ mana haya kul tee.
6Aru žeeney kokoy fuulaa manʼti kala haamawey,
izeyaŋ taalamoo ti baabey.
7Šenni kayante si hun saama ra,
soko taari ma hun boŋkoyni mee ra.
8Boro kaŋ ga sufuray noo tuguyan ra
ga hongu kaŋ nongu kul kaŋ ra nga nʼa noo, nga ga duu fondo.
9Boro kaŋ ga tooɲeyan yaafa ga baji ceeci,
boro kaŋ gʼa hongandi ga baakawyaŋ fay.
10Ka citi boro lakkalkoyni ga, ga tonton nga lakkaloo ga
ka bisa barzu mee zangu (100) kaŋ nʼnʼa kaa lakkal jaŋante ra.
11Boro futu si haya kul wiri kala tureyan,
dontokaw laala ga sanbandi a ga.
12Boro ma urs kaŋ izey dere a se kubay
baa boro lakkal jaŋante saamataraa.
13Boro kaŋ ga ihenna bana nda ifutu,
ifutu si mooru nga hugoo.
14Citi šintinyan manʼti kala faari jinde kayriyan,
hun no din za yenjaa mana šintin.
15Boro kaŋ ga ifutu dii šerrante
nda boro kaŋ ga šerrante zukandi,
ihinkaa kul ti almuhal Abadantaa se.
16Macin no nooru beeri gʼa tee lakkal jaŋante kaboo ra?
Ka lakkal day wala? A sii nda woo carmaa!
17Boro ceroo ga baji cebe waati kul,
arma kaa aduɲɲa ra ka ni faaba waati šendey ra.
18Boro lakkal kaccu no ma allaahidu zaa
ka nga boŋ tolme nga cinaa garaa se.
19Boro kaŋ ga baa tooɲeyan ga baa yenje,
boro kaŋ ga nga hugoo miɲoo jer ga kaŋyan ceeci.
20Boro bine šiira si duu gomni,
bone ga kaŋ deene dargante boŋ.
21Boro kaŋ na lakkal jaŋante hay ga duu dooray,
saama baaba si hin ka ɲaali.
22Bine kaŋ ga ɲaali manʼti kala safari henna,
bine kaŋ ga hẽe ga biri kogandi.
23Boro futu ga yadda ka sufuray noo tuguyan ra
ka fondo hennawey šiirandi.
24Lakkal goo boro bayraykoyni jere,
amma lakkal jaŋante moɲey goo laboo kanjey ga.
25Izʼaru lakkal jaŋante ga nga baaba dor,
a ga boraa kaŋ nʼa daŋ aduɲɲa ra binoo maray.
26A si boori boro ma boro šerrante zukandi,
wala ka boŋkoyni kar, ašariyaa si yadda a ga.
27Boro kaŋ ga nga boŋ dii šenni ga goo nda lakkal,
boro lakkal kanante ga faham.
28Ba saama, nda a ga dangay, a ga hima nda lakkalkoyni,
boro kaŋ ga hin nga miɲoo ga caram.
Currently Selected:
Yaasawey 17: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
