न्यायकर्ता 17
17
मीकाया मूर्तित
1एफ्राइमया पहाडी देशय् मीका धाःम्ह छम्ह मनू दु। 2छन्हु वं थः मांयात धाल, “छिगु १,१०० वहःयागु कुचा#१७:२ १,१०० वहःयागु कुचा १३ किलोग्राम ति खः खुया काःबलय् जिं ताय्कः छिं खुँयात सराः बियादीगु खः। स्व, व धिबा जिके दु। व जिं हे खुया कयागु खः।”
वया मामं धाल, “जि यःम्ह काय् छन्त परमप्रभुं सुवाः बियादीमा।” 3वं वया थः मांयात झिंछसः वहःयागु कुचा लित बीधुंकाः वया मामं धाल, “आः जिं थ्व वहः जिमि काय्नं कियातःगु झ्वाता व ढलौटया मूर्ति दय्केमा धकाः परमप्रभुयात अर्पण याये।” अले वया मांनं धाल, “मिका जिं थ्व छन्त लितबी।”
4तर वं व वहः थः मांयात लित बिल। अले मामं निसः वहःयागु कुचा कयाः छम्ह वहकःमियात बिल। वं उकिं छगू झ्वाता व छगू मूर्ति दय्कल। अले उपिं मीकायागु छेँय् तल। 5थ्व हे मीका धाःम्ह मनूया छगू पुजा याइगु कोथा दुगु जुयाच्वन। वं छगू एपोद व छुं झ्वातात दय्कल। अले थःकाय्पिं मध्ये छम्ह काय्यात पुजाहारीया थासय् तल।
6उगु इलय् इस्राएलय् जुजु धयापिं हे मदुनि। सुया छु याये मंदत व हे यानाजुइगु खः।
7यहूदाया बेथलेहेम शहरय् छम्ह ल्याय्म्हम्ह लेवी दुगु जुयाच्वन। व यहूदा कुलयापिं मनूतय् दथुइ च्वनीम्ह खः। 8व बेथलेहेम शहर त्वःताः मेगु च्वनेगु थाय् माःवन। चाःहिलाः वँवं व एफ्राइमया पहाडी देशय् मीकाया छेँय् थ्यंकवल। 9मीकां वयात न्यन, “छ गनं वयागु?”
वं लिसः बिल, “जि यहूदियाया बेथलेहेमयाम्ह छम्ह लेवी खः, जिं थः च्वनेत थाय् माला च्वनागु दु।”
10मीकां वयात धाल, “जि नाप च्वनाः जिमि बौ व पुजाहारी जु। जिं दँय्दसं झिगू वहःयागु कुचा, छज्वः वसः व नयेगु नसा बियेगु याये।” 11उकिं व लेवी वलिसें च्वनेत मानय् जुल। अले वया लागि व ल्याय्म्हम्ह मनू थःकाय् थें जुल।
12मीकां व लेवीयात पुजाहारीया ज्याय् तल, अले व मीकाया छेँय् च्वन। 13मीकां धाल, “आः जिके छम्ह लेवी पुजाहारी दुगुलिं परमप्रभुं जितः भिं यानादी धकाः जिं सिल।”
Currently Selected:
न्यायकर्ता 17: NEW
Highlight
Share
Copy
Want to have your highlights saved across all your devices? Sign up or sign in
© 2024 Nepal Bible Society, Newa Christian
Literature Center and Wycliffe Bible Translators, Inc.
