न्यायकर्ता 4
4
दबोरा, बाराक व याएल
1एहूद सीधुंकाः इस्राएलीतय्सं हाकनं परमप्रभुया मिखाय् मभिंगु ज्या यात। 2अथे जुयाः परमप्रभुं इमित हासोरय् शासन याइम्ह कनानी जुजु याबीनया#यहो ११:१-१० ल्हातय् मियादिल। वया सेनापति हरोशेत हग्गोयिमय् च्वनीम्ह सीसरा खः। 3इस्राएलीतय्सं परमप्रभुयाके ग्वाहालि फ्वन, छाय्धाःसा याबीनयाके गुसःगः नँयागु रथ दु, वं इस्राएलीतय्त निइदँ तक सास्ती बियाः क्वत्यलातःगु खः।
4उबलय् लप्पीदोतया#४:४ लप्पीदोत हिब्रू भाषाय् लप्पीदोतया अर्थ मतः खः कलाः दबोरा#४:४ दबोरा हिब्रू भाषाय् दबोराया अर्थ कस्तिहा खः इस्राएलयाम्ह न्याय याइम्ह खः। व छम्ह अगमवादिनी खः। 5व एफ्राइमया पहाडी देशय् रामा व बेथेलया दथुइ दुगु दबोराया ताय्गः सिमा क्वय् च्वनीगु। इस्राएलीत वयाथाय् न्यायया निंतिं वइगु खः।
6छन्हु वं नप्तालीया केदेशं अबीनोअमया काय् बाराकयात सःताः धाल, “परमप्रभु इस्राएलयाम्ह परमेश्वरयागु आज्ञा थ्व दु, ‘वनाः नप्ताली व जबूलूनयापिं झिद्वः मनूतय्त ल्ययाः इमित छलिसें हे तबोर डाँडाय् हजि। 7जिं याबीनया सेनापति सीसरायात वया रथत व सकलें सिपाइँत नापं कीशोन खुसि तक पित हयाः छंगु ल्हातय् तयाबी।’”
8बाराकं लिसः बिल, “छि जिलिसें झाःसा जक जि वने छि मझाःसा जि नं वने मखु।”
9दबोरां धाल, “धात्थें जि छलिसें वने तर छन्त हनाबना दइ मखु, छाय्धाःसा परमप्रभुं सीसरायात छम्ह मिसाया ल्हातय् बियादी।” थुकथं दबोरा बाराकलिसें केदेशय् वन। 10बाराकं जबूलून व नप्ताली कुलयापिं मनूतय्त केदेशय् सःतल। झिद्वः मनूत वया ल्यूल्यू वन, दबोरा नं वलिसें वन।
11उबलय् हेबेर धाःम्ह छम्ह केनी केदेशयागु सानन्नीमय् तःमागु छमा सिमाया लिक्क थःगु पाल ग्वयाः च्वनाच्वंगु खः। केनीत मोशाया ससःबौ होबाबया सन्तान खः। हेबेर मेपिं केनीतय्त त्वःताः अन च्वनाच्वंगु खः।#न्याय १:१६
12सीसरां अबीनोअमया काय् बाराक तबोर डाँडाय् थाहां वंगु खँ न्यनाः 13थःगु गुसःगः नँयागु रथ व सकल सिपाइँतय्त हरोशेत हाग्गोयिमं कीशोन खुसिइ सःतल।
14अले दबोरां बाराकयात धाल, “हुँ थौं परमप्रभुं सीसरायात छंगु ल्हातय् बियादीगु दु। परमप्रभु छंगु न्ह्यःने झाःगु दु।” उकिं झिद्वः मनूत ज्वनाः बाराक तबोर डाँडां क्वहां वल। 15लडाइँ जूबलय् परमप्रभुं बाराकया न्ह्यःने सीसरायात, वया रथत चले याइपिं मनूत, वया सकल सिपाइँतय्त इतिमिति कंकादिल। अले सीसरा रथं क्वहां वयाः बिस्युं वन। 16बाराकं सीसराया सेना व रथतय्त हरोशेत हग्गोयिम तक लिनायंकल। अले सीसराया सकल सिपाइँत तरवारं सीत। छम्ह नं बचय् मजू।
17सीसरा धाःसा हेबेर केनीया कलाः याएलया पालय् बिस्युं वन, छाय्धाःसा हासोरयाम्ह जुजु याबीन व हेबेर केनीया परिवार मिलय् जूपिं जुयाच्वन।
18याएल पिहां वयाः सीसरायात नापलात अले वयात धाल, “हे जिमि मालिक, दुने दुहां झासँ, ग्यानादी मते।” उकिं सीसरा पाल दुने दुहां वन, अले याएलं सीसरायात फांगा फाय्काबिल।
19सीसरां वयात धाल, “जितः लः त्वंकि, जि प्याःचाःगु दु।” अले याएलं दुरु दुगु छेंगूया म्हिचाया पुसा चाय्काः वयात दुरु त्वंकल, अले वं वयात फांगा फाय्कल।
20सीसरां वयात धाल, “पालया लुखाय् हे दना च्वँ, अले सुनानं थन सुं दु ला धकाः न्यन धाःसा ‘सुं मदु’ धा।”
21तर हेबेरया कलाः याएल पालया छपु नकिं व मुगःचा कयाः तीजक सीसराया न्ह्यःने वन। सीसरा त्यानुगुलिं तसकं न्ह्यः वयेका च्वंगु जुल। अले वं नकिं कयाः सीसरायागु न्हकुं पिचाय्कः बँय् तुंक तानाबिल। थुकथं वं सीसरायात स्यात।
22स्व, अबलय् हे सीसरायात ल्यूल्यूं बाराक अन थ्यंकः वल। याएल वयात नापलायेत पिहां वल, अले वं थथे धाल “झासँ, छिं मालादीम्ह मनू क्यनाबी।” बाराक वलिसे दुहां वन, अन सीसरायात नकिं न्हकुं पिचायाः स्यूगु व ग्वार्तुलाच्वंगु खंकल।
23उखुन्हु परमेश्वरं कनानयाम्ह जुजु याबीनयात इस्राएलीतय्गु न्ह्यःने बुकादिल। 24अले इस्राएलीतय्सं जुजु याबीनयात नाश मयाःतले इपिं कनानयाम्ह जुजु याबीन स्वयाः बल्लानावन।
Currently Selected:
न्यायकर्ता 4: NEW
Highlight
Share
Copy
Want to have your highlights saved across all your devices? Sign up or sign in
© 2024 Nepal Bible Society, Newa Christian
Literature Center and Wycliffe Bible Translators, Inc.