Sakaria 13
13
Apam foforɔ no mu dom mayɛ
1 #
Yes 12.3; 55.1 Ɛda no wɔbɛbue nsuo aniwa ano ama Dawid fie ne Yerusalemfoɔ de adwira wɔn ho, bɔne ne ahokum ho.
2 #
Mika 5.13
Na ɛda no, asafo AWURADE asɛm nie, mɛtwitwa abosonhuhuo din afiri asase no so, na wɔrenkae bio; nanso mɛma adiyifoɔ no ne afi honhom no afiri asase no so akɔ. 3#Deut 13.5 Na sɛ obi bɛda so ahyɛ nkɔm a, n’agya ne ne na a wɔwoo no no bɛka akyerɛ no sɛ: Worennya nkwa, ɛfiri sɛ woaka AWURADE din mu atorosɛm. Na ne nkɔmhyɛ no nti na n’agya ne ne na a wɔwoo no no bɛhwire ne mu. 4#2 Ah 1.8 Na ɛda no adiyifoɔ no ani bɛwuwu wɔn adehunu ho, wɔn nkɔmhyɛ no mu, wɔremfira enwi ngusoɔ mfa nsisi bio. 5Na wɔn mu biara bɛka sɛ: Menyɛ odiyifoɔ, meyɛ onipa a ɔdɔ, na mayɛ kua firi me mmɔfraase. 6Na obi bisa no sɛ: Akuro bɛn na ɛwɔ wo nsa mu yi? Ɔbɛka sɛ: Pira a wɔpiraa me, m’adɔfo fie no ne no.
Wɔbɔ nnwan no hwete
7 #
Mat 26.31
Afena, sɔre tia me dwanhwɛfoɔ
ne ɔbarima a ɔyɛ me ho nipa no,
asafo AWURADE asɛm nie;
bɔ odwanhwɛfoɔ no, na nnwan no nhwete,
na mɛdane me nsa aba nkumaa no so.
8 #
Yes 6.13
Na wɔbɛtwitwa asase no nyinaa so nkyɛmu mmienu ma no adwerɛ,
nkyɛmu a ɛtɔ so mmiɛnsa no, wɔbɛgya no wɔ so,
AWURADE asɛm nie.
9 #
Hos 2.23
Na mede nkyɛmu a ɛtɔ so mmiɛnsa no bɛfa ogya mu,
na manane wɔn sɛdeɛ wɔnane dwetɛ,
na mayiyi wɔn mu sɛdeɛ wɔyiyi sika mu.
Wɔbɛbɔ me din,
na me nso mɛbua wɔn.
Mɛka sɛ: Me man ne wɔn!
Na wɔn nso aka sɛ: AWURADE yɛn Nyankopɔn!
Currently Selected:
Sakaria 13: ASWDC
Highlight
Share
Copy
Want to have your highlights saved across all your devices? Sign up or sign in
Asante-Twi Bible With Deutero-Canons © The Bible Society of Ghana, 2017.
