Mala 4

Lisiku lya AMBUJE likwisa

1AMBUJE Ŵamaciligosope akuti, “Lisiku likwisa lyele ŵandu wosope ŵakulikusya ni ŵakutenda yangalumbana tacipya mpela ufuni. Pa lisiku lyelelyo tacipya mpaka kutinika, ngasigaŵa kandu. 2Nambo jemanja ŵimkusambikanila une, macili gangu gakulupusya tigaciyika pa jemanja mpela kukopoka kwa lyuŵa ni kwikasya kuposya mpela kuŵala kwa lyuŵa. Timcigulukaguluka mwakusengwa mpela ŵanace ŵa ng'ombe ŵakutyocela mwicinga. 3Lisiku lyelelyo timcaliŵata ŵandu ŵangalumbana mpela liwu ku sajo syenu.

4“Mkumbucile yakwiganya ya Mose* jwakutumicila jwangu, malamusi ni yinamlamulaga Kwitumbi lya Sinayi kuti ŵasalile Aisalaeli wosope.

5“Nambo mkiniliyice lisiku lyalikulungwa lyakogoya lya AMBUJE, tinjimtumicisya jwakulocesya* Eliya.*#Mat 11:14; 17:10-13; Mak 9:11-13; Luk 1:17; Yoh 1:21 6Jwalakwejo tacakamulanya ŵanace ni acibaba ŵawo soni; kogopela kuti tinjiyika ni kucilwesa cilambo cenu ni kucijonanga.”

Currently Selected:

Mala 4: YAWO

Highlight

Copy