Yaasawey 11
11
1Neešihaya futu manʼti kala almuhal Abadantaa se,
neeši tondi kaŋ ga timme ga kan a se.
2Nda foomayan kaa, kaynandiyan kaa,
lakkal sii kala borey bande kaŋ ga ngi boŋ yeeti ganda.
3Boro šerrantey laadirtaraa no mʼi gongu,
zanbantey šenni bereyanoo gʼi halaci.
4Alman si haya kul hanse futay zaari hane,
šerretaray no ma boro hallasi buuyan ra.
5Boro laadirantaa šerretaraa ga nga fondaa hanse,
boro futu goy futaa gʼa kaŋandi.
6Boro šerrantey laadirtaraa no mʼi hallasi,
zanbantey ibaayi futawey no mʼi kaŋandi kumsaa ra.
7Nda boro futu buu, nga jitoo dere,
almanoo kaŋ ga a ga naata dere.
8Boro šerrante ga hun torrowey ra,
boro futu ga huru dogoo ra.
9Boro kaŋ si hunbur Irkoy,
nga miɲoo nda a ga nga cinaa halaci,
bayray no ma boro šerrante hallasi.
10Nda boro šerrantey yafarhã, albarkaa no koyraa se,
nda boro futu halaci, ɲaali kaatiyaŋ ga tee.
11Boro šerrantey albarkaa no ma koyraa jer,
boro futawey, ngi miɲey nda i ga koyraa kayri.
12Boro kaŋ ga nga cinaa kaynandi sii nda lakkal,
boro kaŋ goo nda fahamay mma dangay.
13Almunafiki ga sirri feeri,
boro naanayante mma gaabu i ga.
14Nda gongukaw sii no, jamaa ga kaŋ,
hallasiyan sii kala hoyraykaw boobo ra.
15Boro kaŋ na nga boŋ tee tolme
boro tana maaganda kaŋ na garaw zaa,
boraa huru šenday ra,
boro kaŋ ga konna kabe karyan goo lakkalkanay ra.
16Woy bine boryo ga duu beeray,
boro laaley ga alman ceeci nda gaabi#11.16 boro laaley ga alman ceeci nda gaabi, Ebere šenni ra, almaganaa faa ti aru goykaw ga alman tee..
17Boro laadirante ga gomni tee nga boŋ se,
boro bine kogaa ga kate nga boŋ zaati ga bone.
18Boro laala ga nga boŋ noo alman kaŋ gʼa zanba,
boro kaŋ ga šerretaray duma ga duu banaw cimi.
19Šerretaray ga koy hunayan ga,
boro kaŋ si fay nda ifutu ga koy buuyan ga.
20Bine šiira, almuhal no Abadantaa se,
Abadantaa alhormaa goo boro bande
kaŋ ga dira henanyan ra.
21Taka kul ra, boro futu si kabandi
boro kaŋ mana haya kul tee,
boro šerrante hayroo ga hallasi.
22Wura korbay nbirŋa niinoo ra
ga hima nda woy boryo kaŋ sii nda lakkal.
23Boro šerrantey si baa kala gomni,
boro futu naataa manʼti kala futay.
24Boro kaŋ ga borey noo, nga almanoo ga tonton,
boro kaŋ ga marga ka hoo ga kate nga boŋ ga talkataray.
25Boro kaŋ ga borey noo ga huna daame ra,
boro kaŋ ga borey noo hari i ma haŋ ga duu hari ka haŋ.
26Boro kaŋ ga wanji ka attamoo fattandi, jamaa gʼa danga,
albarka goo boraa se kaŋ gʼa neere.
27Boro kaŋ ga ihenna ceeci ga duu alhormo,
boro kaŋ ga ifutu ceeci ga duu ifutu.
28Boro kaŋ ga nga naanaa daŋ nga almanoo ra ga kaŋ,
boro šerrantey ga boosu ka feeri sanda tuuri fita.
29Boro kaŋ na bone duma nga hugoo se, nga tuboo ga tee hew,
saamaa ga tee lakkalkoynoo baɲɲaa.
30Boro šerrante teegoyoo manʼti kala tuuri kaŋ ga hunayan noo,
lakkalkoynoo ga duu borey.
31Boro šerrante ga duu nga banaa laboo ga,
soko boro laala nda zunubante.
Currently Selected:
Yaasawey 11: ses
Highlight
Share
Copy
Want to have your highlights saved across all your devices? Sign up or sign in
© BFP Velberter Mission and Wycliffe Bible Translators, Inc.
