Waazukaa 6

1Haya futu foo goo no kaŋ ay dii a waynaa cire kaŋ ga hanse ka adamize zarabi: 2Irkoy na alman noo boro se, nda arzaka, nda darža, haya sii no kaŋ a ga bagʼa kaŋ ga hundoo kuma. Amma Irkoy manʼa noo a ma maakaani i ra, yaw no ma maakaani i ra. Woo sii nda addalil, ifutu beeri no.

3Nda boro na izʼaru zangu (100) hay,

de mo a duu aloomur boobo, haya kul kaŋ ti nga aloomuroo,

a mana kungu gomni ra,

de mo nda a buu, a si duu ba suturayan henna,

ay ga nee kaŋ zanka kaŋ mana hayandi nda hundi bagʼa.

4Zama zankaa nka kaa yaada,

a ga koy kubawey ra,

kubawey ga maaɲoo daabu.

5A mana dii waynaa, a sʼa bay,

a goo nda hunanzamay ka bisa affaa.

6Ba nda a huna cee hinka jiiri zenber foo (1.000) bila nda a ma dii gomni, haya kul si koy nongu follokaa ra wala?

7Taabiyanoo kul kaŋ adamize gʼa tee

a sʼa tee kala nga gundoo se,

amma nga boonoo si hun.

8Macin ti nafaa kaŋ lakkalkoyni ga duu a ka bisa lakkal jaŋante?

Talka ma nga dira takaa bay baahunantey jine,

macin no a gʼa hanse a se?

9Boro ma dii nda nga moɲey baa haya kaŋ boro gʼa boonay.

Woo mo sii nda addalil sanda hew gaarandiyan.

Šenni lakkalkoyniyaŋ

10Haya kaŋ ga bara maaɲoo ciyandi a gay.

Hayaa kaŋ adamize ga ti a bayrandi za gayyan.

A si hin ka kakaw boro bande kaŋ goo nda gaabi nda a.

11Šenni boobo ga tee haya boobo kaŋ sii nda addalil,

macin ti nafaa kaŋ adamize ga duu a,a ra?

12May no ma bay haya kaŋ ga boori boro se nga hunaroo ra, nga aloomur kukoo kaŋ sii nda addalil kaŋ a gʼa tee sanda bii kaŋ ga bisa? May no ma hayaa har adamize se kaŋ ga tee waynaa cire nga banda ga?

Currently Selected:

Waazukaa 6: ses

Highlight

Copy