Sakaria 9
9
Amanaman asebrɛ
1 #
Yes 17.1
Yei ne AWURADE asɛm:
AWURADE atemmusɛm bɛtena Hadrak asase so
ne Damasko mu.
Na sɛdeɛ Israel mmusuakuo yɛ AWURADE dea no,
saa ara na Aram nkuropɔn nso yɛ ne dea.
2 #
Yes 23; Yer 47.4; Hes 26.1—28.26 Na saa ara nso na ɔbɛyɛ Hamat a ɔtoa soɔ no,
Tiro ne Sidon, sɛ wosusu sɛ wɔnim nyansa mpo a.
3Na Tiro too aban a ɛyɛ den,
na ɔtiaa dwetɛ sɛ mfuturo,
ne sika kɔkɔɔ sɛ mmorɔno so dɔteɛ.
4Hwɛ, AWURADE bɛma wɔahwere n’ahodeɛ,
na wabɔ ne tumi agu ɛpo mu,
na ɔno ara deɛ, ogya bɛhye no.
5 #
Yer 47
Askelon bɛhunu na wasuro,
na Gasa nso ho apopo biribiri sɛ;
na Ekron nso wɔahyɛ n’anidasoɔ aniwuo,
na ɔhene bɛyera afiri Gasa,
na Askelon nso, wɔrentena mu bio.
6Na amamfrafoɔ bɛtena Asdod,
na mɛtwa Filistifoɔ ahantan so.
7Na mɛyi mogya nam afiri n’anomu,
ne n’atantanneɛ afiri ne se mu,
na ɔno nso, wɔbɛgya no ama yɛn Nyankopɔn,
na wayɛ sɛ Yuda abusua bi,
na Ekron ayɛ sɛ Yebusini.
8 #
Sak 2.5
Na mɛkyere me fie ho nsraban,
ɛdɔm ho, deɛ ɔtwam korɔ na ɔsane ba ho,
na ɔhafoɔ biara antwam amfa wɔn mu bio;
na afei me ara ankasa mɛhwɛ me man so.
Asomdwoeɛ hene no
9 #
Sef 3.14; Mat 21.5 Di ahurisie pii, Sion babaa,
huro, Yerusalem babaa!
Hwɛ, wo hene reba wo nkyɛn,
ɔtene, na ɔwɔ nkwagyeɛ;
ɔdwo, na ɔte afunumu so,
afunumuburuwa a ɔyɛ afunumubereɛ ba so.
10 #
Mika 5.10
Na mɛtwitwa nteaseɛnam afiri Efraim,
ne apɔnkɔ nso afiri Yerusalem,
na wɔatwa akodie tadua nso;
na ɔbɛka ɔmannwoeɛsɛm akyerɛ amanaman,
na n’ahennie bɛfiri ɛpo so akɔ ɛpo so,
na afiri asuo ano akɔsi asase awieeɛ.
11 #
Eks 24.8
Wo nso, w’apam mogya no nti
mɛyi wo nneduafoɔ afiri amena a nsuo nni mu mu.
12 #
Yes 61.7
Monsane mmra aban a ɛyɛ den no mu, mo nneduafoɔ a mowɔ anidasoɔ.
Ɛnnɛ yi mpo mereka makyerɛ wo sɛ mmɔho na mede mahyɛ w’ananmu.
13 #
Dan 8.21-22
Na makom Yuda sɛ tadua mafa,
mede Efraim mahyɛ mu,
na makanyan wo mmabanin, Sion,
mahyɛ wo mmabanin, Hela,
na mede wo mayɛ sɛ dɔmmarima afena.
14Na AWURADE bɛyi ne ho adi wɔ wɔn so,
na n’agyan afiri adi sɛ ɔsraman;
na AWURADE Nyankopɔn bɛhyɛne totorobɛnto,
na wanante ahum a ɛtutu anafoɔ fam mu.
15Asafo AWURADE bɛwa wɔn ani,
na wɔadidi, na wɔatiatia ntɔmmoɔ mu aboɔ so,
na wɔanom, na nsa nti wɔayɛ hoo,
na wɔayeyɛ amaama sɛ koraa,
sɛ afɔrebukyia ntweaso.
16Na AWURADE wɔn Nyankopɔn bɛgye wɔn nkwa ɛda no
sɛ ne man nnwankuo,
ɛfiri sɛ wɔbɛyɛ abotire aboɔ
a ɛhyerɛnhyerɛn n’asase no soɔ.
17Na ne yie ne sɛn, na n’ahoɔfɛ ne sɛn?
Aduane bɛma mmeranteɛ ayɛ tokotokoo
na nsamono nso ama mmabaa ayɛ saa ara.
Currently Selected:
Sakaria 9: ASWDC
Highlight
Share
Copy
Want to have your highlights saved across all your devices? Sign up or sign in
Asante-Twi Bible With Deutero-Canons © The Bible Society of Ghana, 2017.
